1 TIMÒTĪ 1:3 - TÖHET LĪPÖRE (Re-edited) Bible (BSI)

³ Ngaich chin halēnngen meh öm höngngöh i Efisös, ik hē chu chuh Makētòni, pò meh hōtu vëkö öp tö hĕng tak tarik nö un haköptö tahëng inköphöti,

1 TIMÒTĪ 1:3 Referans Kwoze

1 TIMÒTĪ 6:3

Yĕn tarīku mahaköp töharīkngöre inköphöti, öt hōḵo tölöök ṙô inrē, nup ṙô ngam Mā hī Yēsū Kristū, ngam inköphöti ngam tö sā ngam lanöökö;

2 YÔHAN 1:7

Pòn maṙôngö nö ngaich yik mahachīl, nö chuh ing panam, cha-a yik töt mahalööknyôre tö Yēsū Kristū nö yih nö tarik. Anga-aṅ ön ngòh mahachīl, töminyôiny Kristū inrē.

1 TIMÒTĪ 4:11

Anū-ö ṙô meh tölṙô, haköphöti inrē.

1 TIMÒTĪ 4:6

Yē meh chaphöt në nö ellōn yip hol ngaich me-eṅ min tö akaha mameukṙen Kristū Yēsū, haruklöngö i nup ṙô aṅ i mikah, aṅ i tölöök inköphöti, ngam tahömken meh söl ing töngamuh:

INMEUKHÖMAT 2:20

Aṅhaṅv-in pöri chu-ö tö ngih nö lā in meh, pò meh halöngten ngam kikānö Yēsipel öp kikānö pròfĕt töṙôre, ngaich anga-aṅ nö haköphöti ane inrē hachōḵngen yip kūön alaha chu nö asĕhha, nya-aṅvkūö inrē tö nup tökētu nö i insā tēv.

INMEUKHÖMAT 2:14

Haroh tum pöri nup kumnyah in chu lā in meh, pò meh aṅhaṅv-in umuh tö yip rēvre ṙamapkö ap inköphöti aṅ in Pēlām, ök mahaköpten Pēlak, nö kavaltö kinvē-ĕre yik kūön Israĕl, nö nyā nuk tökētu nö i insātēv, ngaich asēha inrē.

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

1 TIMÒTĪ 6:10

Pò ngam hanāngen tö rupīö nö ṙĕh nup tökeuheūttöre tötlöök; ngaich sölö yip rīkre, ngaich lō-ongkūö tö ngam mikah, ngaich tafūni tī nö sapngöre tö miṙivlōn.

1 TIMÒTĪ 5:7

Anū-ö në tö ngatī chöngö meh inrē, hòṅ cha nö öt vineḵkuvö.

FILIPĪ 2:24

Hayönglenre chinri im Mā tö chu min yih chu-ö inrē öt ṙòktörevö.

EFISÖS 4:14

Hòṅ hī öt sā nyīö, öi hëmngö, heuingö inrē, i inköphöti inchīlö tö tarik, i huneū-en inchōḵngö im tö vaich.

INLAHEN 18:19

Chalô cha-a nö i Efisös, ngaich ṙāngen cha anga-aṅ nö umuh; kuhēthötre pöri anga-aṅ nö el chūök vine-eṅkūötēv, ngaich ve-ekūö yik Yahūti.

INLAHEN 18:21

Havëḵengritre anga-aṅ nö in cha; ngaich ngö ṙô, Hēk chin min havantöre in yīö, yē lōn ngam Tēv. Ngaich hatēhĕngre anga-aṅ nö ṙā-ang Efisös.

RŌMA 15:26

Pò e nö tölöök nö lōn yip aṅ Makētòni, aṅ Akāya inrē nö meukṙen yip yāich aṅ i yip töhet i Yerūsalem.

RŌMA 16:17

Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.

2 KÒRIN 11:4

Yē ap yamihtöre nö ahangkö tahëng Kristū, öp töt ahangkö ih ihö, hēk yē yīö kēḵ töharīkngöre lōn, öp töt kahëḵ yīö, hēk, tö harīkngöre inhānga, öp töt ahōḵo yīö, huveū-en yī-ö öi ṙāpö ò.

2 TIMÒTĪ 1:18

Kē-ĕti an yēḵ ngam Mā nö in ò, hòṅ ò nö kôtökūö tö neūkölōn ngam Mā ip Sakāmö angū-ö; akahalōn man inrē tö tumkangen ò nö meukṙen nö i Efisös.