1 SAMUĔL 8:3 - TÖHET LĪPÖRE (Re-edited) Bible (BSI)

³ Öt lök el talöökö ò pöri nak kūön ò, kānngöre pöri nö i tökôlòtī taneūngen, ngaich kētö tö-ulāitu ṙāire, hachōichngö ngam inkaha fālen inrē.

1 SAMUĔL 8:3 Referans Kwoze

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

1 TIMÒTĪ 6:10

Pò ngam hanāngen tö rupīö nö ṙĕh nup tökeuheūttöre tötlöök; ngaich sölö yip rīkre, ngaich lō-ongkūö tö ngam mikah, ngaich tafūni tī nö sapngöre tö miṙivlōn.

Salmai 15:5

Ngòh töt chamaplö rupīöre nö ṙāyu inṙūöngka, öt kē raneushöre inrē nö i töt akahaṙa: Ngòh töngatī la-en tö në, öt hanlöinyken min.

MANEUTNYI 23:8

Um kēḵ raneushöre: pò ngih raneushö nö tilupngömat cha yip tömaneūkūvö, ngaich hachōichngö nup ṙô tölöök.

MANEUTNYI 18:21

Hēk inrē më-eṅ meukten cha tö tarik aṅ in më tarik yip tökô, achā-a yip töpa-ekūö tö ngam Tēv, tarik tökô-en, tö sumrīk tö nup taneūngen michūṙen; vīlö yip tö ngatī lā tulöng tö cha, nö mahayöng tököṅnyu, mahayöng töṙôngu, mahayöng tötaneui anāi; mahayöng tösöm inrē:

1 TIMÒTĪ 3:3

Öt lamā-alkūö, öt töchökhuti, öt kësen, töṙēm pöri, öt lā-alkūö, öt töhāngen tö rupīö,

Isayā 33:15

Ngòh tölöök röön nö kiröönngöre, tölöökö ṙô inrē; ngòh töt chumkūöṙen tö taneunglen lamökten i inkihten, ngòh fumlinynyö kël re nö i ṙinapkö raneushö minyôiny-aṅ, ngòh tumlupngö kūö mahām, meuichngö mat re inrē nö i nginëchkö tötlöök;

2 SAMUĔL 15:4

Ngö ṙô inrē Apsalem, Ō chū-ö chin öre tö vīlöngö kamhôṅka ing panam, hòṅ ngam tö-eūka fālen tötöng tarik hēk inrē nup yô-òv chööḵ-nyi nöng löö in chu, ngaich chū-ö öre tölöökö tī tö ò!

Mumkahten 2:19

Chiāp tö akahalōn yē öp tarik min nö tö akaha hēk tö kulō-ovö? Ngaich pöri min anga-aṅ nö yōmṙen nup la-en chu kēken ngam mikah chu inrē el katòh ngam tavūöi. Chanök alaha an angū-ö inrē.

Salmai 26:10

Yip tö-aṅhav eltī tö ötlanöö-kö: tööḵlö nup lahāmö cha tö ṙāi michūṙen.

MANEUTNYI 23:6

Uh man harīkngö inlaha fālen öp yāich meh i nup fālen ò.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

1 SAMUĔL 12:2

Yĕh meuk, ngaich an ngam rācha töngamuh nö lök i kūö yīö ngaich chū-ö köiny pakū-uvkui inrē; yĕh meuk, in yīö nan minā kūön chu kikōnyö: lök i kūö yīö chin chū-ö ngaich inrē löktökūö ik nyinī-öre söl in töngamuh.

Isayā 1:23

Ma-ahôngen yip kūön rācha meh, mahanôl mū-ulaya inrē; ṙòkhöre nö hāngenlōn tö rineushö, ngaich fachūrit raneushö: hö-ö cha-a nö akah fālen kūönyōich, öt rēhĕn nup fālen tafīösi nö yih nö in cha.

MAIKA 3:11

Yip yöngṙen umuh reushu nö akaha fālen, yip kūönṙô inrē umuh haṙāi inköphöti, yip pròfĕt inrē umuh akah ngam Tēv nö ṙāitö rupīö; sönen cha-a nö hòṅ harônlöre nö im Mā Tēv, nö ngö ṙô, Röh ang ngam Mā Tēv nö el ṙôngö hī? Öt tötlööku min yamih nö in hī.