1 SAMUĔL 15:3 - TÖHET LĪPÖRE (Re-edited) Bible (BSI)

³ Kiröönngöre man kuṙòh töngamuh kiyūngö Amelek, ahatngö tīre piyāingö nup taṙòkhöre in cha, un aṙēlöng cha-a inrē; hĕnghöre fëlngö kikōnyö kikānö pöri inrē, tënö nyīö töṙòngmö pōḵ inrē kōiny nuā, sīṅp inrē, ūṅt köttö inrē.

1 SAMUĔL 15:3 Referans Kwoze

KINṘEŪKÖ 24:20

Ngaich hatīöntö kui Amelek, ngaich kēḵ inchōḵoṙô re, nö ngö ṙô, Ranehlö pumnāmö tarik an Amelek; Ngaich pöri öp manāḵngen ò min nö pinyaingö.

1 SAMUĔL 22:19

Keuheūtngöre vah tī anga-aṅ nö aṅtī tö tachôi fël nö fëlngö yik kūönṙô ik elpanam Nòp, hĕnghöre kikōnyö kikānö, nyīö töṙòngmö pōḵ inrē, kōiny nuā, köttö, sīṅp inrē, nö aṅtī tö tachôi fël.

KINṘEŪKÖ 31:17

Lökten kumpah yik kikōnyö in yip kun nyīö, kumpah yip kikānö inrē yip tö ngaich nö akahakūö tö kikōnyö nö töngaich nö hulalhaka nö in ò.

MANEUTNYI 20:5

Um sōntö kūöre in u, uh rēhĕn lök la-en u; tön Mā Tēv Chin Chū-ö Tēv meh öich Tēv tölamīn, chöhkö tötṙong chin tī yip yöng, i kui yip nyīö, i kui yip linūöyö ane inrē finënö tumkölchap cha yip tösumrīk tö chu;

Ranehlö 36:12

Timnā ök hayōmken Elifas kikānö, ök kikōnyö kūön Isô; ngaich kayôḵnyö kūön Elifas angā-aṅ tö Amālek: achā-a yin vē kikōnyö kūön Āta ök pīhö Isô.

MANEUTNYI 17:14

Ngaich ngö ṙô ngam Mā Tēv tö Môsös, Kūchö e i mat līpöre nö inköpkölōn, ahangnyö e inrē elnang Yôsuā: tö Chu min ahetngö inköpkölōn tö Amelek nö sīchi el katòh ngam halīöngö.

1 SAMUĔL 14:48

Öt pinhë-eṅvkūö anga-aṅ inrē, ngaich kiyung yik aṅ Amelek, ṙānyen yik Israĕl inrē nö ṙā-ang eltī cha yik mahayëngen cha.

1 SAMUĔL 15:9

Aṙēlöng pöri Ākak tö Sôl tö yik tarik inrē, tö nup tökôlò sīṅp, kōiny nuā inrē tö nuk tö-alahavö, kūön sīṅp inrē ṙòkhöre inrē nup töng kôlò, sōḵ cha-a nö ahatngö tīre nö halëlngö u: höng nuk tötkôlò tösō-ov inrē anū-ö halëlngö cha nö ahāti.

1 SAMUĔL 15:18

Tīnngen meh ngaich ngam Mā Tēv ik töhĕng kinröönngö, nö ngö ṙô, Kuṙòh halëlngö yip tököölö fālen aṅ Amelek ahatngen cha, kiyūngö cha inrē hanöng saha cha nö keuheūtngöre vah.

1 SAMUĔL 27:9

Ngaich Tāvit nö fëlngö yik aṅ ngam panam, öt rēhĕn nö hayöölen kikōnyö nö aṅ öt rēhĕn kikānö, kēngö nup sīṅp inrē tö nuk kōiny nuā, köttö, ūṅt; hilā inrē: havan ngaich anga-aṅ, ngaich yih nö in Akis.

1 SAMUĔL 30:17

Fëlö cha ngaich Tāvit löktökūö ngam piṙūöi söl harap ngam tahëng sakāmö: ngaich öt hĕng hang tak töt kô-òngvah tarik aṅ in cha, höng yik töfënòng ṙāl tarik, yik mi-i-uk ūṅt nö falngöre.

2 SAMUĔL 1:8

Ngö ṙô, ngaich anga-aṅ tö chu, Achīö meh? Ngö ṙô chū-ö ngaich sap ṙô ò, Aṅ Amelek chin.

YÔSUĀ 10:39

Kē-ĕ e ngaich anga-aṅ, tök rācha e, tö nuk el panam e inrē; aṅtī tö kūö sanët cha-a inrē nö fangngen cha, keuheūtngöre vah tī tö yik tö unhômu ël e; öt hĕng tit tak ṙahāti anga-aṅ tö tö-ōtre; sā tī ò tö Hepròn, ngati tī anga-aṅ tö Tēpir, tök rācha e inrē; sā tī ò inrē tö Lipnā, tök rācha e inrē.