1 SAMUĔL 9:9 - TÖHET LĪPÖRE (Re-edited) Bible (BSI)

⁹ (Ik lā-urĕh misī i Israĕl, yē ngòh tarik nö kiröönngöre nö hatöntöre nö im Tēv, ngö ṙô anga-aṅ, Tā-a tai chuh ip mameuk: pò öp pròfĕt töngamuh nö mameuk tö ṙô ik lā-urĕh.)

1 SAMUĔL 9:9 Referans Kwoze

Isayā 30:10

Vē tö ngö ṙô tö yip mameuk, Uh yin meuk; tö yip pròfĕt inrē uh in vënyu nang tö nup töchiplen, vë-ekūö ih tö nup töfaṙëcha ṙô, vë-eny minyôiny-aṅ:

AMŌS 7:12

Ngö ṙô ap inrē Amasīyā tö Amôs, Ō me-eṅ mameuk, kuṙòh, falngöre man i panam Yūtā, nyā-aṅvkūö öm umuh, umuh inrē öm ahānga;

1 KINṘÖTNGÖ 29:29

Kūchö nup inlahen ök rācha Tavit, löktökūö raneh söl manā-aṅ nö i mat Kinṙötngö tö Samuĕl ök mameuk, i Kinṙötngö inrē tök pròfĕt Nātan, i Kinṙötngö inrē tö Kāt ök mameuk,

1 KINṘÖTNGÖ 26:28

Ṙòkhöre inrē nuk tökētu tö Samuĕl ök mameuk tö Sôl inrē ök kikōnyö kūön Nör tö Yô-ap inrē ök kikōnyö kūön Serūyā ṙòkhöre nuk tö kētu inlōnti nö hayōmö tö Selōmòt tö yik mak alaha ò inrē.

2 RĀCHA 17:13

Hameukhömat Israĕl ngam Mā Tēv. Yūtā inrē, nö lök tö eltī pròfĕt in yik mameuk inrē, nö ngö ṙô, Havööngökūöre yin tö minë tötlöök la-en, ngaich haköp në chöngö chu, asā nup chöngö nö ṙòkhöre nuk inchöngten yik muvöhngö yīö, nuk sahööm tö chu in yīö nö löktö eltī yip tarik chu pròfĕt.

2 SAMUĔL 24:11

Ngaich hē Tāvit nö chōholre tö peuheū, yih ngaich ngam ṙô ngam Mā Tēv nö in Kāt ök pròfĕt ök mī-in Tāvit mameuk, nö ngö ṙô,

Isayā 29:10

Pò ngam Mā Tēv nö hōngtö kui yīö tö ngam ma-alaha tölapat inṙôhò ngaich inrē nö tilupngö mat yīö, tö yik pròfĕt, kahultu kui yin inrē, tö yip mameuk inrē.

Ranehlö 25:22

Ngaich nak nyīö nö kilöönö höö nö ellōn ò; ngaich ngöṙô angā-aṅ, Yē e nö ngatī, kūöyòh öichvö aṅ? Ngaich kiröönngöre angā-aṅ nö hatöntöre nö i ngam Mā Tēv.

2 KINṘÖTNGÖ 16:10

Ngaich Asā nö tainy nö ik mameuk, halökngen ò ngaich nö el kinlōngö, pò ò nö tainy nö in ò kūö e. Öt milēḵ inrē Asā nö chökhutī tö yik rīkre tarik hē e.

2 KINṘÖTNGÖ 16:7

Hē e Hananī ök mameuk nö yihtöre nö in Asā ök rācha aṅ Yūtā, ngaich ngö ṙô tö ò, Pò meh hayönglenre ip rācha aṅ Sīriā, öm öt hayönglenre im Mā Tēv meh, ngaich yik kumyung ök rācha aṅ Sīriā nö öt kô-òngvah tö tī meh.

1 KINṘÖTNGÖ 9:22

Ṙòkhöre vē, nö katöllöng nö yōm nuk elmilūkö, nö nëtòng nëtsīön tak. Kaheuklöng cha-a nö löktökūö lökngörit cha nö el tuhēt cha. Tāvit ane inrē Samuĕl ök mameuk ṙamāten cha nö el chūök nyanatlö.

KAMHÔKA 1:1

Ngaich ngö inlahen angū-ö unôichrit kinpaha Yôsuā tö yik kūön Israĕl nö hatöntöre nö i ngam Mā Tēv, nö ngö ṙô, Achiāp min kumröönngöre nö hol ih urĕh lā-al yip aṅ Kanā-an, öi kiyung lā-al cha?

1 SAMUĔL 9:10

Ngaich ngö ṙô Sôl tök tarikre, Vāyö ṙô man; tā-a, tai kiröönngöre. Kiröönngöre cha-a ngaich nö chuh im elpanam i chūök ök tarik ngam Tēv.

1 KINṘÖTNGÖ 21:9

Ngaich ngam Mā Tēv nö vë-ekūö Kāt, ök in Tāvit mameuk, nö ngö ṙô,

KAMHÔKA 18:5

Ngaich ngö ṙô cha-a tö ò, Ve-ekūö meh in, havëkö inlēnö man im Tēv hòṅ ih akahalōn, yē ngih talöökö ih kiröönngöre min nö takôlò.

1 KÒRIN 12:17

Yĕn ṙòkhöre öre ngam alaha nöng mat; isuh öre hināngö? Yĕn ṙòkhöre nöng hināngö; isuh öre tinôngö?