1 SAMUĔL 12:3 - TÖHET LĪPÖRE (Re-edited) Bible (BSI)

³ Ihih chin yih: vë-eny fālen chu yin yĕh i kūö ngam Mā Tēv, i kūö ngam hacham elkui ò inrē. Chiāp tökē-ĕ nuā tö chu? Hēk chiāp tökē-ĕ köttö tö chu? Hēk achīö töhachīlö tö chu? Achīö töhakihtuṙen tö chu? Hēk el tī chīö öich kētö tö-ulāitu raneushö nö tinlupngö kūö në mat chu nö in ò? Ngaich kô-òren chū-ö havan tö e in yīö.

1 SAMUĔL 12:3 Referans Kwoze

INLAHEN 20:33

Öt yikngö rupīö holre chin, humlum, hilā inrē.

KINṘEŪKÖ 16:15

Ngaich ang Môsös nö līn, ngaich ngö ṙô tö ngam Mā Tēv, Uh man hōḵ tö nup tökētu tö cha: öt hĕng nòng kahë chin tö köttö in cha, ötrēhĕn öich hĕng tak hachök tö cha.

1 PĪTÖR 5:2

Haṙūötken minë pököre ngam Tēv, minë in yīö: harūnöre meukkö u, öt hanlīpö, kanahang lōn pöri, sā ngam Tēv pöri, un rēhĕn nö kūö taneūngen tö yô-òv, töhōḵ pöri nö lōn:

1 SAMUĔL 24:6

Ngaich ngö ṙô anga-aṅ tö yik tarik re, Sōtu chin ngatī tī tö ngam Mā Tēv im mā chu ngam töhachāmö kui tö ngam Mā Tēv, öich hanyāknyö kël re lā-al ò, pò ò nö töhachāmö kui tö ngam Mā Tēv.

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

1 TÖSALÒNIKĒ 2:10

Yī-ö yin, ngam Tēv inrē, mameuk hanëtö, lanöökö, tötvanëken inlaha ih in yīö öi ṙamātö ellōnre:

1 SAMUĔL 12:5

Ngaich ngö ṙô anga-aṅ tö cha, Ngam Mā Tēv an mameuk lālô yīö, ngam hacham elkui ò inrē mameuk i ngih sakāmö, tö yīö öt kanôtukūö tö yô-òv eltī chu. Ngaich cha-a nö ngö ṙô, Anga-aṅ An mameuk.

1 SAMUĔL 10:1

Ngaich Samu-ĕl nö kē ök pilön tavī-ī, ṙöstö e ngaich nö i kui ò, hāmkūö ò ngaich, nö ngö ṙô, Röh öng angū-ö nö inchamkui meh tö ngam Mā Tēv öm hōtu rācha i kui vē amin ò?

MANEUTNYI 23:8

Um kēḵ raneushöre: pò ngih raneushö nö tilupngömat cha yip tömaneūkūvö, ngaich hachōichngö nup ṙô tölöök.

1 TÖSALÒNIKĒ 2:5

Sā inkahngen yīö, pò ih öt hēṙu kôti, ṙô tö inrōyö, ötrēhĕn nö innyatngö yinikhanga, ngam Tēv an mameuk;

MANEUTNYI 20:17

Uh man yikngö patī holre, uh man yikngö pīhö holre, un rēhĕn öp tarik ò kikōnyö, un rēhĕn öp tarik ò kikānö, un rēhĕn öp köttö ò, un rēhĕn nup töng chëhen öp hol meh.

T. LŪKÖS 19:8

Söklöre ngaich Sakkīös, ngaich ngö ṙô tö ngam Mā. Yĕh meuk, Mā; ròngti tī chin kē-ĕkūö yāich tö kanôlòre; ngaich yē chu chōchen i tarik, havantu angū-ö nö fënö ṙënngen.

T. MËTIV 22:21

Ngaich ngö ṙô cha-a tö Ò, Insā-a Kaisör. Ngaich ngö ṙô Anga-aṅ tö cha, Kē-ĕkūö Kaisör, tö nup aṅ in Kaisör, kē-ĕkūö ngam Tēv, tö nup aṅ im Tēv.

LA-EN LĒVĪ 6:4

Ngaich angū-ö min, yē ò nö köölö fālen, ane inrē fāluṙen, ngaich anga-aṅ min nö havan tö öp ulāingöre; hēk taneūngen ò nö lökten i inkihten, hēk öp tökētu hayōmken ò, hēk öp töchatngen ahūlen ò,

MANEUTNYI 22:4

Yē ngam tö-ulāyi nö nuā ang, hēk köttö, hēk sīṅp; nët nòng tī min anga-aṅ.

2 KÒRIN 12:14

Yĕh meuk, linūöi tum heuh lanënen chu ön ngih hòṅ yih in yīö; ngaich hö-ö chu-ö hòṅ lumnganö yīö pò chu öt chöh nup in yīö, tön yī-ö: pò vē nyīö nö öt cha-a mameukṙen yöngre, tön vē yöng mameukṙen vē nyīö.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

1 SAMUĔL 12:4

Ngaich ngö ṙô cha-a, Hö-ö man hachīlö ih, öt rēhĕn hakihten ih, öt rēhĕn öm kahë-evö tö yô-òv eltī tarik.

INCHŌḴ-OṘÔ 15:27

Ngòh töyal tö tötlöök taneūngen, vī kanihngen nö i patī re, aṅ pöri min ngòh tö sōḵ tö ṙāi minyôiny-aṅ.

LA-EN LĒVĪ 6:5

Hēk öp töchatngen ahūlen ò, nö minyôiny-aṅ; hateung ṙôken e min anga-aṅ nö havantö e, Ṙūötö ṙôken öp tinneui lā e min anga-aṅ inrē; ngaich kē-ĕkūö ò min anga-aṅ tö e öp töchëhevṙen, ip sakāmö hē ò nö kôti nö fāluṙen.

1 SAMUĔL 24:7

Anū-ö ṙô Tāvit nö tahngen yik tarik, öt halöngten cha nö choholre nö lā-al Sôl. Choholre ngaich Sôl nö ṙā-ang el ök kinluhu, ngaich kiröönngöre.

1 SAMUĔL 24:11

Hēk inrē, kayöngö, meuk, hôṅ meuk ngam taseū ngam inyut meh eltī chu: höng kötngö ngam taseū inyut meh öt fëlngen meh, ngaich akahalōn më-eṅ meuk inrē tö chu öt aṅhaṅv eltī tö tötlöök öt rēhĕn tanôichngen, hö-ö chin köölö fālen in meh, pòrô më-eṅ chöh ngih nômö chu öm hòṅ kē-ĕ e.

1 SAMUĔL 26:9

Ngaich ngö ṙô Tāvit tö Apīsāi, Un fëli an: chīö ṙöng öp tökô nö ṙāḵtö tī re nö lā-al ngam töhachāmö kui tö ngam Mā Tēv, ngaich rö-ö nö fāluṙen?

1 SAMUĔL 26:11

Sō-oiṙen chin tö ngam Mā Tēv öich silô tö kël re lā-al ngam töhachāmö kui tö ngam Mā Tēv: vë-ekūö meh chin, öm kē ngam vöi ngam lā kui ò, tö ngam chūök mak inrē, ngaich tā-a töi ngaich kirööngöre.

2 SAMUĔL 22:22

Pò chu köptī tö në talöökö ngam Mā Tēv, öt i öt lanöökö inrē öich ṙāngö ngam Tēv re

NAHIMIĀ 5:11

Havantö nup taṙeū cha yin töngamuh, panô-òṅ vāin cha, panô-òṅ òlīv cha inrē, tö nup patī cha, i tö hēngòng rupīö, sāiny, vāin tavī-i inrē nup töhateūngö kinë-eṅ ṙāi inṙūöngka tö yīö.

Salmai 15:5

Ngòh töt chamaplö rupīöre nö ṙāyu inṙūöngka, öt kē raneushöre inrē nö i töt akahaṙa: Ngòh töngatī la-en tö në, öt hanlöinyken min.