1 SAMUĔL 1:5 - TÖHET LĪPÖRE (Re-edited) Bible (BSI)

⁵ Höng hēngö minchöḵö pöri Hëna tö tī ò: hāngenlōn pöri anga-aṅ tö Hëna löpikūö chūök kanūönö pöri anga-aṅ tö ngam Mā Tēv.

1 SAMUĔL 1:5 Referans Kwoze

Ranehlö 30:2

Hūlörekūö tanānyö ngaich Yāköp nö in Rēchöl: ngaich ngöṙô angā-aṅ, i chūök ngam Tēv öich kan chū-ö, ngam töt kamë-ekūö meh tö ṙòng aṅ chūök kanūönö?

Ranehlö 45:22

Kö kē-ĕkūö yik tarik angā-aṅ nö ṙòkhöre tö hilā; in Penyamin tī pöri angā-aṅ nö lūöyòng tī tö rupīö, taneui hilā inrē.

Ranehlö 20:18

Pò ngam Tēv nö haköpngökūö chūök kanūönö yik aṅ patī Apimelek nö ṙòkhöre, kūö ök pīhö Aprahām ang Sëra.

Ranehlö 16:1

Öt kayôḵnyö kūön Aprām ang Sarai ök pīhö ò: ngaich hĕngtak ök mahalanṙen ò kikānö, aṅ Aikup, ök tö minënyu tö Hakār.

Ranehlö 43:34

Ngaich angā-aṅ nö kē nuk i kūöre nyā-aṅkūö; kētö u ngaich nö in cha: ngaich pöri ök nyā-aṅkūö Penyamin nö taneuiköti nö pōyen tö nyā-aṅ më. Òk chā-a ngaich, ngaich ṙāmölōn nö in ò.

I. CHÖNGÖ 21:15

Yē öp tarik nö nët tak pīhö, hĕng tak öp lālö, ngaich töt lālö öp tahëng, ngaich nëtre taka cha-a nö kūönu tö tī ò, tö ngam lālö tö ngam tötlālö inrē ngaich yē öp kikōnyö nyīö lanòh nö kūön öp tötlālö:

Ranehlö 30:1

Ngaich hē Rēchöl nö meukngenre nö öt kūönu nö in Yāköp, kunyāhaha elmat ngaich Rēchöl tök mëmre; ngaich ngöṙô angā-aṅ tö Yāköp, Kētö kūön chu, hēk hönglūk öich höng kapah.

Ranehlö 11:30

Tötmikūönlö ök Sarai; öt kūönu anga-aṅ.