1 SAMUĔL 8:8 - TÖHET LĪPÖRE (Re-edited) Bible (BSI)

⁸ Sā nup la-en cha nö ṙòkhöre tökēkaṙen hēten tök sakāmö chu kēnyen cha ṙā-ang Aikup söl ing töngamuh, acha-a nö ṙāngen chu, ngaich lök la-en tahëng tēv, ngatī tī yin tö meh inrē,

1 SAMUĔL 8:8 Referans Kwoze

MANEUTNYI 32:1

Ngaich hē yik tarik nö meūkö Môsös nö hāṅtö yīhih nö yônti nö ṙā-ang kui ngam rôngö hamūlöre ngaich yik tarik nö in Āròn, ngaich ngö ṙô tö ò, Choholre man, vī tēv ih öp mu-urēhĕkūö ih min nö kiröönngöre; tön öt akahalōn in tö Môsös töp lāinyngen ò, öp tarik kamënyen ih ṙā-ang öp panam Aikup.

KAMHÔKA 13:1

Ngaich hēk yik kūön Israĕl nö ötlöökö la-en nö i kūö ngam Mā Tēv; Kēten cha ngaich ngam Mā Tēv nö eltī yik Filistain fën anāi samyeūheu.

KAMHÔKA 6:1

Ngaich yik kūön Israĕl nö la-evṙen tö tötlöök nö i kūö ngam Mā Tēv: ngaich kēten cha ngam Mā Tēv nö sat samyeūheu nö eltī aṅ Mītīa.

KAMHÔKA 4:1

Ngaich hēk yik kūön Israel nö la-evṙen tö tötlöök nö i kūöngam Mā Tēv, hē Ēhöt nö ngaich nö kapah.

KAMHÔKA 2:20

Tōttörekūö ngaich ngam lanīnö ngam Mā Tēv nö in Israĕl; ngaich ngö ṙô anga-aṅ, Kūö ngih pumnāmö tarik nö tôichngen tö ngam chöngö chu ngam tinöölô yik muvöhngö cha tö chu, öt hang ṙô chu inrē;

I. CHÖNGÖ 9:24

Löktökūö ök sakāmö hēten tö chu akahakūö tö yīö öi ahôngen ngam Mā Tēv.

KINṘEŪKÖ 16:41

Im huṙöich pöri yik ṙôngö kūön Israĕl nö ṙòkhöre nö uyëken Môsös Āròn inrē, nö ngö ṙô, Fëli yik tarik ngam Mā Tēv tö nā.

MANEUTNYI 17:2

Lökten yik tarik nö lā-alkūö Môsös, nö ngö ṙô, Kētö mak in ih hòṅ ih òk. Ngaich Môsös nö ngö ṙô tö cha, Kūöyòh öyih lā-alkūö chu? Kūöyòh öi kalah ngam Mā Tēv?

MANEUTNYI 16:3

Ngö ṙô yik kūön Israĕl tö cha, Ĕhten in öre kapahtö tī ngam Mā Tēv ip panam Aikup, isaha ih ūichhakṙen i nup tanīönyö tö aṅtö alaha, isaha ih tööḵngen nyā rôtī; pò nā ngaich kēnyen ih löö el ngih tönyaṅlnyi, vē tömaṙôngö nö kumpahaivah tö neūköre.

1 SAMUĔL 8:7

Ngaich ngö ṙô ngam Mā Tēv tö Samu-ĕl, Hang ṙô më tarik man i nup ṙô cha tö meh: tön rö-ö yin nö sōḵen meh, sōḵen chu pöri cha-a, nö sōḵten chu rācha i kui cha.

1 SAMUĔL 8:9

Lökten hang ṙô cha ngaich: uh pöri më-eṅ öt vëken cha min, hameukhömat cha inrē më-eṅ tö inlahen öp rācha öp mahayöngö cha min.

YERIMIĀ 34:14

I kinheūtentö tafūöl samyeūheu yin kö ṙānyö yip holre Hiprū yip tö inyihtu nö in yīö tö ngaich inrē nö tafūöl samyeūheu nö la-evṙen nö in yīö; hòṅ ṙānyen ò yī-ö nö ṙā-ang im linöökö la-en yīö. Hö-ö pöri yik yöng yīö nö hang ṙô chu hēk öt asītö elnang re nö in chu.

ISIKĪ-ĔL 2:3

Ngö ṙô anga-aṅ ngaich tö chu, Kūön tarik, tīnten meh chin in yip tarik Israel, i pumnāmö tarik ma-ahôngen, yip ma-ahôngen nö lā-al chu; cha-a tö yik yöng cha inrē tötôichngen nö lā-al chu söl ing töngamuh sakāmö.

Salmai 78:8

Hòn öt sā yik yöng re töt hanlöinyken, ane inrē maha-ôngen nö tumkölchap: tumkölchap nö töt mahachiptö ellōnre, yik töt köpö ellōn nö im Tēv.