1 SAMUĔL 3:1 - TÖHET LĪPÖRE (Re-edited) Bible (BSI)

¹ Ngaich ngam nyīö Samu-ĕl nö ikūö Ēli nö meukṙen ngam Mā Tēv. I nuk sakāmö anū-ö ök ṙô ngam Mā Tēv nö öt ṙöpen; tö töngālnyivö inmeukhömat.

1 SAMUĔL 3:1 Referans Kwoze

Salmai 74:9

Hö-ö in meuk minkahngö re: öt ōtre pròfĕt, öt rēhĕn in aṅhaṅv-in tö tö-akahalōn tö rô-òten.

1 SAMUĔL 3:21

Meūkö hēk ngam Mā Tēv nö i Sailō: pò ngam Mā Tēv nö hameuktöre nö in Samu-ĕl nö i Sailō nö lökten i ṙô ngam Mā Tēv.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

1 SAMUĔL 2:18

Meukṙen pöri nö i kuö ngam Mā Tēv ang Samu-ĕl, nöng ṙòngmö nyīö nö inyuttö līnen sörplis.

Isayā 13:12

Vīten tarik chin min nö iyāich sā tö pahīöya humlum, ngam tarik nö sā inyāichö töhet humlum aṅ Ôfir.

1 SAMUĔL 3:15

Hulalngöre ngaich Samu-ĕl hanöng saha ap peuheū, löpnyökūö nuk inkūp ngam patī ngam Mā Tēv ngaich. Ngaich pa-ekūö ang Samu-ĕl nö hameuktö ök maheuṅkre nö in Ēli.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

1 SAMUĔL 2:36

Ngaich mīnö, öp tö ōtren nö i patī meh nö yihtöre nö sōnngöre nö i kūö ò nö havëkö töhĕng tāk rupīö hĕng michööḵö rôtī inrē nö ngö ṙô min, Ve-ekūö meh chin, Ṙāten chu hĕng kang chūök i chūök la-en kūönṙô, hòṅ chu höng hĕng vat hanam tö rôtī.

INCHŌḴ-OṘÔ 29:18

Yĕn rö-övö vinë-eny mu-unôich ngaich yip tarik nö kavalngö ṙināpöre, tökôlò pöri anga-aṅ öp mahaköp chöngö.

ISIKĪ-ĔL 7:26

Yihtöre ngam ötkanôlò nö i kui ngam ötkanôlò, kintūöyöṙô tömörit tö kintūöyöṙô; chöh öp tömeūkö cha-a nö in öp pròfĕt, ngaich pöri ngam chöngö nö hatngö nö ip kūönṙô, öp inlēnö inrē nö in yip mā.