1 SAMUĔL 22:2 - TÖHET LĪPÖRE (Re-edited) Bible (BSI)

² Ṙòkhöre ngaich nö hamūlöre nö in ò yik tökihngen, töhötṙehevö yik tökihngen ellōn inrē; ngaich anga-aṅ nö yöngkūö cha: fënòng yik tarik in ò nö umuh.

1 SAMUĔL 22:2 Referans Kwoze

T. MËTIV 11:28

Ta-ih, yihtöre yin in Chu, yī-ö taṙòkhöre töchei, yī-ö inrē tölangan tö kumre; töich kētö haneuheu yīö.

1 SAMUĔL 30:6

Pōiyen kanihngen ngaich ang Tāvit, pò yik tarik nö vë-ekūöre nö hòṅ kulehan tö ihong, kūö yik tarik nö ṙòkhöre nö haṙīvö ellōn, kö haṙivlōn tö kūönre kikōnyö tö kūönre kikānö inrē: hangë-eṅl alahare pöri Tāvit nö im Mā Tēv ngam Tēv ò.

1 SAMUĔL 25:13

Ngö ṙô ngaich Tāvit tö yik tarikre, Kö hīötlöre yin tö sanët re. Kö hīöltre ngaich yik tarik tö sanët re; hīötlöre inrē Tāvit tö sanët re: ngaich lohten nö fënòng yik tarik tamömrit Tāvit; nëtòng yik tö ngöh nö i nuk chehen.

1 SAMUĔL 23:13

Ngö ṙô ngaich Tavit tö yik tarik re, yik tö lohten nö tafūölòng, Choholre kiröönngöre ṙā-ang Kailah, kiröönngöre cha-a ngaich ip töng kū-ö cha nö kô nö kiröönngöre. Ngaich vënyu angū-ö nö in Sôl tö Tāvit nö ngaich nö falngöre nö ṙā-ang Kailah; ngaich sōḵ anga-aṅ nö kiröönngöre.

1 SAMUĔL 9:16

Huṙöich i ngih ṙētak öich hĕng tak tahīnti tö tarik aṅ panam Penyamin, ngaich hacham elkui ò pömchö nö rācha vē tarik chu Israĕl, anga-aṅ öp min mahayöken vē tarik chu nö ṙā-ang eltī vē Filistain: pò chu ngëichtö kui vē tarikre pò nup ṙô cha nö peuiny nö söllö nö in chu.

1 SAMUĔL 1:10

Ngaich ang Hëna nö ik yöng miṙivlōnre, ngaich ve-ekūö ngam Mā Tēv, kalē-ĕ ṙô inrē nö peūiny.

KAMHÔKA 11:3

Meutngö ngaich Yefta nö ṙā-ang in yik hanöng kisānöre, ngaich iyöng i panam Tòp; hamūltöre ngaich nö in Yefta yik tarik tötkô-en, hol ò cha-a ngaich nö kiröönköre.

HEPRĀI 2:10

Pò e nö tölöök nö in Ò, ngam tö amīnu tö taṙòkhöre, ngam löklen në taṙòkhöre inrē, nö kētö kūön nö maṙôngö nö im kanôlò, nö vītö ngam mahachöngten inyööken cha nö teungten nö lökten i kanihngen.

T. MËTIV 11:12

Hētentö sakāmö Yôhan ap Vamôk, söl ing töngamuh, ngam pūlngö ngam halīöngö nö kīlö; ngaich yik kamil nö teūngen tö e.

INCHŌḴ-OṘÔ 31:6

Kum-eūtan tö tökalēḵ öp chamuh im nganaichngenre, vāin inrē in cha yip më-el tökiröng kanihngen;

2 RĀCHA 20:5

Havanritre man, ngö ṙô tö Hësikiā ap rācha vē tarik chu, Ngö ṙô An ngam Mā Tēv, ngam Tēv Tāvit ök yöng meh, Ngaich chin hang ṙô meh vë-ekūö chu, meuk nuk mak mat meh chin: Yĕh meuk, lööken man tö tī chu: ip linūöi sumkam man min chuh el patī ngam Mā Tēv.

2 SAMUĔL 17:8

Ngö ṙô inrē ang Hūsai, Akahalōn man töp yöng meh tö yip tarik ò inrē, tö cha nö tökalēḵ nö tarik, tö cha inrē nö tānyö ellōn, sā öp për öre tö-ulāiyi kūön nö elkahôyö: kumyung ap inrē yöng meh, öthō nö hanôltö chūök re nö in yip tarik.

2 SAMUĔL 5:2

Hē Sôl misī nö rācha nö i kui ih, ngaich höng më-eṅ mahachōnyen ih kamëhetnen ih inrē i Israĕl: ngaich ngö ṙô ngam Mā Tēv tö meh, Ha-āṅhal vē tarik chu man min Israĕl, ngaich më-eṅ min inrē yöngṙen i kui Israĕl.

KAMHÔKA 18:25

Ngaich ngö ṙô yik kūön tö ò, Uh ap yēḵ ṙô meh nö hāngö nö in ih, hòṅ yip yô-òv tötainy tarik nö öt fëlö meh, ngaich chuhu nômö më-eṅ min, nö holtö nômö yip aṅ patī meh.

1 SAMUĔL 22:3

Ngaich ṙā-ang umuh ang Tāvit nö chuh Mispeh i Mô-āp; ngaich ngö ṙô anga aṅ tök rācha aṅ Mô-āp, Vë-ekūö meh chin hökngen ngòh yöng chu man kikōnyö tö ngòh yöng chu kikānö inrē nö yih,nö in meh, hanöng saha mikahlōn chu min tö tī ngam Tēv tö chu.

2 RĀCHA 4:1

Ngaich hĕng tak ök kikānö aṅ in yik pīhö yik kikōnyö kūön yik pròfĕt pameuinyhökūö Ēlaisa, nö ngö ṙô, Kapah ök tarik meh ök pīhö chu: ngaich më-eṅ tö-akahalōn tö ngòh tarik meh nö töpa-ekūö tö ngam Mā Tēv: ngaich öp töhötṙehevö nö in chu nö yih nö kēḵ nap tönët tak kūön chu nö töhakövö.