1 SAMUĔL 10:1 - TÖHET LĪPÖRE (Re-edited) Bible (BSI)

¹ Ngaich Samu-ĕl nö kē ök pilön tavī-ī, ṙöstö e ngaich nö i kui ò, hāmkūö ò ngaich, nö ngö ṙô, Röh öng angū-ö nö inchamkui meh tö ngam Mā Tēv öm hōtu rācha i kui vē amin ò?

1 SAMUĔL 10:1 Referans Kwoze

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

Salmai 78:71

Kēnyen Ò Anga-aṅ ṙā-ang i tinömkörit nup kan sīṅp, mahapīö kūön re: nö ha-aṅlen Yāköp, öp tarik Ò, Israĕl inrē öp amin Ò.

1 SAMUĔL 9:16

Huṙöich i ngih ṙētak öich hĕng tak tahīnti tö tarik aṅ panam Penyamin, ngaich hacham elkui ò pömchö nö rācha vē tarik chu Israĕl, anga-aṅ öp min mahayöken vē tarik chu nö ṙā-ang eltī vē Filistain: pò chu ngëichtö kui vē tarikre pò nup ṙô cha nö peuiny nö söllö nö in chu.

Salmai 2:12

Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.

INLAHEN 13:21

Hēk unôich cha-a nö havëkö rācha, ngaich kē-ĕkūö cha ngam Tēv tö Sôl, ök kūön Kis, ök lamökngörit Penyamin, fën anāi samyeūheu.

1 SAMUĔL 26:11

Sō-oiṙen chin tö ngam Mā Tēv öich silô tö kël re lā-al ngam töhachāmö kui tö ngam Mā Tēv: vë-ekūö meh chin, öm kē ngam vöi ngam lā kui ò, tö ngam chūök mak inrē, ngaich tā-a töi ngaich kirööngöre.

I. CHÖNGÖ 32:9

Pò ngam minchööḵö ngam Mā Tēv nö i yip tarik ò; Yāköp öp amin ò nö kintölö.

2 RĀCHA 20:5

Havanritre man, ngö ṙô tö Hësikiā ap rācha vē tarik chu, Ngö ṙô An ngam Mā Tēv, ngam Tēv Tāvit ök yöng meh, Ngaich chin hang ṙô meh vë-ekūö chu, meuk nuk mak mat meh chin: Yĕh meuk, lööken man tö tī chu: ip linūöi sumkam man min chuh el patī ngam Mā Tēv.

2 RĀCHA 9:1

Ngaich Ēlaisa ök pròfĕt nö Hĕng tak havëti tö aṅ in yik kikōnyö kūön yik pròfĕt, ngaich ngö ṙô tö ò, Nyëklö ṙat re mana, ngaich kē ngih pilön tavī-i eltī meh, kiröönngöre ngaich chuh Rēmòtkilīöt.

INMEUKHÖMAT 5:8

Ngaich hē Ò nö kē ngam līpöre, ngaich nup tö fën nòng tö-aṅ töṙeūla, tö yip tö nët anāi fën tak mā, nö afukngöre nö i kūö ngam pököre, kö aṅhaṅv-in cha-a tö ranöng, töchilū humlum pingāṅl inrē, tööḵlö tö lōpān, nup vinë-eṅkūötēv ṙô yip töhet,

HEPRĀI 2:10

Pò e nö tölöök nö in Ò, ngam tö amīnu tö taṙòkhöre, ngam löklen në taṙòkhöre inrē, nö kētö kūön nö maṙôngö nö im kanôlò, nö vītö ngam mahachöngten inyööken cha nö teungten nö lökten i kanihngen.

1 TÖSALÒNIKĒ 5:26

Aṅtī tö töhet hināmö kūö, salām yip hol nö ṙòkhöre.

HŌSĪ 13:2

Köölö fālen yin nö ngaich nö ṙūölenre, vī insā tēv re yin tö töhaṙēichö rupīö cha, nup insā tēv tö sā mikah elmat cha, ṙòkhöre anū-ö nö vahīṙen kuntī tarik: ngaich ngö ṙô cha-a tö u, Hökngen yip tarik kamëtö tökētu nö hāmkūö minë kun nuā.

YERIMIĀ 10:16

Öt ngatī an anga-aṅ ngam minchööḵö Yāköp, pòn anga-aṅ vamī taṙòkhöre, miyöngö ò inrē Israel aṅ ip amin ò; Mā Tēv yip tömaṙôngö ap minë-eny ò.

Salmai 135:4

Pò ngam Mā Tēv nö atöllen Yāköp nö tarik Ò: Israĕl inrē nö tarik Ò.

1 RĀCHA 19:18

Sön min nö sat köṅny yip in Israĕl ṙahātö chu, yip töt samimtö kui kinmônö re nö in Pēal, nup minuh inrē töt hamām kūö.

2 SAMUĔL 19:39

Ngaich ṙòkhöre yik tarik nö havāngngö kui Yôtön, havāngngöre ngaich ök rācha: hāmkūö Pārsilāi ngaich ök rācha, hakôlò ò inrē; havan ngaich anga-aṅ nö i chūök re.

2 SAMUĔL 5:2

Hē Sôl misī nö rācha nö i kui ih, ngaich höng më-eṅ mahachōnyen ih kamëhetnen ih inrē i Israĕl: ngaich ngö ṙô ngam Mā Tēv tö meh, Ha-āṅhal vē tarik chu man min Israĕl, ngaich më-eṅ min inrē yöngṙen i kui Israĕl.

1 SAMUĔL 24:6

Ngaich ngö ṙô anga-aṅ tö yik tarik re, Sōtu chin ngatī tī tö ngam Mā Tēv im mā chu ngam töhachāmö kui tö ngam Mā Tēv, öich hanyāknyö kël re lā-al ò, pò ò nö töhachāmö kui tö ngam Mā Tēv.

1 SAMUĔL 13:14

Ngaich pöri ngam pūlngö meh töngamuh nö ötngöhören: ngaich an ngam Mā Tēv nö chöh öp tösā ellōn ò tarik, ngaich inrē ngam Mā Tēv nö vīlen ò nö rācha i kui vē tarik ò, pò meh më-eṅ öt köp tö ngam hinôtö meh tö ngam Mā Tēv.

1 SAMUĔL 8:19

Sōḵ pöri yik tarik nö hang ṙô Samu-ĕl; ngö ṙô cha-a, Hö-ö; hòṅ rāchavö in töp mahayöngö ih;

1 SAMUĔL 8:9

Lökten hang ṙô cha ngaich: uh pöri më-eṅ öt vëken cha min, hameukhömat cha inrē më-eṅ tö inlahen öp rācha öp mahayöngö cha min.

1 SAMUĔL 2:10

Cha-a yip töhòṅ lā-al ngam Mā Tēv ohngö min nö panyeiny; Kunṙôk tökui cha min anga-aṅ nö el halīöngö; Akah manā-angkūö ngam tumlat ngam Mā Tēv min: Kētö kumlēḵ ngam rāchare min anga-aṅ, Hapōilö sinrōl ngam töhachā- mö kui tö ò.

MANEUTNYI 30:23

Kēḵ nup yöngkūö tötahūsa më-eṅ, tö töh mūr taneūyòng siköl (rūpiö), tötahūsa sinamon ròngtī nö ngatī, öp tö nëtòng taneui anāi siköl (rūpiö), nup tötahūsa kalamös nëtòng taneui anāi siköl (rūpiö) inrē.

1 SAMUĔL 9:27

Ngaich hē cha nö peūtöre nö ik tölngö kūö ngam elpanam, ngaich ngö ṙô Samu-ĕl tö Sôl, Tölṙô ngam tarikre man nö chööḵökūöre urĕh tö hā, (chööḵökūöre ngaich anga-aṅ,) sökngöre pöri më-eṅ töngamuh um halöinyköre, hòṅ chu ahangnyö elnang meh tö ṙô ngam Tēv.

1 SAMUĔL 12:3

Ihih chin yih: vë-eny fālen chu yin yĕh i kūö ngam Mā Tēv, i kūö ngam hacham elkui ò inrē. Chiāp tökē-ĕ nuā tö chu? Hēk chiāp tökē-ĕ köttö tö chu? Hēk achīö töhachīlö tö chu? Achīö töhakihtuṙen tö chu? Hēk el tī chīö öich kētö tö-ulāitu raneushö nö tinlupngö kūö në mat chu nö in ò? Ngaich kô-òren chū-ö havan tö e in yīö.

1 SAMUĔL 15:1

Ngaich Samu-ĕl nö ngö ṙô tö Sôl, Tīntu chin tö ngam Mā Tēv öich hacham elkui meh rācha i kui vē tarik ò, i kui Israĕl: lökten man yĕh hangihtöre tö në ṙô ngam Mā Tēv.

1 SAMUĔL 16:1

Ngaich ngam Mā Tēv nö ngö ṙô tö Samu-ĕl, I rô-òtö miṙivlōn öm min tö Sôl, yĕh meuk tö chu ngaich sō-en ò nö rācha nö i kui Israĕl? Asëlö aṅ ngam sinrōl man tö tavī-i, kuṙòh, töich tinngen meh in Yēsī öp aṅ Pĕtlihem: tön i yip kūön ò chin kikōnyö meukṙenre tö rācha.

1 SAMUĔL 26:9

Ngaich ngö ṙô Tāvit tö Apīsāi, Un fëli an: chīö ṙöng öp tökô nö ṙāḵtö tī re nö lā-al ngam töhachāmö kui tö ngam Mā Tēv, ngaich rö-ö nö fāluṙen?

2 SAMUĔL 1:14

Ngö ṙô ngaich Tāvit tö ò, Sitih ömeh öt pa-ekūö öm hateutnyö kël re fëlngö ngam töhachāmö kui tö ngam Mā Tēv?

1 RĀCHA 1:34

Hökngen Sētòk ap kūönṙô Nātan inrē ap pròfĕt nö hacham kui ò nö umuh nö rāchakūö Israĕl: föö ap römpet pöichö ngaich ngö ṙô, Tēv hayööken ngam rācha Sòlòmön.

ISIKĪ-ĔL 16:13

Ngatī innyöṅtö ngaich me-eṅ tö humlum rupīö; nup hilā meh inrē nö tövai linen hilā, resöm hilā inrē töyōhoh mirun mat hilā inrē; nyā töpahīöya atra me-eṅ inrē, töpachāka tavī-i inrē. Ṙūölöre vanāyö ngaich me-eṅ, ngaich sā inlahen rācha.

1 SAMUĔL 15:17

Ngö ṙô ngaich ang Samu-ĕl, Pòrô man misī öm tökūöṅnö tö matre, ngaich öt vīlöng hòng më-eṅ yöng kūö yip miyöngö Israĕl? Hachāmö kui më-eṅ ngaich töm Mā Tēv öm rācha i kui Israĕl;

2 SAMUĔL 20:19

Töhĕng tak chin chū-ö aṅ in cha öich tölām tökô-en inrē i Israĕl: lukkenre man hòṅ tiṙölngö elpanam fëlngö yöngnyīö inrē aṅ Israĕl: kūöyòh öm hòṅ mīktö vē amin ngam Mā Tēv?

2 RĀCHA 9:12

Ngaich ngö ṙô cha-a, Minyôinyaṅ ò an angū-ö; ve-eny nang ih man ngaich. Ngaich ngö ṙô anga-aṅ Ngö ṙô an taheui nö vë-ekūö chu, Ngö rô An ngam Mā Tēv, hacham el kui meh chin ngaich rācha i kui Israĕl.