1 SAMUĔL 22:4 - TÖHET LĪPÖRE (Re-edited) Bible (BSI)

⁴ Ngaich kēten cha anga-aṅ nö i kūö ök rācha aṅ Mô-āp: ngaich cha-a nö iyöng in ò irô-òten Tāvit nö el ök kinluhu.

1 SAMUĔL 22:4 Referans Kwoze

Salmai 11:1

Im Mā Tēv chin hayönglenre: sitih öi ngö ṙô töng nômö chu, Kiteūngöre man sā chehechōn i kui ngam rôngö meh?

T. MËTIV 10:23

Yē cha pöri nö öthakôlò yīö nö i ngih panam, afalngöre yi-ö im tahëng. Tökô-ò ṙô Chin tö yīö, öl yin min keuheūt i panam Israel, hanöng saha yanihih ngòh Kūön Tarik.

NAHIMIĀ 6:11

Ngö ṙô pöri chū-ö, Famalngöre öich chū-ö tarik? Asuh öich chū-ö tarik inrē öich töhō kiröönngöre iyöng el ngam tempöl? Hö-ö chin hòṅ kuhēthötre.

2 KINṘÖTNGÖ 29:25

Ngaich asök yik Lēvī anga-aṅ nö el patī ngam Mā Tēv nö holtö simpòl, hārp, lair, sā chöngö Tāvit, Kāt inrē ök mameuk nö ik rācha, Natān inrē ök pròfĕt; pò ngam chöngö nö ṙamā-ang im Mā Tēv nö lökten in yik pròfĕt ò.

1 KINṘÖTNGÖ 29:29

Kūchö nup inlahen ök rācha Tavit, löktökūö raneh söl manā-aṅ nö i mat Kinṙötngö tö Samuĕl ök mameuk, i Kinṙötngö inrē tök pròfĕt Nātan, i Kinṙötngö inrē tö Kāt ök mameuk,

1 KINṘÖTNGÖ 21:9

Ngaich ngam Mā Tēv nö vë-ekūö Kāt, ök in Tāvit mameuk, nö ngö ṙô,

1 KINṘÖTNGÖ 12:16

Rīkre yik tarik Penyamin Yūtā inrē yamih nö ik töngëḵ chūök Tāvit.

2 SAMUĔL 24:11

Ngaich hē Tāvit nö chōholre tö peuheū, yih ngaich ngam ṙô ngam Mā Tēv nö in Kāt ök pròfĕt ök mī-in Tāvit mameuk, nö ngö ṙô,

1 SAMUĔL 22:3

Ngaich ṙā-ang umuh ang Tāvit nö chuh Mispeh i Mô-āp; ngaich ngö ṙô anga aṅ tök rācha aṅ Mô-āp, Vë-ekūö meh chin hökngen ngòh yöng chu man kikōnyö tö ngòh yöng chu kikānö inrē nö yih,nö in meh, hanöng saha mikahlōn chu min tö tī ngam Tēv tö chu.

1 SAMUĔL 22:5

Ngaich ngö ṙô ök pròfët Kāt tö Tāvit, Uh man höng ngöh el ap kinluhu; kiröönngöre man, kē-ĕngre ip panam Yūtā. Kiröönngöre ngaich Tāvit, ngaich yih nö el inchōn i Hērĕt.

2 SAMUĔL 8:2

Kiyūngö Mô-āp inrē anga-aṅ, ngaich haṙākö cha nö töökhaka, tölṙô cha nö ṙōlngöre nö el tumlat; ngaich anga-aṅ nö nët mitöökö fahëlngö nö i tölūöi mitöökö, ngaich hĕng tit mitöökö töṙātu nö aṅ. Ngaich yik aṅ Mô-āp nö tarik Tāvit ngaich kētu raneushö.

1 KINṘÖTNGÖ 11:16

Ngaich ngöh Tāvit nö el ök töngëḵ chūökre; ngaich yik kumyung aṅ Filistain nö kē-ĕ i Petlihem.