12 Ip sakāmö chin angū-ö min lā-al Ēli tö nuk ṙô chu ip patī ò, löktökūö ip ranehelrit söl ip manāngen.
Chuh an min ngam halīöngö, ngam tumlat inrē; Öt chanuhuvṙen pöri në ṙô Chu.
Në ṙô chu tö në chöngö chu inrē, në hachöngten chu in yip tarik chu pròfĕt, röh yik nö kô-òl nö in yik muvöhngö yīö? Ngaich havöökūöre cha-a nö ngö ṙô, Sā lōn ngam Mā Tēv yip tömaṙôngö nö tī-iv nö in hī, asā nuk talöökö hī, asā nuk la-en hī inrē, ngatī tī anga-aṅ nö lök alaha hī.
Ngaich angū-ö min, nö sā nup taṙòkhöre tölöök nö teunghö kui yīö nuk ṙô ngam Tēv yīö ngam Mā Tēv nö in yīö, ngatī min ngam Mā Tēv nö kētö kui yīö tö nup tötlöök, hanöng saha tī ò nö hatngö tī tö yīö ṙā-ang i kūö ngih tölöök panam ngam kahëtö ngam Tēv yīö ngam Mā Tēv nö in yīö.
Rö-ö an ngam Tēv nö tarik, nö töminyôinyaṅ; Ötrēhĕn nö kūön tarik, nö mahavöötö ellōnre: Keuheūtô Anga-aṅ, ngaich yòh öt kēken e hòng? Hēk ṙô-òv Anga-aṅ, ngaich öt hateungngö e hòng min?
Ngaich ṙòkhöre min tarik nö akahakūö tö chu öich Mā Tēv öich hamôknyö ngam sanët re nö ṙā-ang el inyul ò; hö-ö öp min nö hēk nö hayulhötvö.
Mihôiṅyö kël ngaich yik kūön Israĕl nö ṙuhölre nö lā-al Yapin ök rācha aṅ Kanā-an, hanöng saha tī cha nö hatngö tī tö Yapin ök rācha aṅ Kanā-an.
Kē-ĕ ök kasòng chöngö ngam Tēv; fëlö inrē nak tönët tak kikōnyö kūön Ēli, nā Hōfni nā Finehas.
Ngaich sap ṙô ò ök tökumtö ngam inhānga nö ngö ṙô, Falngöre yik Israĕl nö ṙā-ang i kūö yip Filistain, pōihang vah yik töfëli nö ngaich aṅ i yip tarik, kapah nak inrē tönët nak kūön meh nā Hofni nā Finehas, kē-ĕ ök inrē kasòng ngam Tēv.
Ngaich anga-aṅ nö kaheuk mine-eny ök nyīö nö Ichapōt nö ngö ṙô Ṙāngö in Israĕl ök nö ngaich kanôlò: pò ök kasòng ngam Tēv nö kē-ĕ, kūö ök yöng pīhö ò inrē tök pīhö ò.
Ngaich ngö ṙô anga-aṅ, Ṙāngen Israĕl ök kanôlò: pòn kē-ĕnyö ök kasòng ngam Tēv.