1 SAMUĔL 2:1 - TÖHET LĪPÖRE (Re-edited) Bible (BSI)

¹ Ngaich vë-ekūötēv Hëna nö ngö ṙô, Im Mā Tēv chin pōyen ṙānāmölōn, Im Mā Tēv ngam sinrōl chu nö ṙūölöngö: I yip lā-al chu ngam elvāng chu nö pōiti: Pò chu ṙamölōn im inyööken tī meh.

1 SAMUĔL 2:1 Referans Kwoze

Salmai 13:5

Hayönglenre pöri chū-ö i miṙē-lōn meh: ṙāmö ellōn chū-ö min im inyööken tī meh.

FILIPĪ 4:6

Un piṙūtkuvö; i nup tökeuheūttöre pöri, höng i vinë-ekūötēv, vinë-elkui inrē, holtö nöinyö, öi mikahtölōn ngam Tēv tö nup havëkö yīö.

Salmai 92:10

Hapōilöng pöri ngam sinrōl chu tö Meh, sā sinrōl nup hanchōn nuā: hachāmö chin tö tufömngöre tavī-i.

Salmai 89:17

Pò Meh Me-eṅ ineū-euṅ ngam kumlēḵ cha: hapōilöng min në sinrōl ih, tökūö lōn Meh tö ih.

FILIPĪ 4:4

Ṙāmölōn örheūheu im Mā Tēv hēk chin ngö ṙô, Ṙāmölōn.

Salmai 20:5

Im inyööken in min tī meh mihôiṅ, ngaich i mine-eny ngam Tēv hī min öi hatamlö pantērare: hateungten nup havëkö meh an ngam Mā Tēv.

Salmai 9:14

Hòṅ chu hameuknyö nup nöinyö meh, i kūö nup inkūp ngam kikānö kūön Siyòn: ṙāmölōn chin min i ngam tī meh inyööken.

Salmai 35:9

Ṙāmölōn min ngih nômö chu nö im Mā Tēv: ha-öiny ṙanāmölōnre an min im inyöölen aṅ in ò.

FILIPĪ 3:3

Pò ih ihö tötunyīnyi, vamë-ekūötēv lökten im Töhet Fanöinylö ngam Tēv, kanôlò inrē in Kristū Yēsū, öt inyönglenvö im alaha:

RŌMA 5:11

Rö-ö nöng ngati, tön ṙāmölōn ayī-ö inrē im Tēv lökten ngam Mā hī Yēsū Kristū, ngam lökten hī ngaich töngamuh teūngen tö inlāmö.

HAPAKŪK 3:18

Sön chū-ö min ṙāmölōn im Mā Tēv, ṙāmölōn chin min im Tēv inyööken cha.

Salmai 118:14

Ngam Mā Tēv pöri kumlēḵ chu, tinkökö chu inrē: vītöre An inrē nö inyööken chu.

Salmai 89:24

In ò pöri ngam kanô-en chu, tö ngam miṙēlōn chu inrē: i mine-eny chu min inrē ngam sinrōl ò nö hapōilöngö.

MANEUTNYI 15:21

Sap ṙô cha ngaich Miriöm, Tikökṙôre yin im Mā Tēv, pòn ineū-euv Angā-aṅ im minhôiṅyöre; fuk el mai tī Angā-aṅ tök aṅ uk ò inrē.

MANEUTNYI 15:1

Tīkökṙôre ngaich Môsös tö yik kūön Israĕl inrē nö i ngam Mā Tēv, tö ngih tinkökö, ṙô-òv inrē nö ngö ṙô. Tikökṙôre chin i ngam Mā Tēv, pòn ineū-euṅv angā-aṅ i minhôiṅyöre: Fuk el mai tī Angā-aṅ tök kōra tök aṅ uk ò inrē.

1 PĪTÖR 1:8

Ngam hanāngenlōn yīö, öi höng öt meūkan, ngam chūök yīö pōyen ṙanāmölōn tö ngam töt vanënyen tötööḵlö kanôlò, pòrô yī-ö töngamuh öt meūkan, sön höng ṙātö ellōnre:

Salmai 51:15

Ō Mā, löpnyö kūö në minuh chu: hòṅ ngih elvāng chu nö hameuknyö nöinyö meh.

Salmai 18:2

Ihong chu an ngam Mā Tēv, chūök chu kiyung, ṙamānyen chu inrē: Tēv chu, töngëh ihong chu: in ò chin min hayönglenre; lanaklö chu, sinrōl ngam inyööken chu inrē, tömarô-òl kui chūök chamônga.

HAPAKŪK 3:1

Vinë-eṅkūötēv ṙô ök pròfĕt Hapakūk, tösa ëlö Sikiōnòt.

Salmai 75:10

Ṙòkhöre nup sinrōl yip tötlöök inrē min nö röki tö chu: hachohlöng pöri min nup sinrōl yip tölöök.

Salmai 71:8

Tööḵlö elvāng chin min tö nöinyö Meh: hol tö ngam ineū-euṅ Meh inrē, öt hĕng hang sumkam.

INMEUKHÖMAT 18:20

Ha-öinyngövah ò, me-eṅ halīöngö, yī-ö inrē töhet, yī-ö tanīnöṙô, yī-ö pròfĕt inrē; pò ngam Tēv nö kahòklö kui yīö nö in ò.

T. LŪKÖS 1:69

Hachohlö tö kalēḵ An inyööken hī i vē kūön ngam kūön ò, Tāvit;

NAHIMIĀ 11:17

Mataniyā inrē ök kikōnyö kūön Maika, kikōnyö kūön Sapti, kikōnyö kūön Asaf, ök yöngṙen kamaknyörit nöönyö i invë-a, Papūkiyā inrē, ök innëtö in yik hanöng kisānö ò; Atta inrē ök kikōnyö kūön Samū-a, kikōnyö kūön Kalal, kikōnyö kūön Yētutun.

I. CHÖNGÖ 33:17

Nup lanòh köny nuā ò, ineūeu ò; tö nup sinrōl ò sinrōl öp aṅ el inchōn kōiny nuā inrē: Aṅtīten tö anga-aṅ min nö kuköhngö yip tarik nö ṙòk- höre söl i manā-ang kūö ngam tumlat: ngaich cha-a nö söm köiny aṅ Ifrēm, köinyu inrē acha-a aṅ Manasē.

NGAM LĪPÖRE YŌP 16:15

Chōktö sāk chin i uk alahare, ṙātö ngam kumlēḵre inrē el tumlat.

Salmai 148:14

Ngaich Anga-aṅ nö hachohlö ap sinrōl yip tarik re, nö nöinyö aṅ i yip töhet nö ṙòkhöre: vē kūön Israĕl, vē tarik tö röhta nö in Ò. Ha-öiny ngam Mā Tēv yin.

1 SAMUĔL 1:6

Halôpnyö kumnyahlōn ò ngaich ök Kamsālan, pòn hōten ò nö līplölōn, pò ngam Mā Tēv nö löpngökūö chūök kanūönö ò.

1 SAMUĔL 1:7

Kaheuk samyeūheu anga-aṅ nö ngatī, hē Hëna nö chuh el patī ngam Mā Tēv, ngaich ngatī Pënīnah nö halīplölōn ò; lökten ò nö peuiny, öt nyā inrē.

2 KINṘÖTNGÖ 20:27

Havantöre cha-a ngaich, ṙòkhöre tarik aṅ Yūtā Yērusalem inrē, lā-urĕh cha ang Yēhōsafāt, holtö ṙanāmölōn re nö havan nö i Yērusalem, pòn vītuṙen tö ngam Mā Tēv nö ṙāmölōn nö in yik lā-al cha.

Salmai 21:2

Ngaich man kē-ĕkūö ò tö nup lōn ò: öt ma-inngö nup havëkö minë minuh ò. 1

Salmai 89:18

Pò ngam lanaklö ih nö aṅ im Mā Tēv: ngam töhet aṅ in Israĕl inrē nö Rācha ih.