1 SAMUĔL 27:1 - TÖHET LĪPÖRE (Re-edited) Bible (BSI)

¹ Ngaich ngö ṙô Tāvit nö ellōnre, hĕng öp min sakāmö chu ngaich kapah lökngen eltī Sôl: öt tö-ĕhtenvö min nö in chu töp chinūhu panam yip aṅ Filistain hòṅ chu öt kô-òngvah; ngaich ṙā-alre min Sôl tö chu, nö chöhö chu nö hēk nö i kūöngö në panam Israĕl ngaich chū-ö min öt kô-òngvah eltī ò.

1 SAMUĔL 27:1 Referans Kwoze

Isayā 51:12

Höng Chū-ö chin mahaṙamlōn meh; achīö öm me-eṅ töpa-ekūö tö töng kapah tarik tö kūö tarik töng sā kiyôp,

1 SAMUĔL 23:17

Ngö ṙô anga-aṅ tö ò, Um pa-ekūö: tön öt hōḵ öp kël, öp yöng chu min ang Sôl nö kôti tī tö meh; më-eṅ man min rācha i kui Israĕl, ngaich ṙanët meh min chū-ö; akahalōn öp yöng chu inrē Sôl tö e.

INCHŌḴ-OṘÔ 13:12

Vāhav tī an tö ellōn ngam tö hāṅtö yīhi mineūka, chōn nômö pöri ngam töteung tökūölōn.

Salmai 116:11

Ngö ṙô chin i pinhe-eṅ kūö re: ṙòkhöre tarik nöng minyôny.

1 SAMUĔL 29:2

Ngaich yik mā aṅ Filistain nö ṙôngu kinröönngö, köṅnyu inrē: lā unôich yik tarik Tāvit nö hol Akis nö kiröönngöre.

1 SAMUĔL 25:30

Ngaich mīnö angū-ö yē ngam Mā Tēv nö keuheūtö tī nö im mā chu nö sā nup tölöök nup ṙô ò nö in meh, ngaich vīlen meh inrē min rācha i kui Israĕl:

1 SAMUĔL 22:5

Ngaich ngö ṙô ök pròfët Kāt tö Tāvit, Uh man höng ngöh el ap kinluhu; kiröönngöre man, kē-ĕngre ip panam Yūtā. Kiröönngöre ngaich Tāvit, ngaich yih nö el inchōn i Hērĕt.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

1 SAMUĔL 16:1

Ngaich ngam Mā Tēv nö ngö ṙô tö Samu-ĕl, I rô-òtö miṙivlōn öm min tö Sôl, yĕh meuk tö chu ngaich sō-en ò nö rācha nö i kui Israĕl? Asëlö aṅ ngam sinrōl man tö tavī-i, kuṙòh, töich tinngen meh in Yēsī öp aṅ Pĕtlihem: tön i yip kūön ò chin kikōnyö meukṙenre tö rācha.

MANEUTNYI 14:12

Röh öng nö angū-ö ṙô ih vë-ekūö meh i Aikup, öi ngö ṙô, Hökngen ih, vī vahīṙen vē aṅ Aikup? Pò ih ĕhten vī vahīṙen aṅ Aikup, tö ih kapah el tönyaṅlnyi

2 KÒRIN 7:5

Pò ih pòrô ngaich i Makētòni, öt pinchöömtu në alaha ih, keuheūtngöre lā-a īhö kihngen; lā-uk nup kinyūngö, lātuhēt pinhe-eṅkūö.

T. MĀKÖS 4:40

Ngaich ngö ṙô Anga-aṅ tö cha, Kūöyòh öi ngatī pinhe-eṅkūö? Öl öi mikahavö?

T. MËTIV 14:31

Mā; hayööken chu. Iṙūö hateutnyö këlre Yēsū ngaich ngö ṙô tö ò. Ō me-eṅ tökūöṅnen mikah; kūö yòh öm katöngalōn?

KINṘEŪKÖ 14:3

Angū-ö önguh lökten ngam Mā Tēv nö kēten hī i ngih panam, öi pôḵ sanët? Pôḵ fanël yin min vē pīhö hī tö vē kun kūön hī inrē; röh öi öre ĕhten havan i Aikup?

1 SAMUĔL 26:19

Vë-ekūö meh chin, lökten töngamuh, hökngen ngam mā chu ngam rācha nö hang në ṙô ngòh tarik re. Yē ò nö ngam Mā Tēv mahachōhol alaha meh öm lā-al chu, hökngen ò yēḵ nö hō-ov nö tökētu: yē e pöri nö aṅ i kūön tarik, töt kôlò yip cha-a yē nö i kūö ngam Mā Tēv; pò cha yih nö ngaich töngamuh nö ahōngen chu öich sōtu köp im amin ngam Mā Tēv; nö ngö ṙô Kuṙòh, lök la-en tahëng man Tēv.

1 SAMUĔL 29:3

Ngaich ngö ṙô yik kūön rācha aṅ Filistain, Suāp la-en vē Hīprū nö ihih? Ngaich ngö ṙô Akis nö i yik kūön rācha aṅ Filistain, Röh öng ngòh nö Tāvit, nö tarik Sôl öp rācha aṅ Israĕl, ngòh mi-in chu i në samyeūheu, hö-ö chin kanôtukūö tö fālen in ò söl ing töngamuh löktökūö ik hē ò nö fuk in chu?

1 SAMUĔL 20:3

Chūöku ṙô inrē Tāvit nö ngö ṙô, Akahalōn ap yöng meh tö chu hanghuṙen tö meh; ngaich ngö ṙô anga-aṅ, Un akahalōn ap Yônatan tö ngih, hòṅ ò nö tö haṙivlōn: tökô-en pöri nö sā ngam Mā Tēv nö tö-aṅ sā ngih nômö chu inrē nö tö-aṅ, höng humengtöre vanāng ap ihôi chu tö ngam kinpaha.

1 RĀCHA 12:26

Ngaich ngö ṙô ang Yerōpōam nö ellōn re, Havantöre ön min ngih pūlngö nö i patī Tāvit:

1 RĀCHA 12:28

Halēnöre ngaich ök rācha, ngaich vī humlum kun nuā nët nòng; ngaich ngö ṙô anga-aṅ tö cha, Yaha rô-òl kūö yin chuh Yērusalem; Ō Israĕl, Yĕh meuk minë tēv yīö, kamënyen yīö ṙā-ang ap panam Aikup.

1 RĀCHA 19:3

Ngaich hē ò nö meūkö e, hōklöre ngaich anga-aṅ, kiröönngöre ngaich pòn sōḵ nö kapah, yih ngaich nö i Pīrsīpā, ök panam Yūtā, ṙāngö ök tarik re ngaich nö umuh.

2 KINṘÖTNGÖ 25:17

Ngaich Amasiyā ök rācha aṅ Yūtā nö halēnöre ngaich sööm tö ṙô nö in Yô-as ök kikōnyö kūön Yēhō-ahas, kikōnyö kūön Yēhu, rācha aṅ Israĕl, nö ngö ṙô, Ta-a, tai kö hatīönkö kūö höö.

Salmai 55:7

Yĕh meuk, ngaich chin öre maṙô-òlkūö atēṙa: ngaich iyöng el nyalnyi öre chū-ö.