1 SAMUĔL 2:5 - TÖHET LĪPÖRE (Re-edited) Bible (BSI)

⁵ Haṙāi nyā-aṅkūöre yip tö tö- tööḵngen töre; Öt ōtre inrē ngaich yik tö kapahare: Hôṅ, sat tak kayônyi ngam tötmikūönlö; Ngaich anga-aṅ nö öt kalē-en ngam töṙōl mameuk kūön.

1 SAMUĔL 2:5 Referans Kwoze

T. LŪKÖS 1:53

Vē tökapahare hatööḵöiṙen tö nup tölöök chehen; tīnirit tö Ò vē tökôlò nöng öt kūmuṙen;

Salmai 113:9

Vīten yip töt mikūönlö Anga-aṅ nö mahayōm patī: nö tö ṙāmölōn nö yöng yip kūön re.

YERIMIĀ 15:9

Anga-aṅ öp tösat tak kūön ngaich nö lëvngö; ngaich an nö kiratngö vahre; meutti ök tavūöi ò nö ngaich hē e nö ṙòngmö sakāmö; sumrōngikūö ana miṙē-ĕi inrē. Ngaich yip chööḵ cha min nö kētu tö chu nö im sanët i kūö yip lā-al cha, ṙô ngam Mā Tēv.

Salmai 34:10

Hāṅten nun në kun lāyön, kapahare inrē: acha-a pöri yip chamöh ngam Mā Tēv min öt hanātuṙen tö töng löök.

T. LŪKÖS 16:25

Ngö ṙô pöri Aprahām, Kakūönö: köpölōn man tök hē meh aṅ, öm teūngen tö tölöök chehen, nup lōn meh; ngati ang Lāsörös nö teūngen tö nup töchōich. Ngaich pöri anga-aṅ nö haṙāmölōn nö ihih, ngaich me-eṅ im ötinkôlò.

Isayā 54:1

Ō Më-eṅ tötkūönu, tikökṙôre man me-eṅ tötkamyôḵnyö nyīö; kaknyöre tikökṙôre, pōitô inrē hū-a, më-eṅ töt mahalöinyöre i kinyôḵnyö nyīö: tön saṙaklöngkūö yip kūön öp töt aṅhavökūö tö yip kūön ò öp töpīhövö, tö ṙô ngam Mā Tēv.

1 SAMUĔL 1:6

Halôpnyö kumnyahlōn ò ngaich ök Kamsālan, pòn hōten ò nö līplölōn, pò ngam Mā Tēv nö löpngökūö chūök kanūönö ò.

1 SAMUĔL 1:20

Ngaich hē ngam hē nö teungtökūö, pirūkö nyīö ngaich Hëna, ngaich kayônyö nyīö kikōnyö; ngaich kaheuk minë-eny ò anga-aṅ nö Samu-ĕl, nö ngö ṙô, Pò chu havëken ò im Mā Tēv.

KALATĪ 4:27

Lökten nö ngö kinūichngö, Ṙāmölōn man me-eṅ tötmikūönlö, kaknyöre tikökṙôre, me-eṅ tötkamyôḵ; tön mööḵlö yip kūön ngam töṙā-ai, tö yip kūön ngam töpīhövö.

NGAM LĪPÖRE RŪT 4:15

Ngaich anga-aṅ min nö in meh nö mahavanlö nômö, maharūkö meh inrē i saha meh köiny: pò ngam kan kūön meh nö kayônyö kūön ò, ngam töhāngenlōn tö meh nö mötlö tö tösat tak nyīö kikōnyö.

Isayā 33:9

Haṙivlōn an ngam panam öt kalē-en inrē: sirōngkūö an Lëpanön nyangngö inrē nö ngaich: sā elnyalnyi an Saròn; ngaich Pasān Kārmel inrē nö piṙōngngö nup rōi re.