1 SAMUĔL 13:7 - TÖHET LĪPÖRE (Re-edited) Bible (BSI)

⁷ Ngaich rīkre yik Hīprū mahavāngngöre tö Yôtön i panam Kāt Kilīöt inrē; ṙòngmöng i Kilkāl pöri ang Sôl, kichëyöre yik tarik nö ṙòkhöre nö tömrit ò.

1 SAMUĔL 13:7 Referans Kwoze

KAMHÔKA 7:3

Lökten yĕh kuṙòh, ahangnyö el nang yip tarik, ngö ṙô, Öp töpa-ekūö tötarūka alaha inrē, hökngen ò nö havanritrenö kiröönngöre nö ṙāngö kui ngam rôngö Kilīöt. Ngaich nët anāi nët köny yik umuh tarik mahavanritre; söm köny yik umuh tö ōtre.

I. CHÖNGÖ 28:25

Vīten meh an ngam Mā Tēv min ötkô tö yip lā-alre: hēngö talöökö më-eṅ kunyi-inyre lā-al cha, ngaich sātö talöökö falngöre ṙā-ang i kūö cha; ngaich më-eṅ min höng kavalka i në pūlngö ngih tumlat.

I. CHÖNGÖ 20:8

Vë-ekūö yip tarik yip yöngṙen kumyung nö ṙūönyôre, ngö ṙô cha-a min, Chiāp tarik umuh öp tö pa-ekūö töt kalē-ĕ ellōn inrē? hökngen ò kuṙòh nö havan patīre, hòṅ ap mak alaha ò nö öt paṙööyi ellōn.

I. CHÖNGÖ 3:12

Ngaich kē-ĕ ngih panam tö īh hē e nö amin īh: löktökūö Arō-ër, ök ranghö achāṙö Arnòn, ròngtī inrē ök rung panam Kilīöt, nup elpanam umuh inrē kētu tö chu nö in yip Rūpön in yip Kāt inrē:

LA-EN LĒVĪ 26:17

Havööngökūöre Chin min tö yīö, ngaich yī-ö min ötkô i kūö yip lā-alre: hayöngö yīö; ngaich yī-ö min höng pāngö yĕi pòrô ötlūḵu.

1 SAMUĔL 13:8

Sat sumkam anga-aṅ nö höka sā ngam ṙētak halēnngen Samu-ĕl, öt yih pöri Samu-ĕl nö i Kilkāl; kö parātṙen ngaich yik tarik nö ṙā-ang in ò.

YÔSUĀ 13:8

Hol ò yip aṅ in Rūpön aṅ in Kāt inrē nö ngaich nö teūngen tö-aminre, nup kahëtö Môsös nö in cha, lāmuh tö Yôtön lā chuhöt, höng sātī Môsös ök tarik ngam Mā Tēv nö kē-ĕkūö cha;

YÔSUĀ 13:11

Kilīöt inrē, öp kūöngö Kessūr inrē tö Mākah inrē, keuheūtlöre öp rôngö Hörmòn, keuheūtlöre inrē Pasān, söl Salëka;

1 SAMUĔL 17:11

Ngaich hē Sôl tö yik aṅ Israĕl inrē nö ṙòkhöre nö hang në ṙô ök Filistain öt ōtre kumlēḵ cha-a ngaich, kiröngö pinhe-eṅkūö inrē.

1 SAMUĔL 31:7

Ngaich hē yik tarik aṅ Israĕl yik mi-ikui ök achāṙö tahëng lā, yik lāmuh tö Yôtön inrē, nö meuk yik Israĕl nö falngöre, tö Sôl inrē tö yik kikōnyö kūön ò inrē nö kapah, ṙāngö nuk elpanamre cha-a ngaich, ngaich falngöre; ngaich yik Filistain nö yihtöre ngaich iyöng ël u.