1 SAMUĔL 8:7 - TÖHET LĪPÖRE (Re-edited) Bible (BSI)

⁷ Ngaich ngö ṙô ngam Mā Tēv tö Samu-ĕl, Hang ṙô më tarik man i nup ṙô cha tö meh: tön rö-ö yin nö sōḵen meh, sōḵen chu pöri cha-a, nö sōḵten chu rācha i kui cha.

1 SAMUĔL 8:7 Referans Kwoze

1 SAMUĔL 10:19

Sōk-o ngam Tēv re pöri yī-ö in ngih sakāmö ngam mahayööken yīö ṙā-ang i nup taṙòkhöre öt kanôlò yīö kanihngen yīö inrē; ngaich ngö ṙô yī-ö tö ò, Hö-ö, ha-ūichlö rācha pöri i kui ih. Lökten hameuktöre yin töngamuh ikūö ngam Mā Tēv i miyöngö yīö, i tun köṅny yīö inrē.

T. LŪKÖS 19:27

Më tökunyahaṅelmat pöri tö chu, më tö sōḵ nö hayöngö tö chu, kēten cha ihih; fëlngen cha nö i kūö chu.

T. LŪKÖS 10:16

Ngòh hamang ṙô yīö, ngaich hang ṙô Chu. Ngòh samôḵen yīö, ngaich samôḵen Chu. Ngòh samôḵen Chu, ngaich samôḵòṅ ngam tamīnngen Chu.

MANEUTNYI 16:8

Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

T. LŪKÖS 19:14

Ngaich yik tarik pöri aṅ ök panam nö kunyahaṅelmat tö ò, ngaich tīnngö tö-akaha tarik nö unôichrit ò, ngö ṙô, Sōḵo ngòh tarik in īhö, nö hayöngö ih.

T. MËTIV 10:40

“Ngòh hamô-en yīö, hamô-en Chu anga-aṅ. Ngòh hamô-en Chu, hamô-en ngam tamīnten Chu anga-aṅ.

T. YÔHAN 13:16

Kô-ò ṙô Chin tö yīö Öt pōyö ön ngòh mahalenṙen tö ngam yöngṙenre; ngatī ngòh tötīni nö öt pōyö tö ngam tamīngöre.

Isayā 66:4

Atöllö kanihngen chin chū-ö inrē in cha, kētö pinhe-eṅkūö cha inrē i kui cha; pòn öt hĕng tak samap ṙô hē chu havë-a, öt hang cha-a hē chu ṙô-òv; ngaich pöri cha-a nö i kūö chu nö la-evṙen tö tötlöök, ngaich atöllö e ngam töt chūök kumchiklōn chu.

KINṘEŪKÖ 22:20

Ngaich yihtöre ngam Tēv nö in Pēlām tö hatööm, ngaich ngö ṙô tö ò, Yē vē tarik nö yih nö havëken meh, chōholre, kuṙòh in cha; höng ap ṙô chu pöri vë-ekūö meh, angū-ö la-en meh.

KAMHÔKA 8:23

Ngaich Kitīön nö ngö ṙô tö cha, Hö-ö chin hòṅ hayöngö yīö, öt rēhĕn min ngòh kūön chu kikōnyö nö hayöngö yīö; ngam Mā Tēv an min mahayöngö yīö.

1 SAMUĔL 8:8

Sā nup la-en cha nö ṙòkhöre tökēkaṙen hēten tök sakāmö chu kēnyen cha ṙā-ang Aikup söl ing töngamuh, acha-a nö ṙāngen chu, ngaich lök la-en tahëng tēv, ngatī tī yin tö meh inrē,

1 SAMUĔL 8:22

Ngaich ngö ṙô ngam Mā Tēv tö Samu-ĕl, Hang ṙô cha man ngaich, vīlö rācha cha. Ngaich Samu-ĕl nö ngö ṙô tö yik tarik Israĕl, Kö chuh elpanamre yin ngaich kuṙòh.

1 SAMUĔL 12:1

Ngaich Samu-ĕl nö ngö ṙô tö yik Israĕl nö ṙòkhöre, Yĕh meuk, ngaich chin hang ṙô yīö i tökeuheūttöre nuk ṙô yīö tö chu ngaich vīlö rācha i kui yīö.

1 SAMUĔL 12:12

Ngaich hē yīö meūkö Nāhas ök rācha yik kūön Amön nö yih nö lā-al yīö, ngö ṙô yī-ö ngaich tö chu, Hö-ö vīlö rācha ih pöri nö mahayöngö ih: yĕn ngam Mā Tēv lang rācha yīö ngam Tēv yīö.

YERIMIĀ 34:14

I kinheūtentö tafūöl samyeūheu yin kö ṙānyö yip holre Hiprū yip tö inyihtu nö in yīö tö ngaich inrē nö tafūöl samyeūheu nö la-evṙen nö in yīö; hòṅ ṙānyen ò yī-ö nö ṙā-ang im linöökö la-en yīö. Hö-ö pöri yik yöng yīö nö hang ṙô chu hēk öt asītö elnang re nö in chu.

ISIKĪ-ĔL 2:3

Ngö ṙô anga-aṅ ngaich tö chu, Kūön tarik, tīnten meh chin in yip tarik Israel, i pumnāmö tarik ma-ahôngen, yip ma-ahôngen nö lā-al chu; cha-a tö yik yöng cha inrē tötôichngen nö lā-al chu söl ing töngamuh sakāmö.

ISIKĪ-ĔL 3:7

Hö-ö pöri min öp patī Israel nö hangṙô meh, pò cha nö öthōḵ nö hangṙô chu; pòn ṙòkhöre nup patī Israel nö töngë-eṅ māl töngë-eṅ ellōn inrē.