Biblia Todo Logo
Bib sou entènèt

- Piblisite -




1 SAMUĔL 7:2 - TÖHET LĪPÖRE (Re-edited) Bible (BSI)

2 Ngaich hēten tö ngam sakāmö ngam kasòng nö iyöng Kiriatyēarim, nö marô-òten; pò e nö ngaich nö nët anāi samyeūheu: ngaich ṙòkhöre yik aṅ patī Israĕl nö haramhökūö ngam Mā Tēv.

Gade chapit la Kopi




1 SAMUĔL 7:2
13 Referans Kwoze  

Tökôlò yin vē töhaṙīvölōn; pò cha min nö haṙāmölōn.


Yih yip min nö holtö pineūnyö, holtö inṙamlōn inrē min chū-ö hachōḵten, cha hēk, vīten cha chin min nö lök ël töhëm mak, ip töchip talöökö ël e min cha-a nö öt kavē-ĕre; pò chu öich yöng Israel, Ifrēm inrē lanòh nö kūon chu.


Höng akahngenre pöri me-eṅ fāluṙen öm ahôngen ngam Mā Tēv ngam Tēv meh, ngaich pirātngö nuk lōn re i tahëng el katòh tö-ayālö rōi chōn, tö meh inrē öt hang ṙô chu, ṙô ngam Ma Tēv.


Ngaich ngö inlahen angū-ö, hē ök ma-ahānga aṅ im Mā Tēv nö ṙônyö në ṙô nö in yik kuön Israel, kaknyöre ngaich yik tarik nö pōitô, peuny inrē.


Kiröönngöre ngaich yik Israĕl, ngaich sölta nö i nuk elpanam cha im linūöi sumkam. Në nun elpanam cha Kipīön, Kefira, Pīrôt, Kiriat Yearim inrē.


Yih ngaich tarik aṅ Kirīat-yēarim nö kē-ĕrö ök kasòng ngam Mā Tēv, ngaich kētö e nö i patī Apīnatap nö i kui öp rung, ngaich ahetlen Ēlīēsör ök kikōnyö kūön ò nö hayōm ngam kasòng ngam Mā Tēv.


Ngaich Samu-ĕl nö vë-ekūö yik aṅ patī Israĕl nö ṙòkhöre, nö ngö ṙô, Yē yīö hòṅ havantöre im Mā Tēv öi keuheūttö ellōnre, kavalngö nup tēv yin yĕh tötohtöre tö ngam Astaròt inrē nö ṙā-ang in yīö, ngaich halēn ellōnre yī-ö im Mā Tēv, ngaich lök la-en ò nöng anga-aṅ: ngaich ṙānyen yīö min anga-aṅ nö ṙā-ang eltī yip Filistain.


Ngaich tā-a töi hēk kētö ap kasòng chöngö ngam Tēv hī nö in hī, tön höng rö-ö in miṙūöt tö e hēngen tö nuk sakāmö Sôl.


Tahëng ök inrē umuh tarik misī vamë-eny mu-unôich nö i minë-eny ngam Mā Tēv, ang Yurayā ök kikōnyö kūön Sēmaya an Kiriyatyerim. Vë-eny mu-unôich anga-aṅ nö lā-al ngih elpanam lā-al ngih panam inrē nöng sā nuk ṙô Yarimiā.


Lökten Tāvit nö hamūl yik Israĕl nö ṙòkhöre löktökūö Sīhōr i Aikup Söl ip lökhöt i Hamat, nö kētö ngam kasòng chöngö ngam Tēv nö ṙeū-eung Kiriatyēarim.


Swiv nou:

Piblisite


Piblisite