1 SAMUĔL 5:4 - TÖHET LĪPÖRE (Re-edited) Bible (BSI)

⁴ Ngaich hē cha im huṙöich tö peuheū nö ka-euilökūö nö choholre, yĕh meuk, fāthakkūö ang Tēkòn nö fukngö nö el tumlat nö i kūö ök kasòng ngam Mā Tēv: ngaich ök kui Tēkòn tö nuk kintāl eltī ò inrē nö ohngö nö el patī; höng ök kaha Tēkòn tö-ōtren nö in ò.

1 SAMUĔL 5:4 Referans Kwoze

MAIKA 1:7

Ṙòkhöre min nup insātēv töka-īpö nö pōngi nö piyënyi, ṙòkhöre inrē min nup ṙāi inṙūöngkö ò nö föngi nö i kūö tameūyö ngaich ṙòkhöre min nup insātēv ò nö piyāyi tö chu: pò ò nö hamūlö u nö ṙāi mī-inyihköre kikānö, ngaich anū-ö min nö havantu nö ṙāi mi-inyihköre kikānö.

YERIMIĀ 50:2

Vë-eny i pumnāmö tarik ahānga inrē, hatamlö ap pantēra ahānga inrē uh ap nö hayūni, ngö ṙô inrē: Kē-ĕ Pēpilön. Sumrōngikūö öp Pel, ngangngö kūö ap Mērötek. Sumrōngikūö nup insātēv ò, ngangngökūö nup insātēv ò.

YERIMIĀ 10:11

Ngö ṙô in tö cha: Nup tēv töt vamī halīöngö tumlat inrē payāyi min nö ṙā-ang im tumlat, ṙā-ang el katòh ngam halīöngö inrē.

TANĪ-ĔL 11:8

Ngaich anga-aṅ min nö halāingö nup tēv cha töhaṙöichö insātēv inrē nö i Aikup nö holtö nup töpōi ṙāi chūökṙen rupīö humlum inrē; rĕh tum samyeūheu min anga-aṅ nö ṙātö alaha re nö kilöön öp rācha aṅ lā kapā.

Isayā 27:9

Lökten ön ngih min kanöölö fālen Yāköp nö ahetlöngö, angū-ö an tökôlò tī ngam kinëngö tökööl ò; hē ò nö vī nup ihong öp tahāklö nöng sā töpaṙöla ihong nup tösōngö ngaich laköli, hòn öt hēk nö asöklöngö Asērim tö ngam insā tēv tavūöi inrē.

1 SAMUĔL 6:5

Lökten yin vī insā nup anaha alaha yīö, insā nup kumit yīö inrē nup mahachök ngam panam; ngaich yī-ö inrē ha-öiny ngam Tēv Israĕl: amahtuṙen an min nö ṙā-angtīre nö in yīö, ṙā-ang i nup tēv yīö, ṙā-ang im panam yīö inrē.

Isayā 40:20

Anga-aṅ ngam tölāḵngö yanāchö nö atöllö kahëtöre tö tökētu tö chōn töt hōḵ nö chahū-uyö; chöh tarik anga-aṅ töhuveū-en nö vī insā tēv öp töt mahalöinyköre.

YERIMIĀ 10:14

Ṙòkhöre tarik nö tökulō-ov mikah öt īnu inrē tö mikah; ṙòkhöre ramöm humlum nö sumrōngikūö min tö insā tēv re; pòn töminyôiny-aṅ minë insā tēv in ò, öt īnu nup tö unhômö.

YERIMIĀ 10:15

Öt kanôluṙô nup vahīṙen inchīl elmat; ip hē cha min nö sācha, ötkôlò min cha-a.