1 SAMUĔL 5:8 - TÖHET LĪPÖRE (Re-edited) Bible (BSI)

⁸ Lökten cha nö hamūltö yik mā aṅ Filistain nö in cha, ngaich ngö ṙô Sitih inlahen tī öi min tö ngih kasòng ngam Tēv Israĕl? ngaich ngö ṙô cha-a nö sap ṙô, Hökngen ngam kasòng ngam Tēv Israel nö keuntu nö i Kāt. Keuntö ngam kasòng ngam Tēv Israĕl cha-a ngaich nö in e.

1 SAMUĔL 5:8 Referans Kwoze

SAKARIĀ 12:3

Ngaich ngö inlahen min angū-ö ip sakāmö angū-ö, öich vīten Yērusalem min nö ihong tölanganhu nö in vē tarik nö ṙòkhöre; ṙòkhöre min yip lumngānöre tö ò nö pōihangṙen min nö nyāhavö; ngaich ṙòkhöre vē pumnāmö tarik ngih tumlat minnö hamūlöre nö lā-al e.

AMŌS 6:2

Ṙūöhölre yin i Kālnĕh, ngëicha inrē; ngaich ṙēu eung umuh kiröönngöre chuh Hamat öp tökiröng: ngaich peūtöre i Kāt yip aṅ Filistian: mötlö yip cha-a tö në pūlngö? Hēk inrē kiröng ap kūöngö panam cha tö kūöngö panam yīö?

1 SAMUĔL 17:4

Ngaich hĕng tak ök nangnyi tökalēḵ kumnyī-inyre nö ṙā-ang elyöngö yik Filistain, Kōliat minëyi aṅ Kāt, tö tafūöl sumkôngö hĕng innyāk eltī rôlòng.

1 SAMUĔL 5:11

Lökten cha nö tīnngö mahamūltö yik mā aṅ Filistain, ngaich ngö ṙô cha-a, Söömngö ngam kasòng ngam Tēv Israĕl, hökngen e nö hēk nö havan nö ip chūökre, hòṅ e nö öt fëlngen hī tö vē tarik hī inrē; pò nup elpanam nö ṙòkhöre nö keuheūtngöre chūök nö ötkô tö ngam kinpaha; langan ngam kël ngam Mā Tēv nö umuh.

1 SAMUĔL 5:7

Ngaich hē yik tarik aṅ Astòt nö meūkö e nö ngatī, ngö ṙô cha-a ngaich, Ötkô an ngam kasòng ngam Tēv Israĕl nöng ngöh nö in hī: pò öp kël ò nö chökhutī tö hī, tö ngam tēv inrē Tēkòn.

1 SAMUĔL 29:6

Havëten Tāvit ngaich ang Akis, ngaich ngö ṙô tö ò, Sā ngam Mā Tēv nö tö aṅ, töchīpen man më-eṅ, ngam kunnyīnyö meh inrē tö ngam kumhēthöt meh inrē in chu nö löök nö i kūö chu öm i vē kumyung: pò chu öt kôtökūö tö tötlöök in meh hēten tö ök sakāmö meh yih in chu söl i ngih sakāmö: hö-ö pöri vē mā nö hāngenlōn tö meh.

YÔSUĀ 13:3

Löktökūö Sihōr, ap lākūö Aikup, söl i kūöngö Ĕkròn kū-ö tö lā kapā, öp tökaheuktu nö panam aṅ Kanā-an: yik tötaneui tak mā aṅ Filistain; aṅ Kasā, aṅ Astòt, aṅ Askēlòn, aṅ Kitti, aṅ Ekròn: inrē; yik aṅ Avim inrē,

YÔSUĀ 15:11

Ngaich ngam kūöngö nö kunyī nö löknyö kaha Ĕkròn lā kapā: ngaich hateūti ngam kūöngö nö söl Sikeròn, ngaich lök im rung Pē-alā, kunyī nö i Yapnil; ngaich ngam kunnyīnyö ngam kūöngö nö löknyö im mai.

1 SAMUĔL 6:2

Ngaich yik Filistain nö havëtö yik kūönṙô tö yik chamòng alaha, ngaich ngö ṙô, Sitih inlahen tī öi min tö ngam kasòng ngam Mā Tēv? Hameukhömat ih töp hol e min nö söömtu nö ip chūökre.

1 SAMUĔL 17:52

Ngaich yik tarik Israel tö yik aṅ Yūtā inrē nö choholre, ayôṙa inrē, ngaich lūḵ yik Filistain, hanöng saha sanölta cha nö i Kāt, i nuk inkūp Ĕkròn. Ngaich yik tönyahavö Filistain nö fukngö nö el talöökö chamuh Sa-arēm, söl i Kāt, Ĕkròn inrē.

1 KINṘÖTNGÖ 7:21

Kūön ò Sapat, Sutēlah, kūön ò Ēser, Ēlīat inrē, yik töfëli tö yik tarik Kāt töfötnyu nö im panam, pò cha nö yih nöng kētöre tö nup nuā cha.