1 SAMUĔL 13:5 - TÖHET LĪPÖRE (Re-edited) Bible (BSI)

⁵ Hamūlöre inrē yik aṅ Filistain nö kiyung yik Israĕl, lūöi anāi köṅny inröl yik aṅ Filistain, tafūöl köṅny tö kōravö tarik, sā ṙôken kuyāyö ngam mai, i kuyāyö yik tarik inrē tö ṙôngöre: yih cha-a ngaich, iyöngtöre ngaich nö i Mikmas, lā chuhöt tö Pĕtaven.

1 SAMUĔL 13:5 Referans Kwoze

1 SAMUĔL 14:23

Ngatī ngam Mā Tēv nö hayööken Israĕl ik sakāmö angū-ö: vāngngö ngaich ngam kinyūngö nö lök Pĕtaven.

YÔSUĀ 11:4

Kunyī-inyre ngaich, ṙòkhöre inrē yik kumyung in cha, pōyen tarik, höng sā kuyāyö i kuö mai tö ṙôkenre, nö kōravö inröluvö inrē nö pōyen.

YÔSUĀ 18:12

Ngaich ök kūöngö cha nö lā kapā löktökūö Yôtön; ngam kūöngö inrē löklö kaha Yerikō nö lā kapā ngaich löklö ip rung panam lā sūng; ngaich ngam löknyö e nö ip tönyalnyi i Petaven.

HŌSĪ 10:5

Pa-ekūö yip min aṅ Samariā tö nup kun nuā i Pĕtaven: pò yip tarik umuh min nö haṙivhen ò, yip kūönṙô inrē umuh tö ṙāmölōn nö in ò, pò ò nö kiröönngöre nö ṙā-ang in ò.

HŌSĪ 5:8

Föönyö kūö ngam kòrnet yin i Kīpiā, ngam römpĕt inrē i Rāma: ahangnyö pinhe-eṅkūö i Pĕtavaen; la unôich meh Ō Penyamin.

HŌSĪ 4:15

Pòrô më-eṅ Israel, öm inyihköre, uh pöri Yūta nö fālūṙen; un yih nö i Kilkāl, un rēhĕn nö peūlöre nö i Pĕtaven, un rēhĕn nö chūöku ṙô, sā ngam Mā Tēv nö tö-aṅ,

YERIMIĀ 15:8

Ṙūölöng ṙôngö yip tafiösi cha tö chu nö pōyen tö kuyāyö ngam mai; kētö lā-al yip yöngnyīö chin yöng yip ṙāl tarik tö famëlhanga i ra-nònglö ngam tavūöi; vīten miṙivlōn chin pinhë-eṅkūö inrē nöng löö nö fukkui cha.

Isayā 48:19

Sā kuyāyö öre inrē yip kūön meh, yip lamöknyö in meh inrē nö sā pinhīöyö kuyāyö: öthō öre öp minë-eny ò nö rökiṙen öt rēhĕn nö piyāyi nö i kūö chu.

2 KINṘÖTNGÖ 1:9

Ō Mā Tēv, hökngen ngam kinlēḵngô meh in Tāvit ök yöng chu nö hateūngi töngamuh, tön ngaich man vīlen chu rācha i kui tarik tö sā ṙôken pitung ngih tumlat,

KAMHÔKA 7:12

Ngaich yik aṅ Mītiā tö yik aṅ Amelek inrē ṙòkhöre inrē yik kūön aṅ lā chuhöt nö hulalhaka nö el ngam achāṙö sā ṙôken mufākö tö ṙôngöre: öt kanṙeūken nuk ūṅt cha, sā kuyāyö i kūö mai tö ṙôkenre.

YÔSUĀ 7:2

Ngaich Yôsuā nö tīnngö tarik nö ṙā-ang Yerikō nö chuh Ai öp mi-i Petaven, lā chuhöt tö Pētĕl, ngaich vë-ekūö cha; nö ngö ṙô, Kuṙòh kiröönngöre hayuntö matre töm panam. Ngaich yik tarik nö kiröönngöre nö ulāitö matre tö Ai.

Ranehlö 22:17

Im inkôlò Chin hakôlò meh, i ṙinūöhöl ṙôken Chin öich ṙūölö ṙôken ngam kūön meh sā taneūsömat ngam halīöngö ane inrē sā kuyāyö ngam kūö mai; hayōm kūö inkūp yip tökunyāha elmat an min ngam kūön meh:

RŌMA 9:27

Ngaich Isayā nö ngö ṙô nö in Israĕl, Yē ṙôken yip kūön Israĕl nö sā kuyāyö ngam mai, höng yip chööḵ min tö hayöökaṙen:

1 SAMUĔL 7:13

Lökten yik Filistain nö ngaich nö tumṙeūtu, öt hēk cha-a inrē nö vānghöt nö el kūöngö panam Israĕl: lā-al yik Filistain inrē ngam kël ngam Mā Tēv i ṙô-òtö nuk sakāmö Samu-ĕl.

1 SAMUĔL 13:2

Lūöi köṅny katöllö ngaich Sôl tö tarik aṅ Israĕl; i yik aṅ in cha nët köṅny yik mi-in Sôl nö i Mikmas i kui ap rung Pētĕl inrē, hĕng köṅny inrē yik in Yônatan in Kipīa yip aṅ Penyamin: tīnngörit yik tarik chööḵṙen anga-aṅ nö kö el rūkuire.

1 SAMUĔL 13:11

Ngö ṙô ngaich Samuĕl. Suāp taheui la-en meh? Ngö ṙô ngaich ang Sôl, Kūöre chin meuk vē tarik nö parāti nö ṙā-ang in chu, ngaich rö-ö më-eṅ yih i nuk sakāmö töhalēni, hamūlöre inrē yip Filistain nö i Mikmas;

1 SAMUĔL 17:1

Ik hē e yik Filistain nö hamūl yik kumyungre nö kiyung, hamūlöre cha-a ngaich nö i Sōkō öp panam Yūtā, iyöngtöre ngaich nö ihôi Sōkō tö Asëka, i Efestamim.

2 SAMUĔL 17:11

Halēnö meh pöri chū-ö öm hamūl yip aṅ Israĕl nö in meh, löktökūö Tën söl i Pīrsīpā, öi sā ṙôken kuyāyö i kūö mai tö ṙô ngöre; hakôtenre inrē më-eṅ kiyung.

1 RĀCHA 20:27

Hamūlöre ngaich yik kūön Israĕl, halēnö nyā-aṅkūö inrē, kiröönngöre ngaich nö lā-al cha: iyöngtöre ngaich yik kūön Israĕl nö lā kūö cha nöng sā tö nët kiteūm kun pököre; tööḵlö pöri ngam panam tö yik aṅ Sīriā.

Isayā 10:28

Kiröönngöre ök, ngaich tölngö Rimmòn, yih anga-aṅ nö i Ayat, lökngö Mikrōn anga-aṅ; afônglö nup inṙung chehen re anga-aṅ nö i Mikmës.

1 SAMUĔL 14:52

Irô-òtö nuk sakāmö Sôl ök yöng kinyūngö lā-al Filistain: ngaich hē Sôl nö meuk tökalēk tarik, hēk tarik tötpa-ekūö kē an ngaich anga-aṅ nö in ò.