1 SAMUĔL 4:5 - TÖHET LĪPÖRE (Re-edited) Bible (BSI)

⁵ Ngaich hē ngam kasòng kinlēḵngô ngam Mā Tēv nö yih nö im elyöngö, pōitô ngaich yik Israĕl nö ṙòkhöre nö ayôṙa, lökten ngam tumlat nö karöl kötiṙô nö hēk.

1 SAMUĔL 4:5 Referans Kwoze

YÔSUĀ 6:5

Ngaich min angū-ö, ip hē cha nö marôta ṙô nö föö kūö ngam sinrōl sīṅp, ngaich hē yīö hang ṙô ngam römpet, ṙòkhöre ngaich yip tarik min nö pōitô nö hū-a; fukngö min ngaich nö paṙāpkötī ngam kinlonglö ngam elpanam, ngaich min yip tarik nö kö hachipkūöre nö kiröönngöre.

AMŌS 6:3

Yī-ö tömarôvat tī tö ngam tötlöök sakāmö, ngaich vīten ngam anūichö chanökhuṙen nö haröhtöre;

YERIMIĀ 7:4

Ui hayönglenre i në innyatkö el mat ṙô: töhet chūök ngam Mā Tāv ön ngih, töhet chūök ngam Mā Tēv, töhet chūök ngam Mā Tēv.

NGAM LĪPÖRE YŌP 20:5

Tö ngam inpōilö tötlöök nö tö- cheūta, ngam ṙanāmölōn tötlöök inrē nö töng rahëchtaṙen?

KAMHÔKA 15:14

Hē ò ngaich nö yih nö i Lëhī, hū-a ngaich yik Filistain tö saha cha nö meūkan: kalēḵ ngaich ök ma-alaha aṅ im Mā Tēv nö yih nö in ò, ngaich nuk pisik i kël ò nö vītöre nöng sā ta-īö tö ökngö tökūö tameūyö, ngaich sukngöre nuk nyanëk ò nö ṙā-ang i nuk kël ò.

YÔSUĀ 6:20

Lökten yik tarik nö ngaich nö hū-a, föö nuk römpet yih kūönṙô; ngaich ngö inlahen angū-ö, hē yik tarik nö hang ṙô nuk römpet, ngaich hū-a yik tarik nö pōitô, fukngö ngaich ök kinlōngö nö paṙāpkötī, ngaich lökten yik tarik nö kuhēthötre nö el ngam elpanam, kö hachipkūöre më tarik, kē ngam elpanam cha-a ngaich.

MAIKA 2:11

Yē öp tarik nö lök el kuföt i minyôiy-aṅ, nö ngö ṙô, Ahangkö öp vāin chin min in meh tökalēḵ ka-eūt inrē; ngaich nöng sönen anga-aṅ min nö pròfĕt vē tarik.

1 SAMUĔL 4:6

Ngaich hē yik Filistain nö hang ṙën ṙô tö ayôṙa, ngaich ngö ṙô Cha-a, Asuh ap ṙënṙô yip tö ayôṙa ṙô nö pōitô nö ip elyöngö yip HIprū? Ngaich cha-a nö akahalōn tö ök kasòng ngam Mā Tēv nö yih nö im elyöngö.

2 SAMUĔL 15:24

Yĕh meuk, yihinrē ang Sētòk, ṙòkhöre inrē yik Lēvi nö in ò, keunkö ök kasòng kinlēḵ-ngô ngam Tēv; ngaich cha-a nö ṙātö ök kasòng ngam Tēv, kiröönngöre ngaich Apiātör nö lā urĕh hanöng saha yik tarik nö ṙòkhöre nö ngaich nö kunyī-inyre nö ṙā-ang el ök panam.

1 RĀCHA 1:40

Ṙòkhöre ngaich yik tarik nö tömrit ò, föö kūö nuk fanöö ngaich yik tarik ngaich pōyen ṙanāmölōn, lökten ngam tumlat nö larak tökūö ṙôktô cha.