1 SAMUĔL 4:6 - TÖHET LĪPÖRE (Re-edited) Bible (BSI)

⁶ Ngaich hē yik Filistain nö hang ṙën ṙô tö ayôṙa, ngaich ngö ṙô Cha-a, Asuh ap ṙënṙô yip tö ayôṙa ṙô nö pōitô nö ip elyöngö yip HIprū? Ngaich cha-a nö akahalōn tö ök kasòng ngam Mā Tēv nö yih nö im elyöngö.

1 SAMUĔL 4:6 Referans Kwoze

1 SAMUĔL 4:5

Ngaich hē ngam kasòng kinlēḵngô ngam Mā Tēv nö yih nö im elyöngö, pōitô ngaich yik Israĕl nö ṙòkhöre nö ayôṙa, lökten ngam tumlat nö karöl kötiṙô nö hēk.

1 SAMUĔL 4:7

Pa-ekūö ngaich yik Filistain, pò cha nö ngö ṙô, Yih ap Tēv nö im elyöngö. Ngaich ngö ṙô cha-a, Ötkôlò in ayī-ö! Pòn öt töngatī-ivö misī nö tösā e töngamuh.

1 SAMUĔL 29:3

Ngaich ngö ṙô yik kūön rācha aṅ Filistain, Suāp la-en vē Hīprū nö ihih? Ngaich ngö ṙô Akis nö i yik kūön rācha aṅ Filistain, Röh öng ngòh nö Tāvit, nö tarik Sôl öp rācha aṅ Israĕl, ngòh mi-in chu i në samyeūheu, hö-ö chin kanôtukūö tö fālen in ò söl ing töngamuh löktökūö ik hē ò nö fuk in chu?