1 SAMUĔL 4:12 - TÖHET LĪPÖRE (Re-edited) Bible (BSI)

¹² Ngaich hēng tak ök umuh tarik aṅ Penyamin ṙāma-ang i yik kumyung, yamih nö i Sailō hē e nöng takācha inyut, tumlātu elkui inrē.

1 SAMUĔL 4:12 Referans Kwoze

YÔSUĀ 7:6

Tikachngö inyutre ngaich Yôsuā, ngaich fātngökūöre nö, afukngöre nö el tumlat nö i kūö ngam kasòng chöngö ngam Mā Tēv nö söl harap, anga-aṅ tö yik minṙöinylen Israĕl inrē, tūi el kui re inrē cha-a tö tumlat.

NGAM LĪPÖRE YŌP 2:12

Ngaich hē cha nö meūkan nö marôvat, öt akahakūö cha-a tö ò; peuiny cha-a ngaich nö pōitô; tikaichngö inyut re inrē cha-a tūi kui re inrē tö pitung nö kū-ötö el halīöngö.

NAHIMIĀ 9:1

Im innët anāi fën sakāmö ngòh chingëṅt yik tarik Israĕl nö hamūlöre nö ahik inyut tö sāk inrē, tumlat inrē nö el kui cha.

2 SAMUĔL 15:32

Ngaich angū-ö, hē Tāvit nö söllö nö ngaich nö i kui ök paneūlö, nö i chūök vamë-eṅ-kūötēv rung, yĕh meuk yihtöre ang Husāi ök aṅ Arkāt nö höngkūö ò nöng takācha inyut, tumlātu el kui inrē:

2 SAMUĔL 1:2

Ngaich im linūöyö sakāmö, yĕh meuk, hĕng tak ök tarik yamih nö ṙā-ang elyöngö Sôl nöng chaṙësa inyut, aṅ el kui tö tumlat inrē, afukngöre ngaich nö salāman.

2 SAMUĔL 13:19

Tūilö tisum ngaich Tēmar nö elkuire, tikāichngö ök töṙōlkangen mirun mat inyutre inrē ök in ò; ngaich rup kui re anga-aṅ tö eltī re, kiröönngöre ngaich, nö pōitô nöng paneuinyngöre nö kiröönngöre.

YERIMIĀ 26:6

Ngaich chū-ö min vīlö ngih patī nö sā Sailō, ngaich chū-ö inrē min vīten ngih elpanam nö tö rūtiṙen tö vē pumnāmötarik ngih tumlat.

ISIKĪ-ĔL 24:26

Ip sakāmö hĕng tak min öp töpāngö yamih nö in yīö nö vë-eny ngam inhānga nö in yīö.

ISIKĪ-ĔL 27:30

Pōitô nö haramngövah meh, Kihīökkūö nö peuiny inrē. Tūi kui re cha-a tö tumlat Pilönöre inrē nö el tisum;