1 SAMUĔL 4:4 - TÖHET LĪPÖRE (Re-edited) Bible (BSI)

⁴ Lökten yik tarik nö tīnngö chamuh Sailō, ngaich ṙā-ang umuh cha-a nö kumtö ök kasòng kinlēḵngô ngam Mā Tēv yip tömaṙôngö, ök mi-ikui nuk kërupim: umuh inrē nak kikōnyö kūön Ēli, nā Hòfnī nā Finehes in ök kasòng kinlēḵngô ngam Tēv.

1 SAMUĔL 4:4 Referans Kwoze

2 SAMUĔL 6:2

Choholre ngaich Tāvit, ngaich kiröönngöre nö hol yik tarik nö ṙòkhöre yik mī-in ò, nö ṙā-ang Pē-ālēyūta, nö kē-ĕre ök kasòng ngam Tēv nö ṙā-ang umuh, ök tökaheūkö minënyö, tö minënyö ngam Mā Tēv yip tömaṙôngö ngam amūchhaha nö ihôi kērupim.

Salmai 80:1

Ō yōm vē pököre Israĕl, hangihtöre, ngaich Man hachōnyen Yôsĕf sā kinteūmö pököre: Me-eṅ amūichhak i hôi yip karupīm, yang Man yēḵ.

KINṘEŪKÖ 7:89

Ngaich hē Môsös nö kuhēthötre nö ël ngam rūkui manūlö, ngaich anga-aṅ nö hang ök ṙô nö vë-ekūö ò nö löknyö lā tulöng tö kui öp anūchö miṙēlōn i kui ök kasòng chöngö minkahngö kanô-en, nö löknyö hôi nup kërupīm: ṙô nö vë-ekūö Ò.

Salmai 99:1

Hayöng An ngam Mā Tēv; kichëyöre yin yēḵ më tarik: ūichhak An nö i uk kerupīm; kē-ĕngre an yēḵ ngam panam.

2 RĀCHA 19:15

Ngaich i kūö ngam Mā Tēv ang Hësikiā nö ngö ṙô, nö vë-ekūötēv, Ō Mā Tēv, Tēv aṅ Israĕl, amūchhaka i uk yik kërup, më-eṅ man Tēv, höng më-eṅ, i kui në taṙòkhöre pūlngö ing tumlat: më-eṅ man vamī halīöngö tumlat inrē.

MALAKI 1:9

Vë-ekūö meh chin, yĕh havëkö chinòngkūöre man töngamuh im Tēv, hòṅ ò nö aṙē-ĕlōn tö hī: tö ngatī an nö lökten in meh: hō-o e ang min nö pò meh öm më-eṅ? ṙô ngam Mā Tēv yip tömaṙôngö.

1 SAMUĔL 2:22

Köiny ngaich ang Ēli; hang nup inlahen nak kikōnyö kūönre anga-aṅ nö in yik aṅ Israĕl nö ṙòkhöre, tö inlahen cha inrē nö holtöṙah yik kikānö yik töla-evṙen nö i kūö inkūp ök rūkui manūlö.

KINṘEŪKÖ 4:15

Ngaich hē Āròn tö yip kikōnyö kūön ò inrē nö keuheūten nö kahultö kui ngam töhet chūök, tö nup chehen ngam töhet chūök inrē nö ṙòkhöre, pò ngam elyöngö nö ngaich nö hòṅ kiröönngöre; keuheūthëṙen angū-ö yihtöre ngaich yip kūön Kōhat nö keūnö e: hö-ö pöri cha-a nö lūölkö nup töhet pòn sōtu nö kapah. Anū-ö nun në chehen el ngam rūkui manūlö kum yip kikōnyö kūön Kōhat.

KINṘEŪKÖ 4:5

Hē ngam elyöngö nö hòṅ kiröönngöre, kuhēthötre min Āròn tö yip kikōnyö kūön ò inrē, ngaich cha-a min nö ṙòngtö öp ranupkui ngam rananglö, ngaich haṙungngö öp kasòng chöngö tö e:

1 SAMUĔL 1:24

Ngaich hē ò nö ṙā-ang kūö ò nö pō, kē an ngaich anga-aṅ nö inre, nö hol tö nuk kōiny nuā lūöi nòng, hĕng kumvôkö ök atra, hĕng ök pilön vāin inrē ngaich kēten ò nö i Sailō nö i patī ngam Mā Tēv: ṙòngmöng nyīö ngam nyīö.

2 SAMUĔL 15:24

Yĕh meuk, yihinrē ang Sētòk, ṙòkhöre inrē yik Lēvi nö in ò, keunkö ök kasòng kinlēḵ-ngô ngam Tēv; ngaich cha-a nö ṙātö ök kasòng ngam Tēv, kiröönngöre ngaich Apiātör nö lā urĕh hanöng saha yik tarik nö ṙòkhöre nö ngaich nö kunyī-inyre nö ṙā-ang el ök panam.

Isayā 37:16

Ō Mā Tēv yip tömaṙôngö, Tev Israĕl amūichhaka nö ihôi nup kërup, Më-eṅ man Tēv, Me-eṅ höng hĕng tak i në pūlngö ngih tumlat nö ṙòkhöre; Me-eṅ man vamīlö halīöngö tumlat inrē.

1 SAMUĔL 14:3

Ngaich Ahīchā, ök kikōnyö kūön Ahītöp, mëm Ichapōt, ök kikōnyö kūön Finehas, ök kikōnyö kūön Ēli, kūönṙô ngam Mā Tēv i Sailō, nö hayūtöre tö sörplis. Öt akahalōn yik tarik tö Yônatan nö kiröönngöre.

Salmai 80:2

Urēhĕkūö Ifrēm, Penyamin, Manasē inrē: hareutlö ngam kumlēḵ re Man tā-a yih, hayööken ih.