1 SAMUĔL 7:5 - TÖHET LĪPÖRE (Re-edited) Bible (BSI)

⁵ Ngaich Samu-ĕl nö ngö ṙô, Hamūl yip Israĕl nö ṙòkhöre nö i Mispah, hòṅ chu vë-elkui yīö im Mā Tēv.

1 SAMUĔL 7:5 Referans Kwoze

KAMHÔKA 20:1

Ṙòkhöre ngaich yik kūön Israĕl nö kunyī-inyre nö im Mā Tēv nö i Mispah, hamūlöre ngaich yik tömaṙôngö nö sā töng hĕngtak tarik, löktökūö Tën tölngö Pirsīpa, holtö ngam panam Kilīöt.

YŌ-ĔL 2:16

Hamūl yip tarik, ahetlö yip tömaṙôngö, hamūl yip minṙöinylen tarik, hamūl yip nyīö, cha-a inrē yip pamôḵ: hökngen öp töhapīhö kikōnyö nö kunyī-inyre nö ṙā-ang el urôhò re, öp töhapīhö kikānö inrē nö ṙā-ang el kun urôhò re.

NAHIMIĀ 9:1

Im innët anāi fën sakāmö ngòh chingëṅt yik tarik Israĕl nö hamūlöre nö ahik inyut tö sāk inrē, tumlat inrē nö el kui cha.

2 RĀCHA 25:23

Ngaich hē yik yönṙen kumyung, cha-a inrē yik tarik cha, nö hang ök rācha aṅ Pĕpilön nö vīlen Katālayā nö mahayöng, yihtöre cha-a ngaich nö in Katālayā nö i Mispa, ang Ismael inrē ök kikōnyö kūön Nētaniya, Yôhanan inrē ök kikōnyö kūön Kariā, Sarāiyā inrē ök kikōnyö kūön Tanhumet aṅ Nëtōfā, Ya-asaniā inrē ök kikōnyö kūön Mē-akat, cha-a tö yik tarik cha inrē.

1 SAMUĔL 12:23

Sōḵtuṙen pöri chū-ö tö ngam Tēv öich köölö fālen im Mā Tēv öich ṙa-angôre vë-elkui yīö hòṅ haköpten yīö pöri chū-ö tö ngam tölöök töhuveū talöökö inrē.

1 SAMUĔL 10:17

Havëtö yik tarik ngaich Samu-ĕl nö ṙòkhöre nö im Mā Tēv i Mispah;

1 SAMUĔL 7:16

Ngaich kiröönngöre anga-aṅ nö havī nö chuh Pētĕl, Kilkāl, Mispah inrē; in u anga-aṅ nö chūökö nö hayöngö Israĕl.

1 SAMUĔL 7:12

Hēngö kahë ngaich Samuēl tö ihong, asöklen e ngaich nö ihôi Mispah tö Yĕsĕt, kahēūkö e ngaich anga-aṅ nö Epenīsör nö ngö ṙô, Holṙen hī an ngam Mā Tēv nö ihih.

YÔSUĀ 15:38

Tīleān, Mispah, Yòktēl inrē,

Ranehlö 20:7

Lökten yĕh ngaich havantö ap pīhö ap tarik; tön pròfĕt apa, vë-elkui meh ap min, ngaich aṅ min më-eṅ: ngaich yē meh rö-ö havanten ò, akahalōn më-eṅ tö meh min kô-òngvah kapah, më-eṅ ṙòkhöre inrē yip töng më-eṅ meh.

Ranehlö 31:49

Mispā inrē, pòn ngöṙô angā-aṅ, Ihôi an ngam Mā Tēv nö aṅten chu tö meh inrē, yē hā ötkö in höö.

KAMHÔKA 10:17

Hamūlöre ngaich yik kūön Amön nö holre, ngaich iyöngtöre nö i Kilīöt. Hamūlöre inrē yik kūön Israĕl nö holre, ngaich iyöngtöre nö i Mispah.

1 SAMUĔL 7:4

Ngaich yik kūön Israĕl nö kavalngö nuk Pē-al tö nuk Astaròt, ngaich lök la-en ngam Mā Tēv nöng anga-aṅ.

1 SAMUĔL 8:6

Kunyahalōn pöri Samu-ĕl tö e, hē cha nö ngö ṙô, Kētö rācha ih man nö mahayöngö ih. Ngaich samu-ĕl nö vë-ekūö ngam Mā Tēv.

1 SAMUĔL 12:17

Röh öng töngamuh nö inmūlö vīt? Hòṅ havëkö ngam Mā Tēv chin, hòṅ ò nö tīntö kunṙôkö kumṙah inrē; ngaich yī-ö min akahalōn meuk ṙôkö öt lanöököre inrē, ngam tī yīö ngaich i kūö ngam Mā Tēv, öi havëkö rācha re.

YERIMIĀ 40:6

Ngaich Yarimiā nö chuh in Kētaliā ök kikōnyö kūön Ahīkam, i Mispā, ngaich iyöng in ò in yik tarik yik tö ṙātu nö im panam.

YÔSUĀ 18:26

Mispeh, Kifīrah, Môsā inrē;

HŌSĪ 5:1

Hangihtöre tö ngih, Ō yī-ö kūönṙô, hang inrē yī-ö patī aṅ Israel, kētö elnang re inrē, Ō yī-ö patī rācha, tön mī-in yīö ap inkaha fālen; pò yīö nūöt öi i Mīspā, inhāṅl inrē töhanyāknyu i kui Tāpōr.