1 SAMUĔL 7:9 - TÖHET LĪPÖRE (Re-edited) Bible (BSI)

⁹ Ngaich hĕng nòng kahë töpamôḵ kōiny kūön pököre, ngaich kēten ò nöng nòngre nö töföngö tökētu nö im Mā Tēv: ngaich Samu-ĕl nö ve-ekūö ngam Tēv Israĕl; sap ṙô ò ngaich ngam Mā Tēv.

1 SAMUĔL 7:9 Referans Kwoze

YERIMIĀ 15:1

Ngaich ngö ṙô ngam Mā Tēv tö chu Pòrô Môsös Samu-ĕl inrē nö sökhak nö i kūö chu, sönngenre öp ellōn chu nö öt hanvööten nö lā i vē tarik. Tinngen cha nö ṙā-ang i kūö chu, hökngen cha nö kiröönngöre!

Salmai 99:6

Aṅ i yip kūönṙô Ò an Môsös, Āròn inrē, aṅ in cha inrē Samu-ĕl yip mahavëkö mine-eny Ò: havëkö ngam Mā Tēv cha-a, ngaich sap ṙô cha Anga-aṅ

Salmai 50:15

Ngaich havëken chu hē el kanihngen: ṙānyen meh chin min, ngaich hapōilen chu min më-eṅ.

1 SAMUĔL 7:17

Im invānöre anga-aṅ nö i Rāma, pòn in e ök patī ò; in e anga-aṅ inrē nö hayöngö Israĕl; vīlö tahāklö ngam Mā Tēv inrē anga-aṅ nö umuh.

YĀKÖP 5:16

Lökten yin ve-eny tököölre in höö, kö ve-elkui höö inrē, hòṅ yīö min lööken. Pōyen taneūngen an ngam vine-elkui ṙô ngòh tölöök tarik.

1 SAMUĔL 16:2

Ngaich ngö ṙô Samu-ĕl, Sitih kanô-òṅ öich kiröönngöre? Fëlngen chu öp yih min Sôl yē ò nö hāngö e. Ngaich ngö ṙô ngam Mā Tēv, Kē kōiny man kun nuā hĕng nòng kum meh, ngaich ngö ṙô pömchö, Yih chin kētö tökētu im Mā Tēv.

1 SAMUĔL 10:8

Ngaich urēhĕkūö chu më-eṅ min chuh Kilkāl; ngaich chū-ö min yihtöre in meh, öich kētö töföngö tökētu, kētö tökētu inrē nö inlāmö: sat sumkam min më-eṅ höngngöh, hanöng saha yanīhih chu in meh, öich hameukhömat meh tö inlahen la-en meh min.

1 SAMUĔL 9:12

Ngaich sapṙô cha acha-a, nö ngö ṙô, Umuh apa; yĕh meuk urēhĕkūö nā ap: ka-eūyen yin tön yih ap töngamuh nö im elpanam; pò yip tarik töngamuh nö kētö tökētu ip tömarô-òl chūök chūökö:

KAMHÔKA 6:28

Ngaich hē yik tarik aṅ ngam elpanam nö choholre tö peuheū nö ka-euilökūö, meūkö ngaich ök tahāklö Pē-al nö taṙōli, kūöltu inrē Asēra ök më-ël e kētu inrē ök kōiny nuā innët nòng nö el ök tövīlöng tahāklö.

KAMHÔKA 6:26

Ngaich vīlö tahāklö ngam Mā Tēv ngam Tēv meh nö i kūi ngih töngëḵ chūökö, lēnö tī, ngaich kē ap innët nòng kōiny nuā, kētö töföngö tökētu nö ngòh tö nup chōn Asēra öp tökūöltu tö meh.

LA-EN LĒVĪ 22:27

Yē öp kōiny nuā, hēk sīṅp, hēk pököre, nö rööchnyu, sat sumkam anga-aṅ min nö ip yöngre; löktökūö öp hinëvhöre sakāmö töhōḵovö min anga-aṅ nö tökētu nö im Mā Tēv nö lökten i kūö tameūyö.

I. CHÖNGÖ 9:26

Ngaich vë-ekūö ngam Mā Tēv chū-ö, öich ngö ṙô, Ō Mā Tēv, un halëli yin vē tarik meh vē amin meh vē ṙahānyö meh lökten i ṙôkö meh, vē kahënyö meh ṙā-ang Aikup holtö minhôiṅyö këlre.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

1 SAMUĔL 12:17

Röh öng töngamuh nö inmūlö vīt? Hòṅ havëkö ngam Mā Tēv chin, hòṅ ò nö tīntö kunṙôkö kumṙah inrē; ngaich yī-ö min akahalōn meuk ṙôkö öt lanöököre inrē, ngam tī yīö ngaich i kūö ngam Mā Tēv, öi havëkö rācha re.