1 SAMUĔL 6:2 - TÖHET LĪPÖRE (Re-edited) Bible (BSI)

² Ngaich yik Filistain nö havëtö yik kūönṙô tö yik chamòng alaha, ngaich ngö ṙô, Sitih inlahen tī öi min tö ngam kasòng ngam Mā Tēv? Hameukhömat ih töp hol e min nö söömtu nö ip chūökre.

1 SAMUĔL 6:2 Referans Kwoze

MANEUTNYI 7:11

Ngaich Fërō nö havëtö yik tö-akaha tarik chamòng alaha inrē; ngaich sā tī cha, achā-a inrē yik tömilūönö aṅ Aikup nö lökten i inchūṙö tö cha.

Ranehlö 41:8

Ngaich ngö inlahen im peuheū, ök ellōn ò nö kihngen; ngaich tīnngö mahavëken yik tömilūönö angā-aṅ aṅ Aikup, ṙòkhöre inrē yik tö-akāha tarik umuh: vë-eny ök heūvöre ngaich Fërō nö in cha; ngaich öt hĕng tak tökô nö vë-eny manah u nö in Fërō.

TANĪ-ĔL 5:7

Pōitô ngaich ök rācha nö hūkö kinëtö yik mahachū, yik aṅ Kāltī, tö yik yōm inkaha taneūsömat inrē. Ngö ṙô ngaich ök rācha tö yik tö-akaha tarik aṅ Pēpilön, Öp töng vamë-ekūö ngih tökūichö, hameukhömat chu inrē tö manah e, hayūtö min tö tö-amëla mat töhuṙing hilā, sayōku likeun inrē, tö humlum ngaich vīlöngö min ngih linūöyö nö mahayöng nö ing pūlngö.

TANĪ-ĔL 2:2

Ngaich ök rācha nö tölṙô yik tömilūönö, mahachū, vamīngen, yik aṅ Kālti inrē nö havëtu nö vënyö nuk heūvö ök rācha. Lökten cha nö yih sökhaka ngaich nö i kūö ök rācha.

T. MËTIV 2:4

Hamūlhöti anga-aṅ töyik mākūö kūönṙô yik kamūich inrē mi-i yik tarik; ngaich hatönö cha, tö chūök finötnyö Kristū.

Isayā 2:6

Pò meh ṙāngö yip tarik re yip aṅ patī Yāköp, pò cha nö hatöö-ölre tö kui panam aṅ lā chuhöt, ngaich vītenre nö chamòng alaha sā yip aṅ Filistain kē eltī höö cha-a ngaich tö kūön aṅ tahëng.

1 SAMUĔL 6:1

Sat chumngëṅtö ngam kasòng ngam Mā Tēv nö i panam yik Filistain.

1 SAMUĔL 5:8

Lökten cha nö hamūltö yik mā aṅ Filistain nö in cha, ngaich ngö ṙô Sitih inlahen tī öi min tö ngih kasòng ngam Tēv Israĕl? ngaich ngö ṙô cha-a nö sap ṙô, Hökngen ngam kasòng ngam Tēv Israel nö keuntu nö i Kāt. Keuntö ngam kasòng ngam Tēv Israĕl cha-a ngaich nö in e.