1 SAMUĔL 2:3 - TÖHET LĪPÖRE (Re-edited) Bible (BSI)

³ Un yāha inkeūlen ṙô; Un löknyö elvāng meh tökiröng ṙô; Tön Tēv inkaha an ngam Mā Tēv, Kalaha lumngan nup inlahen tö ò.

1 SAMUĔL 2:3 Referans Kwoze

INCHŌḴ-OṘÔ 8:13

Sunrīkhö tötlöök an ngam pinhë-eṅkūö tö ngam Mā Tēv. Inkeūlen kanësen inrē talöökö tölöök tö hachōchi ṙô inrē surīkhö chu.

1 RĀCHA 8:39

Hang më-eṅ yēḵ ngaich elhalīöngö ngam elyöngö meh, aṙē-ĕl inrē, ngaich kētöre, kö kē-ĕkūö tarik inrē asā nup talöökö ò, ap mikahlōn meh ellōn ò; (tön höng më-eṅ māna tö-akahalōn tö nup ellōn kūön tarik nö ṙòkhöre:)

INCHŌḴ-OṘÔ 24:12

Yē meh ngö ṙô, yĕh meuk, öt akahakūö in tö e, öt meūkö e ang ngam kamlah lumngan ellōn? Öt akahalōn anga-aṅ ngam amahtö nômö yīö tö e, röh ang min nö havëkö e nö i tarik nö sā öp la-en ò?

HEPRĀI 4:12

Pò ngam ṙô, ngam tö-aṅ, nö panyôta inrē, mööḵlö kaneūtö inrē tö tö-āṅngöre keūtö fël, tafūni tī inrē tö ranangkūö ngam nômö töm ma-alaha, tö nup tanap u nyöre aṅ el tangëḵ, veut inrē nö akah nup lōn, tanutö ellōn inrē.

INCHŌḴ-OṘÔ 16:2

Ṙòkhöre nup talöökö ngòh tarik nö het nö i mat ò, kalah lumngan ma-alaha pöri ngam Mā Tēv.

Isayā 37:23

Achiāp miṙēngö meh öt lahēkö el nang meh inrē, lā-al chīö öm inrē öm hapōilö ṙô re môklökūöre inrē öm lātulöng? Öm höng lāklö ngam Töhĕng Töhet in Israel.

Salmai 147:5

Tö kiröng An ngam Mā hī, kalē-ĕ minhôiṅyö inrē: öt tölngu öp mikah Ò.

Salmai 94:4

Mëichngö ṙô re yin, hakeūlôre yin: ṙòkhöre vē tö la-evṙen tö tötlöök nö eū-eu re.

Salmai 44:21

Röh ang ngam Tēv min nö chöhö e? pò ò nö akahalōn tö töhayunka ellōn.

NGAM LĪPÖRE YŌP 31:6

(Hökngen chu yēḵ kalaha lum- ngan el töt michūḵṙen kinlah lumngan, hökngen ngam Tēv inrē nö akahalōn tö ṙôken chu!)

1 SAMUĔL 16:7

Ngö ṙô pöri ngam Mā Tēv tö Samu-ĕl, Uh man ngëichkö arëkūö ò hēk um ngëichkö rôlòng ò; sō-en ò chin; pò ngam Mā Tēv nö öt sā mat tarik nö meuk; pò ngòh tarik nöng meuk lā-uk, meuk ellōn pöri ngam Mā Tēv.

INMEUKHÖMAT 2:23

Fëlngö yip kūön ò chin min aṅtītö kinpaha; ngaich ṙòkhöre në māṅ min nö akahalōn tö chu, öich chū-ö anga-aṅ, chamöh elkilpong, el fanöinylö inrē; kö kē-ĕkūö yīö min chu-ö tö tösā nup vahīṙen yīö.

MALAKI 3:13

Keung nup ṙô yī-ö lā-al chu, ṙô ngam Mā Tēv, Ngaich sön yī-ö ngö ṙô Isuh öi īhö ṙô-òv lā-alkūö meh?

TANĪ-ĔL 5:27

TEKEL, kalaha lumngan man ngaich el kinlaha lumngan ngaich kôti hāṅtökūö;

TANĪ-ĔL 4:37

Ngaich chu-ö, Nēpukatnēsar, ha-öiny, hapōīlö ane inrē eū ngam Rācha ngam halīöngö; kūö nuk la-en ò nö töhuveū nup talöökö ò inrē nö tölöök; ngaich cha-a yip lamök i inkeūlen re mihôiṅ anga-aṅ nö hakūöṅnngen cha.

YERIMIĀ 17:10

Chöh kuilōn chin chū-ö Mā Tēv kalah ngam fanöinylö inrē, öich kö kē-ĕkūö tarik sā nup talöökö ò. Sā öp ṙòng nup vahīṙen ò.

Isayā 26:7

Tölöök an ngam talöökö töchiplen: ngaich me-eṅ töchiplen hachōtö talöökö yip tölöök.

Salmai 17:10

Inṙungngö tö tösangööre yin: hakeūlôre yin nö elvāngre.

Salmai 31:18

Hökngen nup töminyôiny-aṅ minuh nö un huveū-euṙô: nup töchōchö ṙô nö chökhu-ṙô tö tölöök, nö hol tö inkeūṙö, mināich inrē.

Salmai 75:5

Uh man hachônglö sinrōl re lātulöng: um hakeh likeun re öm chökhu ṙô.

YÔSUĀ 22:22

Ngam töng Hĕng Tömihôiṅ, Tēv, Mā Tēv! Akahalōn An, akahalōn min inrē Israĕl; yē e nö inhôngen, hēk yē e nö tökööl fālen nö im Mā Tēv, (uh in yēk hayöökaṙen tö yīö i ngih sakāmö,)

KAMHÔKA 9:38

Ngaich ngö ṙô Sīpūl tö ò, Isuh ap elvāng meh nö ngaich, më-eṅ öm tö ngö ṙô, Achīö ap Apīmelek, töp lökten hī min kūön alaha ò? Röh aich nö vē tarik vē töha-āchiṙen tö meh? Kunyī-inyre man kuṙòh töngamuh, vë-ekūö meh chin öm kiyūngö cha.

ISIKĪ-ĔL 35:13

Ngaich me-eṅ hapōilöre lā-al chu aṅtī tö ngam elvāng meh, ṙūölöṙôre inrē lā-al chu; Hāngö e chin.