1 SAMUĔL 4:3 - TÖHET LĪPÖRE (Re-edited) Bible (BSI)

³ Ngaich hē yik tarik nö yih nö im elyöngö, ngaich ngö ṙô yik mā aṅ Israĕl, Sitih Ang ngam Mā Tēv nö fëlngen hī töngamuh i kūö vē filistain! Ta-a töi kē-ĕrö öp kasòng kinlēḵngô ngam Mā Tēv nö ṙā-ang Sailō nö in hī, hòṅ e nö yih nö in hī, ngaich hayöölen hī ṙā-ang eltī vē lā-al hī.

1 SAMUĔL 4:3 Referans Kwoze

NGAM LĪPÖRE KAHŪICH YŪT 1:5

Hòṅ fēḵlen yīö chin pòrô yin ngaich tö-akahalōn tö në, tö tī ngam Mā Tēv nö hayööken yik tarik nö ṙā-ang ngam panam Aikup, ngaich unôichngöre nö fëlngö yik töt ṙamātö ellōnre.

1 PĪTÖR 3:21

Ngam mahayööken yīö inrē nö sā ngam tökô-en insā, angū-ö ngam vinôkö, öt sinöichngö mum alaha, tön ngam intönkö tölöök kuilōn lā im Tēv, lökten i invanlö Yēsū Kristū:

HEPRĀI 9:4

Aṅhaṅv ël tök humlum chūök tötahūsa töföngö, ök kansòng ngam chöngö inrē tövinngö aṅ alaha tö humlum, ël e ök humlum tanīöyö tö aṅtö manna, ök tösīöp inrē tinkung Āròn, nuk tömitāk chūök kinūichö ngam chöngö inrē;

2 TIMÒTĪ 3:5

Ṙapkö töng insā lanöökö, ngaich harööḵngen ngam minhôiṅyö aṅ in e: havööngökūöre man inrē i töngatī.

YERIMIĀ 7:4

Ui hayönglenre i në innyatkö el mat ṙô: töhet chūök ngam Mā Tāv ön ngih, töhet chūök ngam Mā Tēv, töhet chūök ngam Mā Tēv.

YERIMIĀ 3:16

Ngaich yē yīö ṙūölöre ṙôngö sīöplöre ṙôken inrē im panam, i nup sakāmö anū-ö, ṙô ngam Mā Tēv, öt ngöhöre ṙô min cha-a nö ngö, Ngam kasòng kinlēḵngô ngam Mā Tēv. Öt yihtöre min angū-ö nö ellōn, hēk öt fēkaṙen, hēk öt ulòhngen; öt hēk min angū-ö nö vī-i.

Isayā 58:3

Kūöyòh öi īhö ahik, ṙô cha, ngaich me-eṅ öt meuk? Kūöyòh öi īhö hayāichngöre, ngaich rö-ö me-eṅ akahngen e? Yĕh meuk, ip sakāmö meh ahik ngaich me-eṅ chöh kumchikṙenre, ngaich hakihten yip töla-evṙen nö in meh.

Isayā 50:1

Ngö ṙô an ngam Mā Tēv, Isuh ap līpöre kinūichngö ṙināngö ap yöng meh kikānö, öp tötī-iv tö chu ṙāngen ò? Hēk inrē achiāp chūök chu hötṙëhevö öp tö-inyīhivökūö tö chu tö meh? Yĕh meuk, kūö tökööl re yin inyīhiyö, kūö tanôichngen yīö inrē ök kikānö yöng yīö nö ṙā-ayö.

Salmai 74:11

Kūöyòh ömeh kichūm tö kël re: hateutnyökūö këlre Man töm lā hāmö keuheūtngen cha.

Salmai 74:1

Ō Tēv, kūöyòh ömeh kavalngen ih örheūheu: kūöyòh öp lanīnö Meh nö lullöre nö in në sīṅp ha-aṅhal Meh?

1 KINṘÖTNGÖ 17:1

Iyöng el patī re ngaich Tāvit, ngö ṙô ngaich Tāvit, tö Nātan ök pròfĕt, Yĕh meuk, iyöng el patī chin chū-ö töchōntö sītör, ngaich pöri ngam kasòng kinlēḵngô ngam Mā Tēv nöng el katòh rūkui.

2 SAMUĔL 15:25

Ngaich ngö ṙô ök rācha tö Sētòk, Keuntö ngam kasòng ngam Tēv man hēk elpanam: yē chu min kôtökūö tö neūkölōn i kūö ngam Mā Tēv, ngaich havanten chu min anga-aṅ nö hēk, ngaich nëtre anū-ö min nö hameuktu nö in chu, tö ngam elyöngö ò inrē:

1 SAMUĔL 14:18

Ngö ṙô ngaich Sôl tö Ahīchā, Kētö ap kasòng ngam Tēv ihih. Pò ök kasòng ngam Tēv nö umuh hē e in yik kūön Israĕl.

YÔSUĀ 7:7

Ngaich ngö ṙô Yôsuā, Aōla Ō Mā Tēv, kūöyòh ömeh havāngngö vē tarik nö i Yôtön, öm kēten hī eltī yip aṅ Amôr, öm hōten ih hatngö? Röh öi öre sòk höng kô-ònglōn iyöng lamuh tö Yôtön!

YÔSUĀ 4:7

Ngaich ngö ṙô yī-ö min tö cha, Pò ngam mak Yôtön nö rökngöre nö i kūö ngam kasòng chöngö ngam Mā Tēv; hē ih havāngngö ël Yôtön, röki ngaich ngam mak Yôtön: ngaich në ihong min tö-örheūheu nö inköpkölōn in yip kūön Israĕl.

I. CHÖNGÖ 31:26

Kē ngih līpöre ngam chöngö, ṙātö e i kaha ngam kasòng chöngö ngam Tēv meh ngam Mā Tēv, hòṅ e nö umuh nö inmeuktö fālen meh.

I. CHÖNGÖ 29:24

Uroh min nö ṙòkhnyöre ṙô pumnāmö tarik nö ngö ṙô, Kūöyòh öng ngih panam? Asuh ap löknyö ṙanāchö ngam tökiröng tanānyö?

KINṘEŪKÖ 31:6

Tīni cha-a ngaich tö Môsös, nö im kinyūngö, hĕng köny i töhĕng miyöngö, cha-a Finehas, inrē ök kūönṙô kikōnyö, hol tö nup chūökṙen ngam töhet chūök tö nup römpet eltī ò inhangkö kanihngen.

KINṘEŪKÖ 10:35

Ngaich hē ngam kasòng chöngö nö urĕh nö kiröönngöre, ngaich Môsös nö ngö ṙô, Ō Mā Tēv, chōholre, hökngen yip lā-al Meh nö pirāti; hökngen cha inrē yip tösumrīk tö Meh nö falngöre nö i kūö meh.

KINṘEŪKÖ 10:33

Kiröönngöre cha-a ngaich nö ṙā-ang im ṙôngö ngam Mā Tēv nö lūöi sumkam röön; urēhĕkūö cha ngam kasòng chöngö ngam Mā Tēv nö lūöi sumkam röön, nö chöh chūök haneūheu cha.

YÔSUĀ 6:6

Ngaich Yôsuā ök kikōnyö kūön Nön nö havëtö yik kūönṙô, ngaich ngö ṙô tö cha, Keunlöre töm kasòng chöngö, hökngen yip tösat tak kūönṙô nö sātö kum tö römpet nup sinrōl kūön sīṅp nö urēhĕkūö ngam kasòng ngam Mā Tēv.

YÔSUĀ 7:8

Ō Mā, sitih ṙô öich min unôich tö Israĕl nö hapungtö ukre nö i kūö yip lā-alre!

1 SAMUĔL 1:24

Ngaich hē ò nö ṙā-ang kūö ò nö pō, kē an ngaich anga-aṅ nö inre, nö hol tö nuk kōiny nuā lūöi nòng, hĕng kumvôkö ök atra, hĕng ök pilön vāin inrē ngaich kēten ò nö i Sailō nö i patī ngam Mā Tēv: ṙòngmöng nyīö ngam nyīö.

1 SAMUĔL 4:2

Haṙāköre ngaich yik Filistain nö lā-al Israĕl: ngaich hē cha nö rultenre nö kiyung, ötkô ngaich Israĕl tö yik Filistain fën köṅny ngaich yik tarik aṅ i yik kumyung tökapah nö el kahôyö.

Isayā 59:1

Yĕh meuk, öt cheūḵngöre rôta kël an ngam Mā Tēv, töp lökten e nö ötkô nö hayööken, hēk öt filngö elnang, töp lökten nö ötkô nö hang:

Isayā 59:2

Nup tökööl yīö pöri tököhngen tī tö hôi yīö tö ngam Tēv yī-ö inrē, hanyatngö kūö ò inrē nup tökööl yīö tö yīö, lökten an nö öt hang.