1 SAMUĔL 1:9 - TÖHET LĪPÖRE (Re-edited) Bible (BSI)

⁹ Lökten Hëna nö choholre tö kinheūtökūö cha nö nyā nö i Sailō, tö kinheūtökūö cha inrē nö òk. Ūichhakṙen ök kūönṙô Ēli nö el ök anūchöre ik inkūp i rööntö machööḵlö ök töhet chūök ngam Mā Tēv.

1 SAMUĔL 1:9 Referans Kwoze

1 SAMUĔL 3:3

Öl ök ëāṅvö ngam Tēv nö nyangngö, ṙōlngöre ngaich Samu-ĕl nö haṙòh, nö el patī ngam Mā Tēv, i chūök ök kasòng chöngö ngam Tēv;

Salmai 27:4

Hĕng öp havëkö chu im Mā Tēv, chahöh chu min: hòṅ chu iyöng el patī ngam Mā Tēv min i rô-òten chu aṅ, öich ngëichkö vanāyö ngam Mā Tēv, hatīönkö ngam patī ò inrē.

Salmai 5:7

Yih pöri min chū-ö el ngam patī meh, i ṙôken hanāngen neūkölōn meh: I pinhë-e-kūöre chin salāmö meh kū-ö tö ngam töhet chūök meh.

2 SAMUĔL 7:2

Ngö ṙô ngaich ngam rācha tö Natān ök pròfĕt, Yĕh meuk, iyöng el patī chin chū-ö tö chōntö sītör ngaich pöri ngam kasòng ngam Tēv nö iyöng ël ranangkūö.

1 SAMUĔL 3:15

Hulalngöre ngaich Samu-ĕl hanöng saha ap peuheū, löpnyökūö nuk inkūp ngam patī ngam Mā Tēv ngaich. Ngaich pa-ekūö ang Samu-ĕl nö hameuktö ök maheuṅkre nö in Ēli.

Salmai 29:9

Suknyöre kūön nup ha-in tö-kūö ṙô ngam Mā Tēv, ngānyi tī inrē tö elinchōn: ngaich ṙòknyöre ṙô nup el ngam töhet chūök ò nö ngö, Ineu-euṅ yēḵ.

MANEUTNYI 21:6

Ngaich ngam yōmṙen ò nö kēten ò nö im kamhôṅka; ngaich kēten ò nö im inkūp, hēk inrē im machööḵlö ngam inkūp; ngaich ngam yōmṙen ò nö tufunngö nang ò nö lòk nang ò; ngaich anga-aṅ min nö urāḵngen nö kūön alaha ò.

1 SAMUĔL 1:10

Ngaich ang Hëna nö ik yöng miṙivlōnre, ngaich ve-ekūö ngam Mā Tēv, kalē-ĕ ṙô inrē nö peūiny.

1 SAMUĔL 4:13

Ngaich hē ò nö chalôköti, yĕh meuk ūichhak Ēli nö lö el anūchöre i taseū talöökö nö aṅhati pò ò nö kichëyöre ellōn tökūö ök kasòng ngam Tēv. Hē ngam tarik nö sölhöt nö elpanam, vë-eny e ngaich, ngaich ṙòknyöre ṙô yik aṅ elpanam nö peūiny.