1 TIMÒTĪ 1:2 - TÖHET LĪPÖRE (Re-edited) Bible (BSI)

² Löö in Tamòtī, kūön chu tökô-en im mikah: Inlōnti, neūkölōn, lanāmö inrē aṅ im Tēv Yöng, ngam Mā hī inrē Kristū Yēsū.

1 TIMÒTĪ 1:2 Referans Kwoze

TAITÖS 1:4

Löö in Tāitös, ngam tökô-en kūön chu im ṙinātö ellōn taṙòkhöre: Inlōntī, lanāmö aṅ im Tēv ngam Yöng, Kristū Yēsū inrē ngam Mahayööken hī.

2 TIMÒTĪ 1:2

Löö in Timòtī, hanāngen chu nö kūön: Inlōnti, neūkölōn, lanāmö aṅ im Tēv ngam Yöng, Kristū Yēsū inrē ngam Mā hī.

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

RŌMA 1:7

Löö i yip mi-i Rōma nö ṙòkhöre, hanāngen ngam Tēv, havëtu nö töhet; Inlōnti yēḵ, kumchikṙen inrē aṅ im Tēv, Yöng hī, aṅ im Mā inrē Yēsū Kristū.

2 TIMÒTĪ 2:1

Lökten man, me-eṅ kūön chu, hangëḵeṅre im inlōnti ngam aṅ in Kristū Yēsū.

1 TIMÒTĪ 1:18

Kētö ngih chin chöngö in meh, me-eṅ kūön chu Timòtī, sā nup kinlēḵngô mū-urĕh nö i kui meh nö ngaich, hòṅ meh lökten in u kiyung im tölöök kinyūngö;

1 TÖSALÒNIKĒ 3:2

Ngaich tīnngen Timòtī, ngam hol ih mameukṙen ngam Tēv inrē im tölöök inhangkö Kristū, nö mahaköpngen yīö, mahangëken yīö im mikah;

KALATĪ 1:3

Inlōnti yēḵ in yīö lanāmö inrē, ṙā-ang im Tēv Yöng, ngam Mā inrē, Yēsū Kristū,

1 TIMÒTĪ 1:12

Ha-öinyö Ò chin ngam kamëtö kanô-òṅ chu, ngam Mā hī Kristū Yēsū, pòn kaheukten chu Anga-aṅ tökô-en, nö vīlen chu ing la-en Ò;

1 TIMÒTĪ 6:20

Ō Timòtī, aṅtö ngam kinë-eṅkūöre man, havööngökūöre tö nup töchōich ṙô töt akaha, nup tö harīkngöre tö ngam mikah, nup tösūöichka nö mikah;

TAITÖS 2:2

Hòṅ yip tököiny tarik, nö öt saṙākiṙen öt tayāchaṙen, öt saṙākilōn, lööken im mikah, i hanāngenlōn, i manöiyö:

TAITÖS 3:15

Salāmö meh yin nö ṙòkhöre vē mī-in chu. Salāmö cha yip töhāngenlōn tö hī im mikah. Inlōnti yēḵ in yīö ṙòkhöre.

2 YÔHAN 1:3

Inlōnti, neūkölōn, lanāmö min inrē nö in hī, nö ṙeū-eung im Tēv, ngam Yöng, ṙeū-eung in Yēsū Kristū inrē, ngam Kūön ngam Yöng, im kanô-en, hanāngenlōn inrē.

3 YÔHAN 1:4

Hö-ö chin tösamötngörevö ṙanāmölōn tö ngih, öich hang yip kūönre nö lök im kanô-en.

NGAM LĪPÖRE KAHŪICH YŪT 1:2

Neūkölōn yēḵ in yīö, kumchikṙen, hanāngenlōn inrē, ṙūhölre ṙôken.