1 SAMUĔL 7:3 - TÖHET LĪPÖRE (Re-edited) Bible (BSI)

³ Ngaich Samu-ĕl nö vë-ekūö yik aṅ patī Israĕl nö ṙòkhöre, nö ngö ṙô, Yē yīö hòṅ havantöre im Mā Tēv öi keuheūttö ellōnre, kavalngö nup tēv yin yĕh tötohtöre tö ngam Astaròt inrē nö ṙā-ang in yīö, ngaich halēn ellōnre yī-ö im Mā Tēv, ngaich lök la-en ò nöng anga-aṅ: ngaich ṙānyen yīö min anga-aṅ nö ṙā-ang eltī yip Filistain.

1 SAMUĔL 7:3 Referans Kwoze

T. LŪKÖS 4:8

Ngaich ngö ṙô Yēsū nö sapṙô ò, Me-eṅ Sātān, heūlngöre man lā-uk Chu; tön töngö kinūichngö an, Im Mā Tēvre man sōntökūöre; höng Anga-aṅ lahök la-en meh.

I. CHÖNGÖ 13:4

Tömrit ngam Tēv re më-eṅ ngam Mā Tēv, pa-ekūö tö ò, haköp në chöngö ò, hang ṙô ò, lök la-en ò, haköpngöre inrē in ò.

T. MËTIV 4:10

Ngaich ngö ṙô Yēsū tö ò, “Sātan kē-ĕngre man; tön ngö kinūichngö an, Ve-ekūö ngam Mā Tēv man; höng Anga-aṅ lahök la-en meh inrē.”

I. CHÖNGÖ 6:13

Pa-ekūö man tö ngam Mā Tēv ngam Tēv meh; höng anga-aṅ inrē lahök la-en meh, i minë-eny ò më-eṅ inrē chūöku ṙô.

Isayā 55:7

Hökngen ngam tötlöök nö ṙāngö ngam talöököre, ngam tarik inrē tötchiplö ellōn nö ṙāngö ellōnre: hökngen ò nö havantöre nö i ngam Mā Tēv, hòṅ ò nö aṙē-ĕlōn tö ò; havantöre inrē nö pōyen tī nö aṙē-ĕlōn tö ò; havantöre inrē nö im Tēv hī, hòṅ ò nö pōyen tī nö aṙē-ĕl.

YÔSUĀ 24:14

Yĕh lökten pa-ekūö tö ngam Mā Tēv, kô-en lök la-en ò im kanô-en inrē: kavalngö nup tēv nup lahök la-en yik muvöhngö yīö misī lāmuh tö ngam Tāhël, i Aikup inrē; ngaich lök la-en ngam Mā Tēv yī-ö.

YÔSUĀ 24:23

Yĕh lökten, ngö ṙô anga-aṅ, Kavalngö nup tötohtöre tēv in yīö, harôntö ellōnre inrē im Mā Tēv, ngam Tēv Israĕl.

T. YÔHAN 4:24

Ötmaneūken (Ma-alaha) An ngam Tēv; ngaich yip vame-eṅkūö Ò, nö hòṅ holtö ellōnre, kanô-en inrē nö ve-ekūö Ò.

I. CHÖNGÖ 10:20

Pa-ekūö man tö ngam Tēv ngam Mā Tēv meh; anga-aṅ lahök la-en meh; in ò më-eṅ inrē haköpngöre, i minë-eny ò inrē öm chūöku ṙô.

1 RĀCHA 8:48

Yē cha nö havantöre nö in meh nö holtö ellōn re holtö nômö re inrē nö i panam yip lā-al cha, yip kamëḵngen cha nö hakövö, ngaich nö kū-ötö ngih panamre nö vë-ekūö meh, ngam kahëtö meh i yik muvöhngö cha, ngam elpanam katöllö meh, tö ngam patī inrē ngam mahānlö chu i minënyö meh:

T. MËTIV 6:24

Öt tarīkuvö tökô nö nët tak lahök la-en tö yöngṙenre; pò ò lohten min nö hĕng tak sūrīkhö, ngaich hāngenlōn tö ngam tahëng; hēk hĕng kang chūök min anga-aṅ nö haköpngöre, ngaich öt chumkūöṙen tö ngam tahëng. Rö-ö yin kô hĕnghöre lök la-en ngam Tēv, kanôlò ngih panam inrē.

T. MËTIV 15:8

Höng elvāngre milēḵṙen yinvē tarik tö Chu; marôvat pöri minë ellōn cha tö Chu.

KAMHÔKA 10:6

Hēk yik kūön Israĕl nö lūölkö tötlöök Pē-alim nö ikūö ngam Mā Tēv lök la-en Astaròt inrē tö nup tēv aṅ Siria inrē tēv aṅ Sītōn, tēv aṅ Mô-āp tēv yip kūön aṅ Amòn, tēv aṅ Filistain inrē; ṙāngö ngam Mā Tēv cha-a ngaich öt lök la-en ò.

1 KINṘÖTNGÖ 22:19

Yĕh ngaich yin kētö kui lōnre ellōnre inrē chöh ngam Mā Tēv ngam Tēv yīö. Choholre mānlö ngam töhet chūök ngam Mā Tēv, hòṅ öp kasòng kinlēḵngô ngam Mā Tēv tö nup töhet inrē chūökṙen ngam Tēv nö kēhĕtvö nö el ap patī tö mānlöng i minë-eny ngam Mā Tēv.

Ranehlö 35:2

Ngaich ngöṙô Yāköp tö yik aṅ patīre, tö yik taṙòkhöre inrē mi-in ò, Kēngö nup insātēv yin nup mi-in yīö, ahëtlöre, haṙī-il hilāre inrē:

ISIKĪ-ĔL 18:31

Kavalngö nup ötlanöökö nö ṙā-ang in yīö nup kahëken yīö lā-al chu kē tufömngöre inrē ellōn yīö tufömngöre inrē ma-alaha! Kūöyòh ṙöng öi min kapah Ō patī Israel?

1 KINṘÖTNGÖ 28:9

Më-eṅ inrē, kūön chu Sòlòmön, akahakūö man tö ngam Tēv ngam yöng meh, lök la-en ò inrē keuheūttö ellōnre holtö töhō kui lōn; tön chöh ellōn taṙòkhöre an ngam Mā Tēv, akaha elmat inrē tö tanūtö ellōn. Yē meh chöhan, kôtö kūö man min tö ò; yē meh pöri ṙāngen ò kavali min më-eṅ tö ò marôvat öm urāngen.

INCHŌḴ-OṘÔ 16:1

Aṅ i tarik ngam tö halēni ellōn, aṅ im Mā Tēv pöri ngam sanapṙô litāk.

2 KINṘÖTNGÖ 19:3

Rahëichyen pöri tölöök tökôti nö in meh, pò meh ngaich tiṙōlngö nuk Asēra nö ṙā-ang im panam, ngaich kētö kūö ellōnre inrē me-eṅ chöh ngam Tēv.

KAMHÔKA 10:16

Ngaich cha-a nö kavalngö nuk tötohtöre tēv nö ṙā-ang in cha, ngaich lök la-en ngam Mā Tēv: ngaich anga-aṅ nö haṙīvlōn tökūö kanihngen Israĕl.

HŌSĪ 14:1

Ō Isrsel, havantöre man im Mā Tēv ngam Tēv meh; tön fukngö man kūö tökööl re.

2 KINṘÖTNGÖ 30:19

Yip kamëtö kūö ellōnre nö chöh ngam Tēv, ngam Mā Tēv yik yöng ò, pòrô nö öt sā ngam chöngö hanëtö im töhet chūök.

KAMHÔKA 2:13

Ṙāngö ngam Mā Tēv cha-a, ngaich lök la-en Pē-al, Astaròt inrē.

1 SAMUĔL 31:10

Chaplöng tö cha ök lanaklö ò nö el patī Astaròt: seūlöng inrē ök alaha nö i kaha kinlōngö Pëtsān.

YÔSUĀ 13:31

Ròngti inrē Kilīöt, Astaròt, Etrēi, tö nuk elpanam i pūlngö Ôk i Pasān, anū-ö lumnööṙö yik kūön Makīr ök kikōnyö kūön Manāsē,nö lumnööṙö yip töròngti kūön Makīr sātum mupīhö cha.

1 RĀCHA 11:33

Pò cha nö ṙāngen chu, ngaich salām Astòret öp kikānö tēv aṅ Sītōn, Kēmòs öp tēv aṅ Mô-ap, Milkòm inrē öp tēv yip kūön Amön; ngaich rö-ö cha-a nö lök eltalöökö chu, nö la-evṙen tö nup töhuveū nö i mat chu, öt haköp në chöngö chu në inkaha fālen inrē aṅ in chu, nö sā ök yöng ò Tāvit.

YERIMIĀ 24:7

Kētö ellōn cha chin min nö akahakūö tö chu öich chū-ö Mā Tēv; ngaich acha-a min nö tarik chu ngaich chū-ö min inrē Tēv cha, pò cha min nö havantöre nö in chu nö keuheūttö ellōn re.

YERIMIĀ 36:3

Amahtuṙen ap min patī Yūtā nö hang nup tötlöök nup lōn chu tī chu in cha, hòṅ cha min nö kö havöötökūöre nö ṙā-ang tötlöök talöököre, hòṅ chu aṙēlö nup kanöölö cha tökööl cha inrē.

ISIKĪ-ĔL 14:6

Lökten ngö ṙô töp patī Israel, Ngö ṙô an ngam Mā Tēv: Havöötö ellōnre havöökūöre inrē ṙā-ang nup sin-òkkūö in yīö.

I. CHÖNGÖ 4:29

Yē yīö pöri min löktö in e chöh ngam Mā Tēv ngam Tēv yīö, chöhan keuheūt tö kuilōnre keuheūttö nômöre inrē.

KAMHÔKA 2:11

Ngaich yik kūön Israel nö la-evṙen tö tötlöök nö i kūö ngam Mā Tēv, ngaich lökla-en nup Pēal:

2 RĀCHA 17:39

Höng ngam Mā Tēv pöri ngam Tēv yīö pinhë-eṅkūö yīö; ngaich ṙānyen yīö min anga-aṅ ṙā-ang eltī yip tökunyaha elmat tö yīö.

2 RĀCHA 23:15

Hēk inrē ap tahāklö i Pētĕl, tö ök lātulöng chūök vahīlö Yērōpoām ök kikōnyö kūön Nēpòt, ök vamīten Israĕl nö köölö fālen, angū-ö inrē tahāklö tök latūlöng chūök inrē tö tiṙōli tö ò; föngngö nuk lātulöng chūök anga-aṅ inrē sōngen u ngaich nö pihīöyö, föngngen Asērā inrē.

2 KINṘÖTNGÖ 20:33

Hö-ö pöri nup lātulöng chūökö nö kē-ĕyö; öt kētö kūö ellōnre yik tarik nö im Tēv yik yöng cha.

YERIMIĀ 4:1

Ō Israel, yē meh havan, ṙô ngam Mā Tēv hòṅ in chu man havantöre. Yē meh kēngö nup sin-òkkūö nö ṙā-ang i kūö chu, öm uh katöngaṙen,