1 SAMUĔL 26:9 - TÖHET LĪPÖRE (Re-edited) Bible (BSI)

⁹ Ngaich ngö ṙô Tāvit tö Apīsāi, Un fëli an: chīö ṙöng öp tökô nö ṙāḵtö tī re nö lā-al ngam töhachāmö kui tö ngam Mā Tēv, ngaich rö-ö nö fāluṙen?

1 SAMUĔL 26:9 Referans Kwoze

2 SAMUĔL 1:14

Ngö ṙô ngaich Tāvit tö ò, Sitih ömeh öt pa-ekūö öm hateutnyö kël re fëlngö ngam töhachāmö kui tö ngam Mā Tēv?

Salmai 105:15

Nö ngö ṙô, Un lūölka më tö hachāmö kui tö chu: un chök më pròfĕt chu.

2 SAMUĔL 1:16

Ngö ṙô ngaich Tāvit tö ò, El kui meh ap yēḵ mahām meh; pò ngam elvāng meh nö ngö ṙô nö lā-al meh, Fëlngö ök töhachāmö kui chin tö ngam Mā Tēv.

1 SAMUĔL 10:1

Ngaich Samu-ĕl nö kē ök pilön tavī-ī, ṙöstö e ngaich nö i kui ò, hāmkūö ò ngaich, nö ngö ṙô, Röh öng angū-ö nö inchamkui meh tö ngam Mā Tēv öm hōtu rācha i kui vē amin ò?

1 SAMUĔL 26:8

Ngaich ngö ṙô Apīsāi tö Tāvit, Kētu an tö ngam Tēv nö eltī meh ngam tökunyaha elmat tö meh töngamuh: yĕh lökten hökngen chu fëlan, vë-ekūö meh chin, öich aṅtī tö ngam vöi höng hĕng heuh tī tufuntökūö ò eltumlat, öthō chin min nët heuh tī.

Salmai 7:4

Yē chu raneushö tī tö tötlöök in ò öp tölām nö in chu: hôṅ, ṙānyen ò chin ngam töt löknyu chöönyi nö lā-al chu:

1 SAMUĔL 12:3

Ihih chin yih: vë-eny fālen chu yin yĕh i kūö ngam Mā Tēv, i kūö ngam hacham elkui ò inrē. Chiāp tökē-ĕ nuā tö chu? Hēk chiāp tökē-ĕ köttö tö chu? Hēk achīö töhachīlö tö chu? Achīö töhakihtuṙen tö chu? Hēk el tī chīö öich kētö tö-ulāitu raneushö nö tinlupngö kūö në mat chu nö in ò? Ngaich kô-òren chū-ö havan tö e in yīö.

2 SAMUĔL 19:22

Ngaich ngö ṙô ang Tāvit, Sitih inlahen öichvö in yīö, yī-ö kikōnyö kūön Sērūyā, tö yīö hòṅ lā-al chu töngamuh i ngih sakāmö? Hēktöre hòng min tarik tö kumpaha in Israĕl i ngih sakāmö? Röh öich ngaich akahalōn töre töngamuh öich rācha i kui Israĕl?

Salmai 17:4

I inlahen nup la-en tarik pöri, lökten i ṙô minë minuh meh: haköpngöre chin ṙā-ang i talöökö töchökhuṙen.

Salmai 57:1

Aheūkölōn yēk tö chu, Ō Tēv, aheukölōn yēḵ tö chu; tön in Meh ön ngih nômö chu nö hanyatlöre: hôṅ, el katòh nyat minë sanëòk Meh chin hanyatlöre, hanöng saha në kanihngen nö chööḵngö kui chu.