1 SAMUĔL 13:2 - TÖHET LĪPÖRE (Re-edited) Bible (BSI)

² Lūöi köṅny katöllö ngaich Sôl tö tarik aṅ Israĕl; i yik aṅ in cha nët köṅny yik mi-in Sôl nö i Mikmas i kui ap rung Pētĕl inrē, hĕng köṅny inrē yik in Yônatan in Kipīa yip aṅ Penyamin: tīnngörit yik tarik chööḵṙen anga-aṅ nö kö el rūkuire.

1 SAMUĔL 13:2 Referans Kwoze

1 SAMUĔL 10:26

Chuh patīre inrē Sôl i Kīpīa; hōluröön anga-aṅ nö kiröönngöre tö yik kumyung, yik tölūölka ellōn tö ngam Mā Tēv.

1 SAMUĔL 14:31

Löktökūö Mikmas cha-a söl Aichalōn nö kiyung yik Filistain im sakāmö angū-ö: pōihangṙen yik tarik nö takngö.

1 SAMUĔL 13:5

Hamūlöre inrē yik aṅ Filistain nö kiyung yik Israĕl, lūöi anāi köṅny inröl yik aṅ Filistain, tafūöl köṅny tö kōravö tarik, sā ṙôken kuyāyö ngam mai, i kuyāyö yik tarik inrē tö ṙôngöre: yih cha-a ngaich, iyöngtöre ngaich nö i Mikmas, lā chuhöt tö Pĕtaven.

1 SAMUĔL 13:23

Ngaich yik kumyung aṅ Filistain nö kunyī-inyre nö el talöökö Mikmas.

2 SAMUĔL 21:6

Hökngen yip tösat tak yēḵ kūön ò kikōnyö nö kētu nö in ih, hòṅ ih kiseutngen cha im Mā Tēv, i Kipiā ap amin Sôl, ök katöllö ngam Mā Tēv. Ngaich ök rācha nö ngö ṙô, Kēten cha chin min ngaich.

1 SAMUĔL 15:34

Chuh Rāma ngaich Samu-ĕl; chuh patīre inrē Sôl nö i Kīpīa öp panam Sôl.

1 SAMUĔL 14:52

Irô-òtö nuk sakāmö Sôl ök yöng kinyūngö lā-al Filistain: ngaich hē Sôl nö meuk tökalēk tarik, hēk tarik tötpa-ekūö kē an ngaich anga-aṅ nö in ò.

1 SAMUĔL 14:5

Kööilö ök linrākö lā kapā nö lākūö Mikmas, lā kūö Kēpā inrē ök tahëng nö lòhngö.

1 SAMUĔL 8:11

Ngö ṙô anga-aṅ, Ngih ön yih min inlahen öp rācha öp mahayöngö yīö min: kē yip kūön yīö ap min kikōnyö, ngaich vīlen cha nö in ò, nö yōm inröl ò, mi-i-uk kōra ò inrē; ngaich cha-a min nö fal urēhĕkūö nup inröl ò:

KAMHÔKA 19:12

Ngaich ngö ṙô ök yöng ò tö ò, Hö-ö in hòṅ kāntöre elpanam aṅ tahëng, öp töt elpanam kūön Israĕl; havāngngöre pöri ayī-ö i Kīpiā.

YÔSUĀ 18:28

Sēlā, Ha-elef, Yepus (angū-ö an Yērusalem), Kīpīā, Kiriātyēarim inrē; fën sīön nup elpanam holre tö nup tuhēt u. Angū-ö ön amin yik kūön Penyamin sā mupīhö cha.

1 SAMUĔL 10:5

Ngaich yihtöre min më-eṅ im rung ngam Tēv unôichrit e, ip chūök yip kumyung aṅ Filistain: ngaich, yē meh sölta umuh im elpanam, ngaich më-eṅ min meuk kūö yip pròfĕt töhĕng kiteum pameūtöre nö ṙā-ang ip tömarô-òl chūök chūökö nö kumtö tö-inröötu ranöng, timpröl, fanöö, hāp, nö urēhĕkūö cha; ngaich cha-a min nö vë-eny yanīhih mu-unôich:

1 SAMUĔL 13:1

Lūöi anāi samyeūheu ṙēti ang Sôl hē ranehten ò nö hayöng; nët samyeūheu anga-aṅ nö hayöng i kui Israĕl.

1 SAMUĔL 13:11

Ngö ṙô ngaich Samuĕl. Suāp taheui la-en meh? Ngö ṙô ngaich ang Sôl, Kūöre chin meuk vē tarik nö parāti nö ṙā-ang in chu, ngaich rö-ö më-eṅ yih i nuk sakāmö töhalēni, hamūlöre inrē yip Filistain nö i Mikmas;

1 SAMUĔL 13:15

Choholre ngaich Samu-ĕl, ngaich ṙeū-eung Kilkāl nö chuh Kīpiā i Penyamin. Kaheuk yik tarik ngaich ang Sôl mi-in ò, tafūölòng yik tarik.

1 SAMUĔL 13:16

Höngngöh nö i Kēpa i Penyamin ang Sôl, Yônatan inrē ök kikōnyö kūön ò, tö yik tarik mi-in cha: iyöng Mikmas pöri yik Filistain.

1 SAMUĔL 26:2

Choholre ngaich Sôl ngaich chuh el inchōn nö i Sif, lūöi köṅny yik tökatöllöng tarik Israĕl hol ò, nö chöhö Tāvit nö el inchōnngö Sif.

2 SAMUĔL 20:1

Ngaich hĕng tak ök umuh tarik sāṙen, ök töminënyu tö Sepā kikōnyö kūön Pikrī, aṅ Penyamin; föönyö kūö ök fanöö anga-aṅ, nö ngö ṙô, Öt minchöḵövö in īhö in Tāvit, Öt rēhĕn öi amīnu im kikōnyö kūön Yēsī: Ō Israĕl, kö chuh el inrūkui re yin.

YÔSUĀ 22:6

Hakôlò cha ngaich Yôsuā, ngaich tīnngö rit cha: ngaich chuh el rūkuire cha-a.

1 SAMUĔL 24:3

Ngaich sölta anga-aṅ nö ik kinlōngö sīṅp el talöökö, chūök ök töhĕng kinluhu; kuhēthötre ngaich Sôl nö ël e nö kahumngö kunröönre. Ngaich pöri Tāvit tö yik tarik ò inrē nö lātuhēt takô nö el ngam kinluhu.

2 SAMUĔL 23:29

Helep ök kikōnyö kūön Pēanah aṅ Netōfah, Ittāi ök kikōnyö kūön Rīpāi aṅ Kipiā aṅ i kūön Penyamin;

ESRĀ 2:27

Tarik aṅ Mikmas, hēngòng nët anāi nët.

NAHIMIĀ 11:31

Yik tarik Penyamin inrē nö iyöng löktökūö Kīpā söl umū-aṅ, i Mikmās, Ayā, Pētĕl i nup tuhēt e inrē,