1 SAMUĔL 10:5 - TÖHET LĪPÖRE (Re-edited) Bible (BSI)

⁵ Ngaich yihtöre min më-eṅ im rung ngam Tēv unôichrit e, ip chūök yip kumyung aṅ Filistain: ngaich, yē meh sölta umuh im elpanam, ngaich më-eṅ min meuk kūö yip pròfĕt töhĕng kiteum pameūtöre nö ṙā-ang ip tömarô-òl chūök chūökö nö kumtö tö-inröötu ranöng, timpröl, fanöö, hāp, nö urēhĕkūö cha; ngaich cha-a min nö vë-eny yanīhih mu-unôich:

1 SAMUĔL 10:5 Referans Kwoze

2 RĀCHA 3:15

Ngaich pöri kētöp tumkökṙôre in chu hĕng tak. Ngaich ngö inlahen angū-ö, hē ök tumkökṙôre nö röng, ök kël ngam Mā Tēv nö teungtöre nö in ò.

1 SAMUĔL 19:20

Tīnngö chamöha ngaich Sôl nö kē-ĕ Tāvit: ngaich hē cha nö meuk yik tömūl pròfĕt nö mikahaten sökhak inrē Samu-ĕl nö yöngṙen cha, teungtöre ngaich ngam ma-alaha aṅ im Tēv nö in yik chamöha tahīnngö Sôl ngaich cha-a inrē nö mikahaten.

1 SAMUĔL 13:3

Ngaich Yônatan nö kilöön ök chūök kumyung yik aṅ Filistain ök mi-i Kēpā, hāngö e ngaich yik aṅ Filistain. Föö ök römpet ngaich ang Sôl nö keuheūtngöre chūök nö im panam, nö ngö ṙô, Hang yip yēḵ Hīprū.

2 RĀCHA 2:15

Ngaich hē yik kikōnyö kūön yik pròfĕt yik mī-i Yērikō nö meūkan nö kamten ò, ngö ṙô cha-a, Ngaich ap ma-alaha Ĕlaicha nö teungtöre nö in Ĕlaisa. Ngaich yihtöre cha-a nö höngkūö ò, sōntöre cha-a ngaich nö el tumlat nö i kūö ò.

2 RĀCHA 2:5

Ngaich yik kikönyö kūön yik pròfĕt yik mī-i Yērikō nö haröhtöre nö in Ĕlaisa, nö ngö ṙô tö ò, Akahalōn öm kan tö ngam Mā Tēv min nö kēngö ngam yöng meh nö ṙā-ang i kuö meh töngamuh? Ngaich sapṙô cha anga-aṅ nö ngö ṙô, Hôṅ, Akahalōn chin tö e; uh yin ṙô-òv.

2 RĀCHA 2:3

Ngaich yik kikōnyö kūön yik pròfĕt yik mī-i Pētĕl nö yihtöre nö in Ĕlaisa, nö ngö ṙô tö ò. Akahalōn öm kan tö ngam Mā Tēv min nö kēngö ngam yöng meh nö ṙā-ang i kuö meh töngamuh? Ngö ṙô ngaich anga-aṅ, Hòṅ, Akahalōn chin tö e, uh yin ṙô-òv.

1 SAMUĔL 10:10

Ngaich hē cha nö sölta nö ik rung ngaich höngkūö ò yik töhĕng kiteūm pròfĕt; ngaich ngam ma-alaha aṅ im Tēv nö kalēḵ nö teungtöre nö i kui ò, ngaich hol ṙô cha anga-aṅ nö vë-eny yanīhih mu-unôich.

1 KÒRIN 14:1

Tömkö ngam hanāngenlōn; kalēḵĕlōn pöri tö inlōnti aṅ i töhet, möthë hòṅ yīö mikahten.

Salmai 49:4

Asītö elnangre chin min i inchō-oṙô: i ṙô öp hārp nup min tökihngen ṙô chu nö hameuknyu.

1 KINṘÖTNGÖ 16:42

Inu ang Haman Yētūtun inrē tö römpĕt simpôl inrē nö i ëlö tinkökö tö ranöng töhet tinkökö inrē. Vīlöngö yik kikōnyö kūön Yētūtun nö ik inkūp.

1 KINṘÖTNGÖ 16:5

Asaf ök yöngkūö, ṙanët ò yin vē Sakaria, Yē-i-el, Semīramòt, Yēhi-el, Matītiyā, Ēli-āp, Pennayā, Opĕtitöm. Yē-i-el inrē, ramöng hārp līör inrē, Asaf ök pamòng simpôl,

1 KINṘÖTNGÖ 13:8

Ṙòkhöre ngaich hēḵ Tāvit tö yik aṅ Israĕl nö ṙamölōn nö i kūö ngam Tēv nö mā-ainyre, holtö tinkökö, hārp, tampōröm, simpôl, römpĕt inrē.

2 RĀCHA 6:1

Ngaich yik kikōnyö kūön yik pròfĕt nö ngö ṙô tö Ēlaisa, Yĕh meuk, cheūkti ön ngih chūökö nö chūök hī iyöng ngih i kūö meh.

2 RĀCHA 4:38

Ngaich hēk ang Ēlaisa nö yih nö i Kilkāl: ngaich umuh ök inyāichö im panam; i kūö ò yik kikōnyö kūön yik pròfĕt nö ūichhaka: ngö ṙô ngaich anga-aṅ tök tarik re, Nyatlö ngam tökiröng tanīöyö, sum nyā-aṅkūö më kikōnyö kūön yik pròfĕt.

1 SAMUĔL 9:12

Ngaich sapṙô cha acha-a, nö ngö ṙô, Umuh apa; yĕh meuk urēhĕkūö nā ap: ka-eūyen yin tön yih ap töngamuh nö im elpanam; pò yip tarik töngamuh nö kētö tökētu ip tömarô-òl chūök chūökö:

1 SAMUĔL 10:4

Salāmö meh yip min, ngaich nët hata min tö rôtī nö kē-ĕkūö meh; ngaich kē-ĕ u min më-eṅ ṙā-ang eltī cha.

1 SAMUĔL 13:2

Lūöi köṅny katöllö ngaich Sôl tö tarik aṅ Israĕl; i yik aṅ in cha nët köṅny yik mi-in Sôl nö i Mikmas i kui ap rung Pētĕl inrē, hĕng köṅny inrē yik in Yônatan in Kipīa yip aṅ Penyamin: tīnngörit yik tarik chööḵṙen anga-aṅ nö kö el rūkuire.

1 KINṘÖTNGÖ 11:16

Ngaich ngöh Tāvit nö el ök töngëḵ chūökre; ngaich yik kumyung aṅ Filistain nö kē-ĕ i Petlihem.

Salmai 92:3

Holtö nup tö sömö inröt ranöng, hol tö salmai inrē: hol tö ṙēm ṙô öp hārp inrē.

1 RĀCHA 18:29

Ngaich ngö inlahen angū-ö, hē e nö ngaich nö chööḵngö ngam tö kamlö sakāmö, ngaich cha-a nö iṙūöhö ṙô nö vë-ekūötēv hanöng saha ngam ṙētak öp tökētu tö harap; hö-ö pöri nö tö takööyavö ṙô, öt rēhĕn nö töchumkūöṙenvö.

2 RĀCHA 2:7

Kiröönngöre inrē yik tötaneui anāi tarik kikōnyö kūön yik pròfĕt, söktöhëch ngaich nö marôvat nö kamten cha: ngaich nët tak cha-a nö sökhak nö i Yôtön.