1 SAMUĔL 12:2 - TÖHET LĪPÖRE (Re-edited) Bible (BSI)

² Yĕh meuk, ngaich an ngam rācha töngamuh nö lök i kūö yīö ngaich chū-ö köiny pakū-uvkui inrē; yĕh meuk, in yīö nan minā kūön chu kikōnyö: lök i kūö yīö chin chū-ö ngaich inrē löktökūö ik nyinī-öre söl in töngamuh.

1 SAMUĔL 12:2 Referans Kwoze

1 SAMUĔL 8:5

Ngaich ngö ṙô cha-a tö ò, Yĕh meuk, ngaich man köiny, ngaich minā kūön meh nö öt lök el talöökö meh: vīlö rācha ih man yĕh ngaich töngamuh tö mahayöngö ih sā vē pumnāmö tarik nö ṙòkhöre.

1 SAMUĔL 8:20

Pò ih inrē hòṅ sā yip pumnāmö tarik nö ṙòkhöre; hòṅ öp rācha ih inrē nö kahôkken ih, kiröönngöre inrē nö urēhĕkūö ih, kiyung inrē i nup kinyūngö ih.

1 SAMUĔL 8:1

Ngaich hē Samu-ĕl nö ngaich nö köiny, vīlö nak kūönre ngaich anga-aṅ kikōnyö nö hayöngö Israĕl,

1 SAMUĔL 8:3

Öt lök el talöökö ò pöri nak kūön ò, kānngöre pöri nö i tökôlòtī taneūngen, ngaich kētö tö-ulāitu ṙāire, hachōichngö ngam inkaha fālen inrē.

KINṘEŪKÖ 27:17

Öp mu-urēhĕkūö cha nö kunyī-inyre, öp mu-urēhĕkūö cha inrē nö kuhēthötre, öp kamëhötnen cha inrē; hòṅ vē ṙôngö tarik ngam Mā Tēv nö öt sā sīṅp töt yōmuṙen.

2 PĪTÖR 1:14

Pòich akahalōn tö ṙinòngngö ngih inrūkui, nö veūten yanihih, sā ṙô ngam Mā hī Yēsū Kristu nö hameuktö e nö in chu.

2 TIMÒTĪ 4:6

Tön ngaich chin ha-ehangvah kētu, yih an nö ngaich ngam hēngörit chu.

Salmai 71:18

Hôṅ, yē chu ngaich köṅny, pakū-uvkui inrē, Ō Tēv, uh chin yēḵ ṙā-ai: hanöng saha chu vënyö kumlēḵ Meh in yip tahëng, tumkölchap ngam kumlēḵ Men, in yip mu-unôichngöre yanihih.

1 SAMUĔL 3:16

Havëken Samu-ĕl ngaich Ēli, nö ngö ṙô, Kakūönö, Samu-ĕl, ngaich ngöṙô anga-aṅ, Ihih chīni.

1 SAMUĔL 3:13

Pò chu ngāichö ṙô in ò tö chu min örhēuheu akah fālen öp patī ò, tökūö öp mikahlōn ò tökööl, Pò nap kūön ò kikōnyö nö kētö kuire tö rinūtngövah, ngaich rö-ö anga-aṅ nö tumālö cha.

1 SAMUĔL 2:29

Kūöyòh öi röönngöngam tökētu nö in chu, ngam töhōtu tö chu nö el ngam chūök chu; ngaich me-eṅ milēḵ-ṙen tö nap kūönre nö mötlö tö chu, pò yīö hòṅ vīnyö ṙôkö alahare tö nup yöngkūö nup tökētuvö tö yip tarik Israĕl?

1 SAMUĔL 2:22

Köiny ngaich ang Ēli; hang nup inlahen nak kikōnyö kūönre anga-aṅ nö in yik aṅ Israĕl nö ṙòkhöre, tö inlahen cha inrē nö holtöṙah yik kikānö yik töla-evṙen nö i kūö inkūp ök rūkui manūlö.

1 SAMUĔL 3:10

Yih ngaich ngam Mā Tēv, söktöhëchṙen ngaich, ngaich sāre i nuk tahëng hē nö havëḵa, Samu-ĕl, Samu-ĕl nö ngö. Ngaich ngö ṙô ang Samu-ĕl, Ṙô-òv man yēḵ; tön hangihtörën ngòh tarik meh.

YÔSUĀ 23:1

Ngaich ngö inlahen angū-ö unôichrit töṙōl sumkam, hē ngam Mā Tēv nö kētö haneūheu yik Israĕl nö vinngö tī nö in yik lā-al cha, köiny ngaich ang Yôsuā sööḵlö inrē tö samyeūheu;

YÔSUĀ 23:2

Havëten yik Israĕl ngaich Yôsuā nö ṙòkhöre, yik minṙöinylen cha yik yöngkūö cha inrē, tö yik ma-akah fālen cha mākūö kumyung cha inrē, ngaich ngö ṙô tö cha, Köiny chin ngaich sööḵlö inrē i samyeūheu: