1 SAMUĔL 6:3 - TÖHET LĪPÖRE (Re-edited) Bible (BSI)

³ Ngaich ngö ṙô cha-a, Yē yīö tīnngö ngam kasòng ngam Tēv Israĕl, uh an nöng chanlööp nö tīni; havanten e pöri nö holtö tökētu kūö tökööl, ngaich yī-ö min lööken, ngaich yī-ö min akahalōn tö lökten ngam kël ò nö öt ke-ĕyö nö ṙā-ang in yīö.

1 SAMUĔL 6:3 Referans Kwoze

1 SAMUĔL 6:9

Ngëichkö e yĕn kiröönngöre nö el talöökö nöng kanahngenre ip kūöngö panam i Petsimes, ngaich anga-aṅ tö tī-iv nö in hī tö ngih yöng tötlöök: ngaich yĕn öt angū-ö pöri, ngaich ayī-ö akahalōn min tö e nö öt ngam kël ò famëlö hī; ngaich höng lanôtökūö angū-ö nö famuk in hī.

I. CHÖNGÖ 16:16

Ṙòkhöre yip kikōnyö in meh min nö lūöi heuh i töhĕng, samyeūheu nö hameuktöre nö i kūö ngam Tēv meh ngam Mā Tēv ip chūökö atöllö ò min; ip tökiröng nyinā-aṅ töt aföhlöng rôtī, ip tökiröng nyinā-aṅ afta, ip tökiröng nyinā-aṅ inrūkui inrē: uh cha-a nö hameuktöre nö i kūö ngam Mā Tēv nöng chanlööpṙen:

MANEUTNYI 23:15

Tökiröng sakāmö tötaföhlöng ròtī Haköpö tö meh: sat sumkam kūö më-eṅ nyā tötaföhlöng ròtī sā chu hachöngten meh, ip hē töhalēnlöng ip Apip chingëṅt; (pò meh hē e kunyī-inyre ṙā-ang Aikup;) un hĕng tak min tömeūkö nö i kūö Chu nöng chanlööpṙen:

MANEUTNYI 34:20

Nup lanòh kōiny kūön köttö haṙëni tö meh tö kōiny kūön sīṅp: ngaich yē meh öt haṙënngen ò, lireukngö likeun ò më-eṅ. Ṙòkhöre yip lanòh yip kūön meh kikōnyö nö haṙëniṙen tö meh. Öt hĕng tak min tömeūkö nö i kūö Chu nöng chanlööpṙen.

NGAM LĪPÖRE YŌP 10:2

Ngö ṙô chin min töm Tēv, Uh chin kētu sācha; mikahtölōn chu töp lökten meh lā-al chu.

1 SAMUĔL 5:11

Lökten cha nö tīnngö mahamūltö yik mā aṅ Filistain, ngaich ngö ṙô cha-a, Söömngö ngam kasòng ngam Tēv Israĕl, hökngen e nö hēk nö havan nö ip chūökre, hòṅ e nö öt fëlngen hī tö vē tarik hī inrē; pò nup elpanam nö ṙòkhöre nö keuheūtngöre chūök nö ötkô tö ngam kinpaha; langan ngam kël ngam Mā Tēv nö umuh.

1 SAMUĔL 5:9

Ngaich hē cha nö keuheūten nö havötkö kūö e ngaich ngam kël ngam Mā Tēv nö lā-al ngam elpanam nö pōihang vah tī tö e nö ötkô: chökhutī anga-aṅ tö yik tarik aṅ ngam elpanam, hĕnghöre tökūöṅnö tökiröng inrē, aṅha alaha cha-a ngaich.

1 SAMUĔL 5:7

Ngaich hē yik tarik aṅ Astòt nö meūkö e nö ngatī, ngö ṙô cha-a ngaich, Ötkô an ngam kasòng ngam Tēv Israĕl nöng ngöh nö in hī: pò öp kël ò nö chökhutī tö hī, tö ngam tēv inrē Tēkòn.

LA-EN LĒVĪ 6:6

Ngaich anga-aṅ min nö kētö öp kūö fālen ò tökētu nö im Mā Tēv, hĕng nòng kūön sīṅp aṅ i nup tö kiteūmhaka, töt vahavö sā ṙôken öp ṙāi ò tö lōn meh nö tökētu kūö fālen, nö ip Kūönṙô:

LA-EN LĒVĪ 5:6

Ngaich anga-aṅ min nö kētö tökētu kūö tököölre nö im Mā Tēv kūö öp kanöölö fālen ò; hĕng nòng kan aṅ i nup töhĕng nòng kūön sīṅp hēk hĕng nòng pököre, tökētu kūö tökööl; ngaich ngam Kūönṙô min nö havëkö inlām tökööl ò.

1 SAMUĔL 6:8

Ngaich kēḵ ngam kasòng ngam Mā Tēv, chaplö e el ngam inröl; ngaich chaplö nup yanöṅtö humlum, nup havantö yīö in ò tökētu kūö tökööl, nö el kasòng nö i kaha e; tīnngen e ngaich, hòṅ e nö kiröönngöre.

MANEUTNYI 8:15

Ngaich hē Fërō nö meūkö e nö heuh hë, hangëḵngö ellōnre angā-aṅ, ngaich öt hang ṙô cha.