1 SAMUĔL 13:9 - TÖHET LĪPÖRE (Re-edited) Bible (BSI)

⁹ Ngaich ngö ṙô ang Sôl, Kētö ap töföngö tökētu in chu, tap tökētu inlāmö inrē. Kētö ap töföngö tökētu ngaich anga-aṅ.

1 SAMUĔL 13:9 Referans Kwoze

1 RĀCHA 3:4

Ngaich chuh Kīpiön ök rācha nö kētö tökētu nö umuh; pòn angū-ö tömarô-òl kui rung: hĕng köṅny nuk töföngö tökētu tī Sòlòmön nö el ök tahāklö.

I. CHÖNGÖ 12:6

Kētö nup töföngö min yī-ö in e, nup tökētu tö yīö inrē nup töhĕng i tösöm tī yīö inrē, nup töhatāilöng tökētu aṅ eltī yīö, nup tö chūöku kinlēḵngô yīö inrē, nup kanahanglōn yīö tökētu, tö nup lanòh sīṅp yīö nuā yīö inrē:

Isayā 66:3

Ngòh ṙamatnyö likeun nuā sā ò an ngam famëlngö tarik; ngam kamëtö kūön sīṅp tökētu sā ò an ngam lumreukngö likeun am; ngòh kamëtö sāiny nö tökētu, sā ò an ngam kamëtö mahām ha-un, ngam kamëtö tötahūsa inköpkölōn tökētu, sā ò an ngam mahakôlò insātēv. Atöllö talöököre yin cha-a, kumchikngö ellōnre inrē, nö i sin-òkkūö;

INCHŌḴ-OṘÔ 21:27

Sin-òṅkkūö an ngam tökētu tö ngam tötlöök; höichngen yē ò nö kētö e nö holtö tötlöök lōn re.

INCHŌḴ-OṘÔ 21:3

Tölöök vahīṙen öt michūḵṙen kinṙôka inrē mötlö hinô-òṅ tö ngam Mā Tēv tö tökētu.

INCHŌḴ-OṘÔ 20:22

Un ngö ṙô, Tī tö tötlöök chin min havāhal; hökkö ngam Mā Tēv, holṙen meh min anga-aṅ.

INCHŌḴ-OṘÔ 15:8

Sin-òkkūö ngam Mā Tēv në tökētu tötlöök, kumchiklōn ò pöri ngam invë-a tö töchiplö.

Salmai 37:7

Chēvtöcheich im Mā Tēv, ha-möiyöre inrē, hökken ò: um hakihtenre tökūö ò ngam tökôlò nö el talöököre, kūö ngam tarik inrē töteungtö tī tö nup tötlöök halēnlöre.

2 SAMUĔL 24:25

In e tī ngaich Tāvit nö vīlö tahāklö ngam Mā Tēv ngaich kētö töföngö tökētu, kētu tökētu kui ngam panam nö im Mā Tēv, asökiröön ngaich ngam invah tölëlngökūö nö ṙā-ang in Israĕl.

1 SAMUĔL 14:18

Ngö ṙô ngaich Sôl tö Ahīchā, Kētö ap kasòng ngam Tēv ihih. Pò ök kasòng ngam Tēv nö umuh hē e in yik kūön Israĕl.

I. CHÖNGÖ 12:5

Ip Chūökö pöri öp katöllö ngam Tēv, ngam Mā Tēv yīö aṅ i yip miyöngö yīö ṙòkhöre nö chūök minë-eny ò, chöh öp elyöngö ò yī-ö; ngaich in e min yī-ö yihtöre: