1 SAMUĔL 2:2 - TÖHET LĪPÖRE (Re-edited) Bible (BSI)

² Öt hĕng töhet nö sā ngam Mā Tēv: Pò meh öt hōluvö Öt rēhĕn ihong tö sā ngam Tēv hī.

1 SAMUĔL 2:2 Referans Kwoze

2 SAMUĔL 22:32

Achīö ṙöng ang ngam Tēv, tön höng ngam Mā Tēv? Achīö ṙöng ang ngam Ihong, tön höng ngam Tēv hī?

Isayā 44:6

Ngö ṙô An ngam Mā Tēv, ngam Rācha Israĕl ngam Mā Tēv yip tömaṙôngö Ṙamānyen ò, Chū-ö chin raneh, chū-ö inrē manā-aṅ; öt hōlu chin tö tahëng tēv.

Salmai 86:8

Ō Mā, öt hĕng tak tö sā Meh nö i vē tēv: öt rēhĕn nup töng la-en nö sā nup la-en Meh.

Salmai 89:8

Ō Mā Tēv, Tēv yip tö maṙôngö, achīö ap tömihôiṅ nö tö sā Meh Ō Yāh: havīlen Meh inrē ngam kanô-en Meh!

MANEUTNYI 15:11

Ō Mā Tēv, achīö ap tösā Meh, i vē tēv? Achīö ap tösā Meh, ineū-euv im hanëtö, tö ha-öinyö pinhë-eṅ, tö tī tö pinngangkūö?

1 PĪTÖR 1:16

Sā kinūichngö e nö ngö, Töhet yin min yi-ö; pô Chu Chu-ö Töhet.

YERIMIĀ 10:6

Ō Mā Tēv, öt hĕng tak tösā meh: kiröng man me-eṅ, kiröng ngam minë-eny meh inrē nö im minhôiṅyö.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

I. CHÖNGÖ 3:24

Ō Mā Tēv, möl man rĕhtenre hameukhömat ngòh tarik re tö ṙôköre, ngam tökalēḵ kël meh inrē: öp yòh öp tēv el halīöngö hēk ing panam, nö tökô nö sā la-en meh, tö sā minë mihôinyö la-en meh inrē?

LA-EN LĒVĪ 19:2

Vë-ekūö yip ṙôngö kūön Israĕl nö ṙòkhöre, ngö ṙô tö cha, Het yin min: pò Chu Chū-ö Tēv yīö töhet öich Mā Tēv.

RŌMA 15:4

Nup tö ngaich nö kūichiyö nö lā-urĕh, kūichiyö anū-ö nö haköp hī, lökten im manöiyö, inṙamlōn inrē, aṅ im töhet līpöre, öi maheūṅkkuvö.

Isayā 44:8

Un pa-ekūö, un rēhĕn nö vöö; röh öich ngaich ve-enynang yīö löktökūö misī öich ṙô tö e? Yī-ö yin hamang ṙô chu! Tēvu hòng nö hol chu? Hôṅ, öt Ihōnguvö; hö-ö chin akahakūö tö inrē.

Isayā 40:18

Sā tī chīö-öi pökah haṙongten ngam Tēv, hēk inrē sā yòh tī öi asīnten ò?

Isayā 6:3

Ngaich kö ṙô-òvö cha-a tö höö, nö ngö ṙô, Töhet, töhet, töhet an ngam Mā Tēv yip tömaṙôngö: tööḵlö an ngam panam tökanôlò ò.

Salmai 111:9

Tīntö ṙinānyi Anga-aṅ nö in yip tarik re; hachöngten nup kinlēḵngô re Anga-aṅ nö töng örheūheu: töhet, tö milēka ap mine-eny Ò.

Salmai 99:5

Hapōilö ngam Tēv hī yin, ngam Mā Tēv; salāman inrē im anūichö Ò! Töhet An!

Salmai 89:6

Achīö ap el minë taṙul tökô nö ṙongta nö im Mā Tēv, tö sā ngam Mā Tēv?

I. CHÖNGÖ 32:39

Yĕh meuk öi tö chu, öich chū-ö, öich anga-aṅ, Öt tēvu umuh nö hol chu: Kapaha tī chin, ngaich öich vītö aṅ inrē; Nyahaṅv tī chin, lööken tī inrē; öt hĕng tak tökô nö ṙā-any ṙā-ang eltī chu.

I. CHÖNGÖ 32:4

Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.

Salmai 99:9

Hapōilö ngam Mā Tēv yin, ngam Tēv hī, salām öi im töhet rung Ò: tön töhet An ngam Mā Tēv, ngam Tēv hī.

Salmai 73:25

Achīö öp chū-ö chu el halīöngö, tön höng Më-eṅ: öt hĕngtak ing panam tösā Meh nö lōn chu.

Salmai 71:19

Ō Tēv, latulöng an ngam lanöökö Meh inrē; Më-eṅ tökeuheūten tö tökiröng la-en: Ō Tēv, achīö ap tö sā Meh?

Salmai 71:3

Ihong Man yēḵ elyöngö chu, chūök chu iṙūhen iyöngtöre: kētö chöngö Man ngaich hayööken chu; pò Meh ihong chu, chūök lanaklö chu inrē.

Salmai 18:2

Ihong chu an ngam Mā Tēv, chūök chu kiyung, ṙamānyen chu inrē: Tēv chu, töngëh ihong chu: in ò chin min hayönglenre; lanaklö chu, sinrōl ngam inyööken chu inrē, tömarô-òl kui chūök chamônga.

I. CHÖNGÖ 32:20

Ngaich ngö ṙô anga-aṅ, hayunngö kūöre chin min in cha, Ngëichkö öp manāngen cha chin min: pò cha nö tūmö kamahngenre tölōnre, nyīö yin chūök töt ṙinātö ellōn.

I. CHÖNGÖ 4:35

Yī-ö yin töhameukhumat tö e, pò yīö hōtu akahalōn tö ngam Mā Tēv nö anga-aṅ Tēv; öt hōlu an tö tahëng.

RŌMA 4:8

Tökôlò ön ngòh tarik, ngòh töt kaheuktu tö ngam Tēv, nö i tökööl.

2 SAMUĔL 7:22

Lökten man tökiröng, Ō Tēv Mā Tēv: pòn öt hĕng tak tösā meh öt rēhĕn nö Tēvu hol meh, sā nuk töhāngö nö ngaich tö në el nang ih.

2 SAMUĔL 22:3

Ihong chu an ngam Tēv, In ò chin hayönglenre; Lanaklö chu, sinrōl inyööken chu, tömarô-òl kui chūök chamônga, innyatlö chu inrē; Mahayööken chu, hayöölen chu man ngaich i kanihngen.

1 RĀCHA 8:23

Nö ngö ṙô, Mā Tēv, Tēv Israĕl, öt Tēvu tösā meh, lātulöng töm halīöngö hēk lātaṙeū töng tumlat; öp mahaköp kinlēḵngô miṙēlōn inrē nö i vē tarik re, vē lamök i kūö meh nö holtö ellōn re:

Salmai 18:31

Achīö ṙöng ap Tēv, Höng ngam Mā Tēv: achīö ap ihong, nö hol ngam Tēv hī?

Salmai 99:3

Hökngen cha nö Ha-öiny ngam tö kiröng: pinhe-eṅkūö inrē mine-eny Meh! Töhet An!

LA-EN LĒVĪ 11:44

Tön Chū-ö chin Mā Tēv, Tēv meh: ahetlöre yin lökten, hòṅ yīö töhet; tön töhet Chin Chū-ö: ui rēhĕn hamumngöre öi yô-òv lökten i töreūla nup mahalöinyköre nö el tumlat.

LA-EN LĒVĪ 11:45

Tön Chū-ö Chin Mā Tēv kamënyen meh ṙā-ang ap panam Aikup, öich Tēv meh: lökten yin het, tön Töhet Chin Chū-ö.

I. CHÖNGÖ 4:39

Akahalōn yēḵ lökten töngamuh, ṙāḵtö e inrē ellōn yīö, tö ngam Mā Tēv nö anga-aṅ Tēv el halīöngö lātulöng i kui ngih panam inrē lā taṙeūḵ; öt tahënguvö.