1 SAMUĔL 11:2 - TÖHET LĪPÖRE (Re-edited) Bible (BSI)

² Ngö ṙô ngaich Nāhas tö cha tö aṅ Amön, Ngih ön min tī chu vīten e in yīö, ṙòkhöre nup lāhāmö mat yīö nö piôknyu, ngaich chū-ö min ṙāten e nö minṙēngö in yip Israĕl nö ṙòkhöre.

1 SAMUĔL 11:2 Referans Kwoze

1 SAMUĔL 17:26

Ngö ṙô ngaich Tāvit tö yik tarik töng sökhak nö in ò, Suh ap min mineukṙen ap tarik tökapahatī tö ngòh Filistain nö kēngö ngam minṙēngö nö ṙā-ang in Israĕl, Achīö ṙöng ang ngòh töttunyīnyi Filistain, töhòṅ miṙēngö vē kumyunglö ngam tö-aṅ Tēv?

KINṘEŪKÖ 16:14

Hö-ö man yih rēhĕn kēten ih ip panam töhëmö aṅkūö tö aṅten hönī inrē, ötrēhĕn öm kētö amin ih tö taṙeūḵ panô-òn vāin inrē, hòṅ pëôknyö mat vē tarik ömeh? Hö-ö an hòṅ yihtöre.

Ranehlö 34:14

Ngaich ngöṙô tö cha, Öthalöngten e in nö ngatī, öi kētö kanānöre nö i töt tunyīnyi; pòn sinrōngkūö angū-ö nö in ih:

YERIMIĀ 39:7

Pīôknyö nuk mat Sētikiā anga-aṅ, nyëkan ngaich tö sayōk ngaich kēngen ò nö i Pēpilön.

INCHŌḴ-OṘÔ 12:10

Ngòh tölöök tarik akahakūö tö nômö töṙeūla, öt milēḵ chanökhutī pöri ngam miṙēlōn ngam tötlöök.

2 RĀCHA 18:31

Un hāngö ṙô Hësikiā tön ngö ṙô ap rācha aṅ Asīriā, Halöököre yin in chu, kunyī-inyre in chu inrē; kö nyā-aṅvkūö inrē tö nup vāin yīö, kö nyā-aṅvkūö inrē tö ṙòng nup anychīr yīö, kö òk mak inrē el nup chūök mak yīö;

KAMHÔKA 16:21

Kētö tīre ngaich yik Filistain tö ò, ngaich piòknyö mat ò, ngaich kēten ò cha-a nö i Kāsā, nyëkan inrē tö mās sayōk; ngaich kiṙīöt atra anga-aṅ nö el ök patī inkövö.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

1 SAMUĔL 12:12

Ngaich hē yīö meūkö Nāhas ök rācha yik kūön Amön nö yih nö lā-al yīö, ngö ṙô yī-ö ngaich tö chu, Hö-ö vīlö rācha ih pöri nö mahayöngö ih: yĕn ngam Mā Tēv lang rācha yīö ngam Tēv yīö.

Salmai 44:13

Minṙēngö in ngaich tö tī meh i vē holre: minôn, nāich-ngen inrē in cha yip mahavīlen ih.

1 SAMUĔL 11:10

Lökten yik tarik aṅ Yapes nö ngö ṙô, Huṙöich in kunyī-inyre in yīö, ngaich kahanglōnre yī-ö tö tīre in ih sā öp tölöök lōn yīö.