1 SAMUĔL 8:5 - TÖHET LĪPÖRE (Re-edited) Bible (BSI)

⁵ Ngaich ngö ṙô cha-a tö ò, Yĕh meuk, ngaich man köiny, ngaich minā kūön meh nö öt lök el talöökö meh: vīlö rācha ih man yĕh ngaich töngamuh tö mahayöngö ih sā vē pumnāmö tarik nö ṙòkhöre.

1 SAMUĔL 8:5 Referans Kwoze

INLAHEN 13:21

Hēk unôich cha-a nö havëkö rācha, ngaich kē-ĕkūö cha ngam Tēv tö Sôl, ök kūön Kis, ök lamökngörit Penyamin, fën anāi samyeūheu.

1 SAMUĔL 12:17

Röh öng töngamuh nö inmūlö vīt? Hòṅ havëkö ngam Mā Tēv chin, hòṅ ò nö tīntö kunṙôkö kumṙah inrē; ngaich yī-ö min akahalōn meuk ṙôkö öt lanöököre inrē, ngam tī yīö ngaich i kūö ngam Mā Tēv, öi havëkö rācha re.

KINṘEŪKÖ 23:9

Pò chu yih meūkan, löktökūö i kui minë ihong, Löktökūö minë rung chin meūkan: Yĕh meuk, tarik an nö töng hĕngtöṙah, Öt kaheuktu an min nö i pumnāmö tarik.

1 SAMUĔL 9:20

Nup köttö meh pöri tölūöi hang sumkam ngaich nö chatngen, uh man piṙūtkö u: tön kôtī nup nö ngaich. Achīö ṙöng ap lōn vē aṅ Israĕl? Röh öm më-eṅ, tö yip aṅ patī yöng meh inrē nö ṙòkhöre?

1 SAMUĔL 12:2

Yĕh meuk, ngaich an ngam rācha töngamuh nö lök i kūö yīö ngaich chū-ö köiny pakū-uvkui inrē; yĕh meuk, in yīö nan minā kūön chu kikōnyö: lök i kūö yīö chin chū-ö ngaich inrē löktökūö ik nyinī-öre söl in töngamuh.

1 SAMUĔL 12:13

Lökten yih ngaich meuk ngam rācha ngam katöllö yīö, ngam töhavëka tö yīö: yĕh meuk, ngaich an ngam Mā Tēv nö ṙātö rācha nö i kui yīö.

KAMHÔKA 8:22

Ngaich yik tarik Israĕl nö ngö ṙô tö Kitīön, Hayöngö ih man yēḵ, nā-aṅ nyöre, tö ngam kūön meh kikōnyö, töp kikōnyö inrē kūön ngam kūön meh: tön ngaich man hayööken ih ṙā-ang eltī yip aṅ Mitiā.

1 SAMUĔL 10:19

Sōk-o ngam Tēv re pöri yī-ö in ngih sakāmö ngam mahayööken yīö ṙā-ang i nup taṙòkhöre öt kanôlò yīö kanihngen yīö inrē; ngaich ngö ṙô yī-ö tö ò, Hö-ö, ha-ūichlö rācha pöri i kui ih. Lökten hameuktöre yin töngamuh ikūö ngam Mā Tēv i miyöngö yīö, i tun köṅny yīö inrē.