1 SAMUĔL 2:8 - TÖHET LĪPÖRE (Re-edited) Bible (BSI)

⁸ Hachohlö yāich an ṙā-ang el tumlat hachohlö töhāṅten An ṙa-ang im rung sôḵ nuā, nö vīten chān holtöṙah kūön mā nö ūichhaka, amīnu inrē tö kantēra minā-aṅ: pò nup machööḵlö ngih panam nö aṅ im Mā Tēv, töönglö ngam panam anga-aṅ inrē nö i kui u.

1 SAMUĔL 2:8 Referans Kwoze

TANĪ-ĔL 2:48

Ngaich ök rācha nö kētö lamātulöng ineū-euṅ Tanīĕl nup töpōyen inrē raneushö, ngaich vīlen ò nö mahayöng nup pumnāmö i Pēpilön nö ṙòkhöre, yöngkūö yik tö-akaha inrē tarik i Pēpilön nö ṙòkhöre.

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

TANĪ-ĔL 6:3

Tö-eūnyu ngaich ang Tanīĕl nö lātulöng tö yip tahëng presiten setrāp inrē, pòn in ò ök tölöök ma-alaha; ngaich ök rācha nö hòṅ vīlen ò nö i kui ngam pūlngö nö ṙòkhöre.

INMEUKHÖMAT 1:6

Ngaich vīlen hī pūlngö, mameukṙen ngam Tēv Ò, Yöng inrē; kanôlò Ò yēḵ, minā-aṅ inrē örheūheu yēḵ. Āmen.

Mumkahten 4:14

Pòrô anga-aṅ nö ngaich nö ṙamā-ang el kinlōngö nö chuh el kantēra rācha hēk ip pūlngö ò nö tö fötnyu nö yāich.

1 SAMUĔL 15:17

Ngö ṙô ngaich ang Samu-ĕl, Pòrô man misī öm tökūöṅnö tö matre, ngaich öt vīlöng hòng më-eṅ yöng kūö yip miyöngö Israĕl? Hachāmö kui më-eṅ ngaich töm Mā Tēv öm rācha i kui Israĕl;

INMEUKHÖMAT 22:5

Öt ōtre min hatööm; ngaich cha-a min nö öthòṅ hūmat tö ëāṅvö, öt rēhĕn tö hanūṙömat ngam tavūöi; pò ngam Mā Tēv min nö kētö hanū mat cha: ngaich cha-a min nö örheūheu nö hayöng.

INMEUKHÖMAT 5:10

Ngaich vīten cha; nö pūlngö, mameukṙen ngam Tēv hī: ngaich cha-a nö hayöng nö ing panam.

2 SAMUĔL 7:8

Yĕh lökten töngamuh öm ngö ṙô töp tarik chu Tāvit, Ngö ṙô An ngam Mā Tēv yip tömaṙôngö, Kē-ĕ meh chin misī ṙā-ang i nāhal sīṅp, ṙā-ang i tinömkörit sīṅp pò meh hōtu rācha i kui vē tarik chu, i kui Israĕl:

INMEUKHÖMAT 3:21

Anga-aṅ ngòh tömihôiṅ, kēḵĕkūö ò min chū-ö tö inūichhaka nö hol chu nö el kantēra chu, sā chu chu-ö ngaich mihôiṅ, ngaich ūichngöre hol ngam Yöngre el kantēra Ò.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

Salmai 104:5

Ṙamātö rööntö ngam tumlat: pòn hōten e nö öt hanlöinyken nö örheūheu.

Salmai 102:25

Ṙātö rööntö ngih tumlat Man misī: vahī minë kuntī Meh, minë halīöngö.

Salmai 24:2

Pò ò nö vītö e nö i kui mai: haköpngö e inrē nö i kui tötöh.

Ranehlö 41:14

Ngaich Fërō nö tīnngö mahavëken Yôsĕf, ngaich kurāten chā-a nö kēnyen ò nö ṙā-ang el kinlōngö: kuhāköre angā-aṅ ngaich, haṙī-il hilāre inrē, ngaich kuhēthötre nö in Fërō.

NGAM LĪPÖRE YŌP 2:8

Kē raktit tanīöyö ngaich anga-aṅ aṅtī ò nö kiyööhöre, ūichngöre ngaich nö i tisum.

Ranehlö 41:40

Më-eṅ man ngaich mahayōm ngih patī chu, asā öp ṙô meh vē tarik chu min nö ṙòkhöre nö hayöngö: höng el kantēra chū-ö min kiröng tö meh.

TANĪ-ĔL 4:17

Lamökten i chöngö yip amahāṅti ön ngih sācha, lamökten i ṙô yip töhet ngam chöngö, pòn hōtu yip tö-aṅ nö akahalōn tö ngam Lamātulöng nö hayöng pūlngö tarik, ngaich kētö e ip chūök lōn ò, ngaich i kui e tī nö ha-uichtö öp manā-angkūö ṙôngòng tarik.

1 RĀCHA 16:2

Pò chu uroh hapōilen meh ṙā-ang el tumlat, ngaich vīlen meh yöngṙen i kui vē tarik chu Israĕl; ngaich më-eṅ lök el talöökö Yērōpoām, öm vīten vē tarik chu Israĕl nö köölöfālen, nö harunnyö lanīnö chu tö nup tökööl cha;

2 RĀCHA 9:6

Chōholre ngaich anga-aṅ, ngaich kuhēthötre nö el patī; ṙöstö ngam tavī-i ngaich anga-aṅ nö i kui ò, ngaich ngö ṙô tö ò, Ngö ṙô An ngam Mā Tēv, ngam Tēv Israĕl, Ngaich tī chin hacham kui meh rācha i kūö vē tarik ngam Mā Tēv, i kui Israĕl.

NGAM LĪPÖRE YŌP 1:21

Nö ngö ṙô anga-aṅ, Töng chumlal chin yih ṙā-ang ellōn yöng re, chumlal hēk min öich havantöre, ngam Mā Tēv an kamë-eṅti, ngam Mā Tēv inrē kamë-anga; tökôlò an yēḵ ngam minënyö ngam Mā Tēv.

Salmai 75:3

Yëngö an ngam panam, tö yip aṅkūö e inrē: asöklö minë machööḵlö e chin.

Salmai 75:7

Ngam Tēv pöri ma-akah: hĕng tak tumṙeūti Anga-aṅ, hachohlö ngam tahëng inrē.

Salmai 107:41

Asöklö ngam yāich pöri Anga-aṅ, nö lātulöng tö kanihngen: ngaich vīten ò nö mupīhö, sā kiteūm pököre.

Isayā 22:23

Ngaich chū-ö min haköpngen ò sā kīny nö ip tököp chūök ò; ngaich anga-aṅ min nö kantēra rācha nö tö-eū-eu nö i patī ap yöng ò.

Salmai 75:4

Ngö ṙô chin tö ngam mahakeūlô re; Uh man hakeūṙö re: tö ngam tötlöök inrē, Un hachônglö sinrōl re.