1 SAMUĔL 5:7 - TÖHET LĪPÖRE (Re-edited) Bible (BSI)

⁷ Ngaich hē yik tarik aṅ Astòt nö meūkö e nö ngatī, ngö ṙô cha-a ngaich, Ötkô an ngam kasòng ngam Tēv Israĕl nöng ngöh nö in hī: pò öp kël ò nö chökhutī tö hī, tö ngam tēv inrē Tēkòn.

1 SAMUĔL 5:7 Referans Kwoze

MANEUTNYI 12:33

Kurāten yik aṅ Aikup nö i yik tarik, nö kumeūinyen cha nö ṙā-ang im panam; pòn ngö ṙô chā-a, Ṙòkhöre tarik min nö kapah.

YERIMIĀ 48:7

Pòn kūö yīö hayönglenre i nup töngëḵ chūök yīö i nup chehen yīö inrē töpōirāi, kē-ĕ yin min yī-ö inrē; Kīmòs inrē min kiröönngöre im inhötngö, holre tö yip kūönṙô ò tö yip kūön rācha ò inrē.

YERIMIĀ 46:25

Ngö ṙô an, ngam Mā Tēv yip tömaṙôngö, ngam Tēv Israel: Yĕh meuk, kētö sācha chin i kui Amön öp aṅ Tipes, Fërō inrē, Aikup inrē tö nup tēv ò rācha ò inrē, i kui Fërō yip mahayönglenre inrē nö in ò.

1 KINṘÖTNGÖ 15:13

Kūö yīö ik la urĕh öt keūnö e ngaich ngam Mā Tēv ngam Tēv hī nö tāiny nö in ih pò ih öt milēṙen tö e nö sā inchöngten re nö in e.

2 SAMUĔL 6:9

Pa-ekūö ngaich Tāvit tö ngam Mā Tēv ik sakāmö angū-ö; ngö ṙô ngaich anga-aṅ, Sitih yanīhih öngvö min ngam kasòng ngam Mā Tēv nö in chu?

1 SAMUĔL 6:20

Ngaich ngö ṙô yik tarik aṅ Petsimes, Achiāp tökô nö sökhaka nö i kūö ngam Mā Tēv, ngòh töhet Tēv? Löö in chīö angvöh min nö ṙā-ang in hī?

1 SAMUĔL 4:8

Ötkôlò in ayī-ö! Chiāp min ṙamānyen hī ṙā-ang eltī vē tökalēḵ tēv? Cha-a yin vē tēv famëlngö yik aṅ Aikup nö aṅtī tö töṙōlkangen invah tölëlngökūö nö el tönyalnyi.

MANEUTNYI 10:7

Ngaich yik tarik alaha Fërō nö ngö ṙô tö ò, Iṙôktöreṙen ang min ngòh tarik nö tinngöp hī? Hökngen më tarik nö kiröönngöre, hòṅ cha nö lök la-en ngam Mā Tēv ngam Tēv cha: öl ṙöng öm akahalōn tö Aikup nö ngaich nö lëlngö?

MANEUTNYI 9:28

Vë-ekūö ngam Mā Tēv; ngāchö tölngö nun minë tö kalē-ĕṙô kunṙôkö, tökënngöre inrē kumṙah; ngaich chin min hökngen yīö kiröönngöre, rö-ö yin min ngöh ngaich.

MANEUTNYI 8:28

Ngaich ngö ṙô ang Fërō, Hökngen yīö chin ngaich kiröönngöre, hòṅ yīö öi kētö tökētu im Mā Tēv, ngam Tēv yīö, öi el nyaṅlnyi; höng uh pöri yī-ö marô-òlkūö kiröönngöre: vë-elkui chu.

MANEUTNYI 8:8

Ngaich Fërō nö havëten nā Môsös, nā Aròn, ngaich ngö ṙô, Vë-ekūö ngam Mā Tēv, hòṅ Ò nö kēngö në tarôṅt nö ṙā-ang in chu, ṙā-ang i vē tarik chu; ngaich chū-ö min hökngen më tarik nö kiröönngöre, hòṅ cha nö kētö tökētu nö im Mā Tēv.

1 SAMUĔL 5:6

Langan pöri ngam kël ngam Mā Tēv nö i kui cha yip aṅ Astòt, halëlngen cha anga-aṅ, ngaich aṅtī tö anahaṅ alaha nö hachökö cha, yip aṅ Astòt tö yip aṅ kūöngö e inrē.

1 SAMUĔL 5:8

Lökten cha nö hamūltö yik mā aṅ Filistain nö in cha, ngaich ngö ṙô Sitih inlahen tī öi min tö ngih kasòng ngam Tēv Israĕl? ngaich ngö ṙô cha-a nö sap ṙô, Hökngen ngam kasòng ngam Tēv Israel nö keuntu nö i Kāt. Keuntö ngam kasòng ngam Tēv Israĕl cha-a ngaich nö in e.