1 SAMUĔL 10:9 - TÖHET LĪPÖRE (Re-edited) Bible (BSI)

⁹ Ngaich ngö inlahen angū-ö, hē-ò nö hapungtö ukre nö ngaich nö ṙāngen Samu-ĕl, kētö ellōn ò ngaich ngam Tēv tö tahëng: ngaich ṙòkhöre nup minkahngö nö teungtakūö ik sakāmö angū-ö.

1 SAMUĔL 10:9 Referans Kwoze

KAMHÔKA 7:11

Ngaich më-eṅ min hang öp ṙô cha; ngaich kalēḵlöre kël min më-eṅ öm peūtöre im elyöngö. Hōlten Pūrah ngaich anga-aṅ nö peūtöre ök tarik alaha ò nö söl manā-angkūö chūök yik tö-aṅhaṅvtī tarik yik me-ël ök elyöngö.

KAMHÔKA 6:21

Ngaich ök ma-ahānga ngam Mā Tēv nö sōngtörit tinkung re nö eltī ò, ngaich sūöhkö ök alaha tö nuk tötaföhlöng rôti; hūlökūö ngaich ök tameūyö nö löklö kui ök Ihong, ngaich ṙāpngö kūö tök alaha tö nuk tötaföhlöng inrē rôti; ṙā-ang i kūö ò ngaich ök ma-ahānga aṅ im Mā Tēv nö chaṙēviṙen.

T. MĀKÖS 14:16

Kiröönngöre ngaich nak mahaköp, ngaich höng sā ṙô Ò kanôtökūö cha-a.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

ISIKĪ-ĔL 36:26

Ngaich chū-ö min kētö tufömngöre ellōn yīö, tufömgöre inrē ma-alaha ṙahātö chu min lātuhēt in yīö; ngaich chū-ö min ṙā-ang im alaha yīö kēngö ngam ihong ellōn kē-ĕkūö yīö inrē tö alaha ellōn.