1 SAMUĔL 10:6 - TÖHET LĪPÖRE (Re-edited) Bible (BSI)

⁶ Ngaich min ngam ma-alaha aṅ im Mā Tēv nö kalēḵ nö teungtöre nö in meh, ngaich holṙô cha më-eṅ min vë-eny yanīhih mu-unôich, ngaich haṙi-ingre min më-eṅ tahëng öm tarik.

1 SAMUĔL 10:6 Referans Kwoze

1 SAMUĔL 10:10

Ngaich hē cha nö sölta nö ik rung ngaich höngkūö ò yik töhĕng kiteūm pròfĕt; ngaich ngam ma-alaha aṅ im Tēv nö kalēḵ nö teungtöre nö i kui ò, ngaich hol ṙô cha anga-aṅ nö vë-eny yanīhih mu-unôich.

KINṘEŪKÖ 11:25

Ngaich yônti ngam Mā Tēv nö el taṙul, ngaich vë-ekūö ò, ngaich kēngö aṅ ik ma-alaha ök mi in ò ngaich, ngaich kēten ò nö in yik tösat anāi mā: ngaich hē ngam ma-alaha nö i kui cha, ngaich mumkahten cha-a, höng angū-ö pöri tölngö cha.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

KAMHÔKA 14:6

Ngaich ök ma-alaha aṅ im Mā Tēv nö kalēḵ nö teungtöre nö i kui ò, chiṙësan ngaich anga-aṅ nöng sā tīre tö kun pököre, öt aṅhaṅv eltī anga-aṅ inrē: öt vë-eny nang ök kikōnyö yöngre pöri anga-aṅ hēk ök kikānö yöng ò tö tīre.

KAMHÔKA 3:10

Teungtöre ngam fanöinylö ngam Mā Tēv nö i kui ò, ngaich akahfālen Israel anga-aṅ; kiröönngöre inrē anga-aṅ nö kiyung, ngaich ngam mā Tēv nö kēten Kusānrisatēm nö in ò; mihôiṅ anga-aṅ nö lā-al Kusānrisatēm.

T. MËTIV 7:22

Maṙôngö yip min töngö ṙô tö Chu, ip sakāmö angū-ö, ‘Mā Tēv; röh öi īhö mumkahten öi i Minënyö Meh ṙô? Röh öi īhö i Minënyö Meh tī ahōngö sī-ö? ane inrē i Minënyö Meh tī öi la-evṙen tö nup töpōyen minhôiṅyö la-en?

KINṘEŪKÖ 11:17

Ngaich Chū-ö min yônti öich vë-ekūö meh umuh: ngaich Chū-ö min kēngö öp ma alaha ap mi in meh, ngaich kēten ò nö in cha; ngaich cha-a min nö keun lumngan yip tarik nö hol kūö meh, hòṅ meh öt höng hĕngkūö keūnö e.

KINṘEŪKÖ 11:26

Nët tak pöri nak tarik töng ngöh nö ik elyöngö hĕng tak ök tö Ĕltāt minënyi Mĕtāt minënyi ök tahëng: i kui cha inrē ngam ma-alaha; aṅ in yik tökūichlöng nan cha-a, öt yihtöre pöri nö ik rūkui: ngaich cha-a nö ik elyöngö nö mikahten.

KINṘEŪKÖ 11:29

Ngaich ngö ṙô Môsös tö ò, Kunyahalōn öm tö pôkūö chu? Lōn ngam Tēv an öre nö ṙòkhöre vē tarik ngam Mā Tēv nö pròfĕt, hòṅ ngam Mā Tēv nö ṙātö ngam ma-alaha nö i kui cha!

1 SAMUĔL 10:9

Ngaich ngö inlahen angū-ö, hē-ò nö hapungtö ukre nö ngaich nö ṙāngen Samu-ĕl, kētö ellōn ò ngaich ngam Tēv tö tahëng: ngaich ṙòkhöre nup minkahngö nö teungtakūö ik sakāmö angū-ö.

1 SAMUĔL 19:20

Tīnngö chamöha ngaich Sôl nö kē-ĕ Tāvit: ngaich hē cha nö meuk yik tömūl pròfĕt nö mikahaten sökhak inrē Samu-ĕl nö yöngṙen cha, teungtöre ngaich ngam ma-alaha aṅ im Tēv nö in yik chamöha tahīnngö Sôl ngaich cha-a inrē nö mikahaten.

KAMHÔKA 15:14

Hē ò ngaich nö yih nö i Lëhī, hū-a ngaich yik Filistain tö saha cha nö meūkan: kalēḵ ngaich ök ma-alaha aṅ im Mā Tēv nö yih nö in ò, ngaich nuk pisik i kël ò nö vītöre nöng sā ta-īö tö ökngö tökūö tameūyö, ngaich sukngöre nuk nyanëk ò nö ṙā-ang i nuk kël ò.

1 SAMUĔL 11:6

Kalē-ĕ yanīhih ngaich ngam ma-alaha aṅ im Tēv nö in Sôl hē ò nö hang nuk ṙô, hūlökūö ngaich ök tanānyö ò nö kiröng.