1 SAMUĔL 4:10 - TÖHET LĪPÖRE (Re-edited) Bible (BSI)

¹⁰ Kiyung ngaich yik aṅ Filitain, ötkô ngaich yik aṅ Israĕl, kö falngöre cha-a ngaich nö el inrūkuire: pōihang vah ngaich yik töfëli; pòn lūöi anāi köṅny yik kumröön kumyung aṅ Israĕl töfukngö.

1 SAMUĔL 4:10 Referans Kwoze

2 RĀCHA 14:12

Ngaich ötkô Yūtā nö i kūö Israĕl; kö falngöre yik tarik nö chuh el inrūkui re.

1 SAMUĔL 4:2

Haṙāköre ngaich yik Filistain nö lā-al Israĕl: ngaich hē cha nö rultenre nö kiyung, ötkô ngaich Israĕl tö yik Filistain fën köṅny ngaich yik tarik aṅ i yik kumyung tökapah nö el kahôyö.

I. CHÖNGÖ 28:25

Vīten meh an ngam Mā Tēv min ötkô tö yip lā-alre: hēngö talöökö më-eṅ kunyi-inyre lā-al cha, ngaich sātö talöökö falngöre ṙā-ang i kūö cha; ngaich më-eṅ min höng kavalka i në pūlngö ngih tumlat.

LA-EN LĒVĪ 26:17

Havööngökūöre Chin min tö yīö, ngaich yī-ö min ötkô i kūö yip lā-alre: hayöngö yīö; ngaich yī-ö min höng pāngö yĕi pòrô ötlūḵu.

2 SAMUĔL 18:17

Kē-ĕ Apsalem cha-a ngaich, ngaich sukten ò nö el ök tökiröng anūlö el inchōnngö ngaich afônglö tö pōyen ihong nö i kui ò: ngaich höng kö chuh el rūkui re yik Israĕl nö falngöre.

Salmai 78:9

Yik kūön Ifrēm, kē aṅtīre, kē linreny re inrē: hapung tö uk re ngaich hē el kinyūngö.

2 KINṘÖTNGÖ 25:22

Ötkô ngaich Yūtā tö Israĕl, kö falngöre tarik nö chuh patīre.

2 KINṘÖTNGÖ 13:17

Ngaich Apicha tö yik tarik ò inrē nö pōihöiny nö fëlngen cha; lökten yik aṅ Israĕl tö fukngö tökūö fanël nö taneuyòng köṅny tö katöllöng tarik.

1 RĀCHA 22:36

Ngaich ik hē maneuttö ngam tavūöi ök ṙô tökeuheūtngöre chūök nö in yik kumyung, töngö, Kö chuh elpanam re, kö chuh i panam re inrē.

1 RĀCHA 12:16

Ngaich hē yik aṅ Israel nö ṙòkhöre nö meuk ök rācha nö öt hang ṙô cha, sapṙô ök rācha ngaich yik tarik, nö ngö ṙô, Suāp minchööḵö hī in Tāvit? Öt rēhĕn in amīnu im kikō- nyö kūön Yēsī: Ō Israĕl, kö chuh el inrūkuire yin: Tāvit, meuk ngam patī- re man ngaich töngamuh. Kiröönngöre ngaich yik Israĕl nö chuh el inrūkuire.

2 SAMUĔL 20:1

Ngaich hĕng tak ök umuh tarik sāṙen, ök töminënyu tö Sepā kikōnyö kūön Pikrī, aṅ Penyamin; föönyö kūö ök fanöö anga-aṅ, nö ngö ṙô, Öt minchöḵövö in īhö in Tāvit, Öt rēhĕn öi amīnu im kikōnyö kūön Yēsī: Ō Israĕl, kö chuh el inrūkui re yin.

2 SAMUĔL 19:8

A Chōholre ngaich ök rācha, ngaich ūichhaka nö i kūö inkūp. Ngaich cha-a nö vë-eny nang yik tarik, nö ngö ṙô, Yĕh meuk, ūichhaka ap rācha nö i kūö inkūp: ṙòkhöre yik tarik nö yihtöre nö i kūö ök rācha. b Höng kö falngöre ngaich yik tarik Israĕl nö el inrūkui re.

2 SAMUĔL 18:7

Ötkô ngaich yik tarik Israĕl tö yik tarik Tāvit, yöng ṙôkhangṙen yik tökapah ik sakāmö yik tönët anāi köṅny tarik.

I. CHÖNGÖ 28:15

Ngaich pöri angū-ö min, yē meh öt hang ṙô ngam Tēv ngam Mā Tēv meh, öm la-evṙen haköpken në inchöngten aṅ in ò tö në Chöngö ò inrē në tinöölô meh tö chu i ngih sakāmö; ngaich ṙòkhöre min në öt inkôlò nö teunghö kui meh, ngaich kô-òngvah më-eṅ:

YERIMIĀ 7:12

Kuṙòh chuh im chūök chu töngamuh öp Sailō misī, i chūök chu la-urĕh vīten ngam minë-eny chu nö iyöng, ngëichkö tī chu tö e inrē tökūö ötlanöökö yip tarik chu Israel.

1 SAMUĔL 3:11

Ngaich ngö ṙô ngam Mā Tēv tö Samu-ĕl, Yĕh meuk, la-evṙen chin min in Israĕl, töp tö-āṅngöre lā kanātnyi tī tö elnang yip hamang min.