1 SAMUĔL 13:6 - TÖHET LĪPÖRE (Re-edited) Bible (BSI)

⁶ Hē yik tarik Israĕl nö meuk kanihngen re, (pò yik tarik nö kihten,) lökten yik tarik nö hayunngöre el kinluhu el töyul, el ihong, el tömëngö, el chūök tit mak inrē.

1 SAMUĔL 13:6 Referans Kwoze

KAMHÔKA 6:2

Mihôiṅ tī ngaich yik aṅ Mītīa nö lā-al Israĕl: ngaich kūö yik aṅ Mītīa yik kūön Israĕl nö vī chūökre tö kinluhu nö i nuk rôngö, tökiröng nuk töngëḵ inrē chūökö.

HEPRĀI 11:38

Cha-a tö sōḵovö töng panam, karööna nö el tönyaṅlnyi, i kui rôngö inrē, el kinluhu, el në ṙeūvö ngih panam inrē.

FILIPĪ 1:23

El ngam töcheūkti chin i hôi minë tö nët, hòṅ lōnu tö ngināichö ngaich in Kristū; pò e angū-ö nö tö saṙaklöng anehten:

Isayā 42:22

Tarik pöri vē tö-ulāyiṙen tökīlö inlānen inrē, ṙòkngöre vah yin nö tingöpö nö el nup anūlö hayūni inrē nö el kinlongngö tarik; pôḵ yin nö töt hĕng tak ṙamānyi, pôḵ yin nö öt hĕng tak tö ngö ṙô, Havan tö e.

2 SAMUĔL 24:14

Ngaich ngö ṙô Tāvit tö Kāt, El tökihngen chin: hökngen hī yēḵ fuk eltī ngam Tēv; sā nup neūkölōn ò nö töpōyen; uh chin yēḵ inrē fukngö eltī tarik.

1 SAMUĔL 24:3

Ngaich sölta anga-aṅ nö ik kinlōngö sīṅp el talöökö, chūök ök töhĕng kinluhu; kuhēthötre ngaich Sôl nö ël e nö kahumngö kunröönre. Ngaich pöri Tāvit tö yik tarik ò inrē nö lātuhēt takô nö el ngam kinluhu.

1 SAMUĔL 23:19

Yih ngaich yik aṅ Sif nö in Sôl nö i Kīpiā, ngaich ngö ṙô, Röh öp kan Tāvit nö hayunngöre nö el nup töngëṅ kinluhu el inchōn, ip rung Hakīlā öp lā lòhngö tö ngam Tönyalyi?

1 SAMUĔL 14:11

Nëtre taka cha-a ngaich nö hameuktöre nö ik chūök kumyung yik aṅ Filistain: ngö ṙô ngaich yik Filistian, Yĕh meuk, meutlö yin vē Hīprū nö löklö ël nup tömëngö i chūök cha nö hayunngöre.

KAMHÔKA 20:41

Havöölökūöre ngaich yik tarik Israĕl, pingangkūö ngaich yik tarik Penyamin: pò cha nö ngaich nö meuk ngam tötlöök yamih nö i kui cha.

KAMHÔKA 10:9

Ngaich yik kūön Amön nö havāngngöre tö Yôtön nö kiyūngö Yūtā inrē, lā-al Penyamin, lā-al patī Ifrēm inrē; lökten Israĕl nö pōyen kanihngen.

YÔSUĀ 8:20

Ngaich hē yik tarik aṅ Ai nö tēk ukre, meuk cha-a ngaich, yĕh meuk, yônlö nuk lul ngam elpanam nö el halīöngö, ngaich cha-a nö öt kumlē-ĕvö nö falngöre nö lök ihī-a hēk umū-aṅ: ngaich yik tarik famalngöre nö el tönyalnyi nö havöö yik lamū-ure.

1 SAMUĔL 7:7

Hē yik Filistain nö hang yik kūön Israĕl nö hamūlöre nö i Mispah, kiröönngöre ngaich yik mā aṅ Filistain nö lā-al Israĕl. Hē yik kūön Israĕl nö hāngö e, pa-ekūö cha-a ngaich tö yik Filistain.

1 SAMUĔL 13:15

Choholre ngaich Samu-ĕl, ngaich ṙeū-eung Kilkāl nö chuh Kīpiā i Penyamin. Kaheuk yik tarik ngaich ang Sôl mi-in ò, tafūölòng yik tarik.

1 SAMUĔL 14:22

Ngatī inrē yik tarik Israĕl yik mahayunngöre nö i rung panam Ifrēm, hē cha nö hang yik Filistain nö falngöre, cha-a inrē töröhlö nö tömkörit cha im kinyūngö.

YERIMIĀ 41:9

Tökiröng ök chūök mak chūök tī Isma-el nö suktö nuk alaha yik tarik yik töfëli tö ò vahī ök rācha ang Asā nö lanakngökūö rācha aṅ Israel ang Pa-asā; hatööḵlöng angū-ö tö yik töfëli tö Isma-el ök kikōnyö kūön Nētaniā.

ISIKĪ-ĔL 33:27

Ngö ṙô tö ngih in cha, Ngö ṙô an ngam Mā Tēv: Sā chu tö-aṅ, kô-òngrit yip mī-im töyëḵngen chūökö min nö fukngö kūö sanët: ngaich anga-aṅ öp më-el kahôiṙen min nö kētu tö chu nö i nup töṙeūlö nö kā-ayö; achā-a inrē yip më-el töngëḵ chūökö më-el kinluhu inrē min nö kapah tökūö invah tölëlngökūö.

1 SAMUĔL 31:7

Ngaich hē yik tarik aṅ Israĕl yik mi-ikui ök achāṙö tahëng lā, yik lāmuh tö Yôtön inrē, nö meuk yik Israĕl nö falngöre, tö Sôl inrē tö yik kikōnyö kūön ò inrē nö kapah, ṙāngö nuk elpanamre cha-a ngaich, ngaich falngöre; ngaich yik Filistain nö yihtöre ngaich iyöng ël u.