1 SAMUĔL 2:18 - TÖHET LĪPÖRE (Re-edited) Bible (BSI)

¹⁸ Meukṙen pöri nö i kuö ngam Mā Tēv ang Samu-ĕl, nöng ṙòngmö nyīö nö inyuttö līnen sörplis.

1 SAMUĔL 2:18 Referans Kwoze

1 SAMUĔL 3:1

Ngaich ngam nyīö Samu-ĕl nö ikūö Ēli nö meukṙen ngam Mā Tēv. I nuk sakāmö anū-ö ök ṙô ngam Mā Tēv nö öt ṙöpen; tö töngālnyivö inmeukhömat.

MANEUTNYI 28:4

Në nun inyut tö vī-i min tö cha, hĕng lanak elngòh, hĕng efòt, hĕng tökiröng inyut, hĕng inyut alaha inrē, hĕng sapīöv, hĕng sörplis; vī töhet cha-a min inrē inyut Āròn öp kahëm meh, tö yip kikōnyö kūön ò inrē, hòṅ ò nö meukṙen Chu nö el chūök Kūönṙô.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

2 SAMUĔL 6:14

Kiṙīöm ngaich Tāvit nö ma-āinyre; kahumlöre inrē tök linen sörplis.

1 SAMUĔL 22:18

Ngö ṙô ngaich ök rācha tö Tô-ek; Havöölö kūöre man më-eṅ, afuktöre ngaich i më kūönṙô. Havöölökūöre ngaich Tô-ek ök aṅ Itöm, afuktöre ngaich anga-aṅ nö in yik kūönṙô hëvhör anāi taneui tak ngaich yik tarik töfëliyö tö ò yik tö inyuttö linen sörplis, ik sakāmö angū-ö.

1 KINṘÖTNGÖ 15:27

Hayūtöre ang Tāvit tö tövai linen hilā, ngatī inrē nö ṙòkhöre yik Lēvī yik kameun ök kasòng chöngö, tö yik tumkökṙôre, Kenneyā inrē mahachōlö ṙô yik tumkökṙôre; hayūtö inrē Tāvit tö linen Sörplis.

1 SAMUĔL 2:28

Katöllen ò hòng chū-ö inrē nö kūönṙô chu nö ṙā-ang i nup miyöngö Israĕl, nö hōtu nö vānglöre nö im tahāklö chu, nö föng tötahūsa, nö hayūtöre tö sörplis nö i kūö cha? I patī ök yöng meh tī öich misī tö nup tökētu töföngö tö yip kūön Israĕl nö ṙòkhöre?

LA-EN LĒVĪ 8:7

Ngaich anga-aṅ nö hayutlen ò tö inyut alaha, ngaich fūmlen ò tö fanūmṙat, ngaich hayutlen ò tök tökiröng inyut, ngaich hūötlö ök efòt nö in ò, ngaich fūmlö ṙat ò tök tömilichngen kinpātö sörplis ök efòt, ngaich ngatngö e nö in ò.

1 SAMUĔL 14:3

Ngaich Ahīchā, ök kikōnyö kūön Ahītöp, mëm Ichapōt, ök kikōnyö kūön Finehas, ök kikōnyö kūön Ēli, kūönṙô ngam Mā Tēv i Sailō, nö hayūtöre tö sörplis. Öt akahalōn yik tarik tö Yônatan nö kiröönngöre.