1 SAMUĔL 1:8 - TÖHET LĪPÖRE (Re-edited) Bible (BSI)

⁸ Ngaich ök pīhö ò Elkāna nö ngö ṙô tö ò, Hëna, kūöyòh öm peuiny? Kūöyòh inrē öm öt nyā? Kūöyòh öm haṙīvö ellōn? Öt mötlö öich chū-ö in meh tö tösöm tak nyīö kikōnyö?

1 SAMUĔL 1:8 Referans Kwoze

NGAM LĪPÖRE RŪT 4:15

Ngaich anga-aṅ min nö in meh nö mahavanlö nômö, maharūkö meh inrē i saha meh köiny: pò ngam kan kūön meh nö kayônyö kūön ò, ngam töhāngenlōn tö meh nö mötlö tö tösat tak nyīö kikōnyö.

Isayā 54:6

Pò ngam Mā Tēv nö havëken meh nö sā ṙô öp inpīhö töṙā-ayö töhaṙīvö ellōn inrē, sā öp inpīhö tö-ayal yē ò nö kavāli, tö ṙô ngam Tēv.

NGAM LĪPÖRE YŌP 6:14

Anga-aṅ ngòh töt kamëtö neūkölōn nö i holre ṙamāngö pinhë-eṅkūö tö ngam Tökeuheūttöre Chöngö

1 TÖSALÒNIKĒ 5:14

Kahōlö, halēnö yīö in inrē, vëkö yip tötlēn yin, ṙuhöl alaha töt kalēḵen ellōn, holṙen yip töt kalēḵen, möi i taṙòkhöre.

T. YÔHAN 20:15

Ngaich ngö ṙô Yēsū tö ò, Me-eṅ kikānö; kūöyòh öm peuny? Achīö ap chahöh meh? Yōm panô-òṅ Anga-aṅ, tö lōn Mariā, ngaich ngö ṙô tö Ò, Mā; yē Meh kēḵngen Ò nö ṙā-ang hih, ve-eny nang chu Man yēk, tö chūök tīre ṙāten Ò; hòṅ chu kēḵ an.

T. YÔHAN 20:13

Ngaich ngö ṙô cha-a tö ò, Kūöyòh öm peuny? Ngaich ngö ṙô anga-aṅ, nö sapṙô cha, Pò cha nö kēḵngö ök Mā chu; öt akahalōn Chū-ö tö chūök tī cha nö ṙāten Ò.

Salmai 43:4

Ngaich chū-ö min yihtöre im tahāklö ngam Tēv; im kin-rööngö ṙanāmölōn chu: ha-öinyö meh chin min, i hārp, Ō Tēv, Tēv chu.

Isayā 54:1

Ō Më-eṅ tötkūönu, tikökṙôre man me-eṅ tötkamyôḵnyö nyīö; kaknyöre tikökṙôre, pōitô inrē hū-a, më-eṅ töt mahalöinyöre i kinyôḵnyö nyīö: tön saṙaklöngkūö yip kūön öp töt aṅhavökūö tö yip kūön ò öp töpīhövö, tö ṙô ngam Mā Tēv.

2 RĀCHA 8:12

Ngaich ngö ṙô ang Hāsaĕl, Mā chu kūöyòh öm peuiny? Ngaich ngö ṙô anga-aṅ nö sapṙô, Pò chu akahalōn töp tötlöök tī meh min in yip kūön Israĕl: föngtu nup min tö meh töngëḵ chūökö, fëli min tö meh yip ṙālö tarik nö nyaha tö fël pinyāṅchi min yip tökūöṅnö sapnyu aich min inrē yip kikānö tökūönu ellōn.

1 SAMUĔL 1:7

Kaheuk samyeūheu anga-aṅ nö ngatī, hē Hëna nö chuh el patī ngam Mā Tēv, ngaich ngatī Pënīnah nö halīplölōn ò; lökten ò nö peuiny, öt nyā inrē.